3/28/2024
Today from Hiiraan Online:  _
Wararka Maanta- Isniin, Sept 9 , 2019
Madaxweyne Waare oo Matooro guddoonsiiyay Qaar ka mid ah Beeraleyda Beledweyne


Isniin, September, 09, 2019 (HOL)-Maxadweynaha Dowladda Hirshabelle Dr Maxamed Cabdi Waare ayaa maanta Guddoonsiiyay matooro loogu talo galay in lagu horumariyo Beeraleyda Hirshabelle, waxaana maamulka ka gacansiiyay hey'adda ARC kaddib munaasabad ka dhacday hoolka shirarka magaalada Beledweyne, waxaana munaasabadda goob joog ka ahaa xubno ka tirsan labada gole ee dowladda Hirshabeelle mas'uuliyiinta heer gobol iyo heer degmo, iyo Qaar ka mid ah beeraleyda gobolka Hiiraan.

Madaxweynaha dowladda Hirshabeelle Dr  Maxamed Waare oo munaasabadda ka hadlay ayaa ku dheeraaday ka sheekeynta muhiimada ka faaideysiga wax soo saarka beeraha hirshabelle,isagoo xusay in barnaamijkani uu qeyb ka yahay Qorshaha lagu horumarinayo Beeraleyda deegaanada Hirshabelle, waxaana uu tilmaamay in muhiim ay in  laga faaideysto biyaha webiga shabeele taa bedelkeeduna aysan noqon mar  in uu wabiga uu fataho marna uu qalalanyahay.

"Barnaamijkani runti waxaa uu qeyb ka yahay mashaariicda lagu xoojinayo adkeysiga beeraleyda ay u adkeystaan abaarooyinka, fatahaadaha si ay u soo saartaan wax soo saarka, gaar ahaan wax soo saarka la iib geeyo ay qudaartu ugu badantahay, runtii barnaamijkani waxa uu horseed u yahay barnaamij weyn oo u jeedadiisu ay tahay in nolosha beeraleyda hirshabelle wax looga bedelo qeyb ka mid ah, barnaamijyadaas maalgalinayo deeq beexiyayaal kale duwan, qeybta ugu weyn waa qeybta lagula tacaalayo, ee ka hortagayo fatahaadaha ee mar walba soo noqdo" Ayuu yiri madaxweyne Waare.

Madaxweynaha Dowladda Hirshabeelle Dr Maxamed Cabdi Waare oo sii hadlay ayaa u  mahaceliyay hey'ada ka gacan siisay maamulka qalabkani oo muhiimad gaar  ah ugu fadhiyo beeraleyda Soomaaliyeed gaar ahaan beeraleyda  Hirshabelle, waxaana uu xusay in muhiimad gaar ah ay ugu fadhiso kor u  qaadida xirfadda iyo aqoonta beeraleyda ayna ku howlanyihiin in laga  faaideysto wax soo saarka dalagyada beeraha.

Maamulka  hirshabelle ayaa qorsheeyay 1535 matooro in looga faaideeyo beeraleyda hirshabelle iyadoo Beeraleyda magaalada Jowhar horey la guddoonsiiyay  matooro sidaan oo kale, waxaana Maanta madaxweynaha gacantiisa uu ku  guddoonsiiyay 375 ka mid ah Beeraleyda magaalada Beledweyne iyo  deegaannada hoosyimaada.
 
C/raxmaan Diini, Hiiraan Online
[email protected]  
 
 

 













Click here
9/9/2019 12:12 PM EST
Isniin, September, 09, 2019 (HOL)-Kooxda Xizbullah ayaa maanta sheegtay in dagaal-yahannadeeda ay koonfurta Lebanon kusoo rideen diyaarad aan duuliye lahayn (Drone), oo ay lahayd Israel.

9/9/2019 11:53 AM EST
Isniin, September. 09, 2019 (HOL)-Xukuumadda Soomaaliya ayaa beenisay wararka sheegaya in Al-Shabaab ay joojiyeen dhismaah iyo Dayactirka Tuulada Ciyaaraha Kubadda Cagta ee Stadium Muqdisho ee degmada Warta-Nabada Gobolkan Banaadir.

9/9/2019 10:53 AM EST
Isniin, September, 09, 2019 (HOL)- Ugaas Xassan Ugaas Khaaliif oo ka mid ah duubabka dhaqanka Soomaaliyeed oo goor dha shir jaraa'id ku qabtay magaalada Beledweyne ayaa ugu baaqay madaxweynaha dowladda Soomaaliya Maxamed Cabdullaahi Farmaajo iyo ra'iisal wasaare Xassan Cali Kheyre in magaalada laga saaro ciidamo iyo gaadiid dagaal oo ka tirsan qeybta 21aad ee ciidanka xoogga dalka Soomaaliyeed.

9/9/2019 8:53 AM EST
Isniin, September, 09, 2019 (HOL )– Madaxweynaha Somaliland Muuse Biixi ayaa maanta xafiiskiisa ku qaabiley wefti uu hogaaminayo Safiirka Ingiriiska u Qaabilsan Soomaaliya Amb. Ben Fender.

9/9/2019 8:03 AM EST
Isniin, September, 09, 2019 (HOL)-Wasiirka Wasaaradda Waxbarashada Xukuumadda Soomaaliya Xildhibaan Cabdullaahi Goodax Barre ayaa Magacaabay Guddiga KMG ah ee Tacliinta Sare,gudigaas oo ka kooban Shan xubnood ayaa kala ah guddoomiye, Guddoomiye kuxigeen iyo Saddex Xubnood.

9/9/2019 4:48 AM EST
Isniin, September, 09. 2019 (HOL)- Sarkaal ka tirsan ciidamada Booliiska dowladda Soomaaliya ayaa lagu waramayaa in uu ku dhaawacmay qarax loogu xiray gaarigisa meel aan ka fogeyn dekedda magaalada Muqdisho.

9/9/2019 2:56 AM EST
Isniin, September. 09, 2019 (HOL)Inta la xaqiijanayo Shan ruux oo ay ka mid yihiin askar ka tirsan ciidamada howlgalka midowga Africa AMISOM ayaa ku dhintay qaraxyo ka dhacay deegaanka Buurane ee gobolka Shbeellaha dhexe maalintii shalay.

9/9/2019 2:10 AM EST
Isniin, September, 09, 2019 (HOL)- Warbixin laga sii daayay TV Universal ayaa lagu sheegay in Ururka Al-shabaab ay amar ku bixiyeen joojinta dhismihii iyo dib-u-dayactirka Garoonka Kubadda Cagta ee Stadium Muqdisho.

9/9/2019 1:55 AM EST
Isniin, September, 09, 2019 (HOL)- Wasiirka Wasaaradda Waxbarashada Hidaha iyo Tacliinta Sare ee xukuumadda Soomaaliya Cabdullaahi Barre ayaa uga mahad celiyay madaxweynaha dowlad gobolleedka Hirshabeelle Maxamed Cabdi Waare oo ku wareejiyay Wasaaradda Jaamacadda Hiiraan University.