3/29/2024
Today from Hiiraan Online:  _
Wararka Maanta- Isniin, Apr 1 , 2019
Guddiga Amniga oo faah faahin ka bixiyay howlgallo laga sameeyay magaalada Muqdisho

 

Isniin, April, 01, 2019 (HOL)– Saacadihii ugu danbeeyay waxaa magaalada Muqdisho qeybo ka mid ah howlgal lagu xaqiijinayo nabad-galyada ka sameeyay ciidamo ka tirsan kuwa Booliiska Soomaaliya, waxaana uu howlgalkan qeyb ka noqonayaa amarkii ka soo baxay maamulka gobolka Banaadir ee la xiriiray sugida Amniga magaalada.

Ciidamada ayaa la arkayay iyaga oo baarayaa guryaha, iyo ciidamada qaarkood oo baaritanno ku sameynaya dadka jidadka lugeynaya.

Guddiga amniga ee loo xilsaaray Ammaanka Magalada Muqdisho, kuwaas oo ka kooban Wasiiro, Saraakiisha cidan iyo Gudoomiyaha Gobolka ayaa faah faahin ka bixiyay howlgalada socda.

Guddoomiye ku-xigeenka Amniga iyo siyaasada Maamulka gobolka Banaadir Maxamed Cabdullaahi Tuulax ayaa sheegay in kulan ay yeesheen  Guddiga looga wada hadlay xaalada ami ee Muqdisho, sidoo kalena ay kormeereen Goobaha ay howlgallada ka socdaan, isaga oo intaa ku daray in howlgalladan la sii wadi doono ilaa laga xaqiijiyo nabad-galyada guud ahaa magaalada.

Waxaa uu sidoo kale uu sheegay in maamulka gobolka Banaadir ay soo jeediyeen baahiyaha ay qabaan ciidamada qaar,waxaana uu sheegay in xaafadaha qaar ee maagaalada Muqdisho ay weli howlgallo ka socdaan,waxaana Shacabka uu ugu baaqay in ay dulqaataan.

C/raxmaan Diini, Hiiraan Online
[email protected]

 
 













Click here
4/1/2019 2:26 PM EST
Isniin, April, 01, 2019 (HOL)– Dowladda Belgium ayaa markii ugu horeysay ku dhawaaqday in ay si rasmi ah u aqoonsatay Baasaboorka Shaqaalaha iyo midka Diblomaasiga ee Soomaaliya ee loo yaqaano Service and Diplomatic.

4/1/2019 11:48 AM EST
Isniin, April, 01, 2019 (HOL)–Xaafada Addis kella ee Diridhabe waxaa maanta ka dhacay banaan bax ay isugu soo baxeen shacabka Soomaaliyeed ee xaafaddaas deggan iyagoo watay boodhadh ay ku qornaayeen " Waxaanu doonaynaa Cadaalad ".

4/1/2019 11:41 AM EST
Isniin, April, 01, 2019 (HOL)– Waxaa si rasmi ah u furmay shirwaynihii 10aad ee Xisbiga Dimuqraadiga Shacabka Soomaalida Itoobiya, shirwaynahan ayaa waxaa kasoo qayb galay dhammaan xubnaha Xisbiga, Odayaasha degaanka iyo waxgaradka, iyo sidoo kale xubno ka socday Xisbiyada degaamada dalka.

4/1/2019 8:42 AM EST
Isniin, Apriil,0 1, 2019 (HOL)- Xisbiga mucaaradka ah ee WADDANI ayaa sheegay in wada hadalkii u dhexeeyey xisbiga KULMIYE iyo WADDANI ee ku saabsana xaga doorashooyinka uu natiijo la’aan ku soo dhamaaday.

4/1/2019 8:40 AM EST
Isniin, Apriil,0 1, 2019 (HOL)- Madax dhaqameed reer Hargeysa ah ayaa xukuumada Somaliland ku eedeeyey inay doonayso inay dawladda Jabuuti u gacangaliso ganacsade Axmed Cismaan Geelle oo dawlada Jabuuti dalbatay in loo soo qabto.

4/1/2019 7:20 AM EST
Isniin, April, 01, 2019 (HOL)–Ra’iisal wasaaraha xukuumadda Soomaaliya Xassan Cali Kheyre oo khudbad ka jeediyay furitaankii Kalfadhiggii 5aad ee golaha Aqalka, ayaa sheegay in uu wakiil ka yahay madaxweynaha oo aan ka soo qeybgalin munaasabada.

4/1/2019 7:02 AM EST
Isniin, April, 01, 2019 (HOL)– Guddomiyaha Gobolka Banaadir ahna Duqa Muqdisho C/raxman Cumar Cusmaan (Eng. Yariisow) ayaa faray laamaha amniga in gacanta lagu soo dhigo askarigii dilka u geystay muwaadin Bajaajle ah, si caddaaladda loo horkeeno.

4/1/2019 6:42 AM EST
Isniin, April, 01, 2019 (HOL)– Isgoyska KM4 waxaa isku socodka dadka iyo gaadiidka xayiray dibadbax ay dhigayaan Darawalada ku shaqeysta gaadiidka yaryar ee Mooto Bajaajka, kuwaa oo ka cabanaya dilalka joogta noqday oo ay ciidamada dowladda ku hayaan.

4/1/2019 2:14 AM EST
Isniin, April, 01, 2019 (HOL)–Odayaal iyo waxgarad ka soo jeeda beesha Arab ayaa shir jaraa’id oo ay qabteen waxaa ay uga digeen xukuumadda Somaliland in ganacsade Axmed Cismaan Geelle loo gacan galiyo dowladda Jabuuti.

4/1/2019 1:28 AM EST
Isniin, April, 01, 2019 (HOL)– Maanta oo Isniin ah 01-April ayaa lagu wadaa in uu furmo Kalfadhiggii 5aad ee Golaha Aqalka sare, waxaana la filayaa in ay ka qeybgalaan munaasabada madaxda ugu sareysa Qaranka.

4/1/2019 12:53 AM EST
Isniin, April, 01, 2019 (HOL) – Warar ay goor dhaw heshay Hiiraan Online ayaa sheegaya in mar kale uu maanta baaqday kulan ay yeelan lahaayeen xildhibaannada Golaha Shacabka.