3/28/2024
Today from Hiiraan Online:  _
Wararka Maanta- Arbaco, Sept 18, 2019
Boqor Salman: Sacuudiga waa awoodaa inuu is-difaaco

 

Arbaco, September, 18, 2019 (HOL)-Boqorka Sacuudiga, Salman Bin Abdulaziz ayaa maanta sheegay in dalkiisa uu awoodo inuu iska difaaco wax uu ugu yeeray “weeraradii fuleynimada ahaa” ee hakiyey kala-bar wax soo saarkii saliida dalkiisa, hase yeeshee waxa uu beesha caalamka ugu baaqay inay “si cad u wajahaan” kuwii ka dambeeyey.

Dowladda Sacuudiga ayaa ku celisay eedeynteeda ah in hubka Iran loo adeegsaday weerarka, hase yeeshee ma aysan yaboohin wax caddeymo ah oo taageereeya sheegashadeeda.

Hadalka boqorka ayaa waafaqsan kii madaxweynaha Donald Trump uu isniintii ku sheegay in ay u badan tahay in Iran ay mas’uul ka tahay weerarka.

Golaha wasiirada Sacuudiga ayaa sheegay in weerkii sabtidii uu halis geliyey ammaanka dunida iyo qeybinta tamarta dunida.

Trump ayaa shaaca ka qaaday inuu diyaar u yahay inuu caawiyo Sacuudiga oo xulufo muhiim la ah, kadib weerarkii loo adeegsaday diyaardaha drone-ka, oo si aan horey loo arag sare ugu qaaday qiimaha saliidda caalamka.

Si kastaba, Trump waxa uu sheegay inuu sugayo go’aan “qayaxan” oo ku saabsan cidda mas’uulka ka ah weerarka.

“Ma doonayo inaan dagaal cusub ku lug yeelano, balse mararka qaar waad ku qasban tahay” ayuu yiri. “Kani waxa uu ahaa weerar aad u weyn, balse waxaa looga jawaabi karaa weeraar dhowr mar kasii weyn.”

Xigasho VOA 

 













Click here
9/18/2019 3:53 PM EST
Arbaco, September, 18, 2019 (HOL)-Inta la xaqiijiyay afar ruux ayaa geeriyootay , tiro kalana waa ay ku dhaawacmeen qarax lala eegtay gaadiid uu la socday Xildhibaan ka tirsan Baarlamaanka Federaalka.

9/18/2019 1:46 PM EST
Arbaco, September, 18, 2019 (HOL)-Gaari ayaa ku qarxay waddada hal-bowlaha ah ee Maka Al-mukarama, xilli ay halkaa ka socotay xaflad daahfur xarun cusub oo ganacsi.

9/18/2019 1:12 PM EST
Arbaco, September, 18, 2019 (HOL)- Kaddib Qoraal ka soo baxay guddoomiyaha Maxkamada Ciidamada Qalabka qeybta 27aad ee gobolka Hiiraan ayaa shaqo joojin ku sameysay Ku simihii taliyaha Ciidamada qeybta Booliska Gobolka Hiiraan Cali Dhuux Cabdi Mahadalle & Taliyaha Saldhiga Booliska Baladweyne Gaashaanle Cabdi Cumar Siyaad.

9/18/2019 11:15 AM EST
Arbaco, September, 18, 2019 (HOL)-Taliyaha ciidanka Boliiska Soomaaliyeed S Gaas Cabdi Xassan Maxamed (Xijaar) ayaa maanta waxaa uu kulan la qaatay Safiirka Jamhuuriyadda Turkiga Mehmet Yilmaz.

9/18/2019 10:59 AM EST
Arbaco, September, 18, 2019 (HOL)-Garyaqaan Mubaarak Cabdi Ismaaciil oo ka mid ah dhallinyarada qareenada ah ee madaxa banaan ayaa sheegay inuu shaqadii qareenimo uu muddo saddex sanno joojiyey inuu ku shaqeeyo illa inta sharciga sidiisa loo raacayo.

9/18/2019 8:01 AM EST
Arbaco, September, 18, 2019 (HOL)-Madaxweynaha Puntland, Siciid Cabdullaahi Deni ayaa maanta gaaray deegaan xeebeedka Garacad ee gobolka Mudug.

9/18/2019 7:20 AM EST
Arbaco, September, 18, 2019 (HOL)-Warar dheeraad ah ayaa ka soo baxay qarax lala eegtay injineer ka tirsanaa shaqaalaha dhismaha wadada xiriirisa magaalada Muqdisho iyo degmada Afgooye kuwaasoo ku sugnaa deegaanka Garasbaaley.

9/18/2019 5:49 AM EST
Arbaco, September, 18, 2019 (HOL)-Maxkamada Cadaaladda caalamiga ICJ ee fadhigeedu yahay Hague ayaa sheegtay in horaanta bisha November dib loo furi doono dhageysiga dacwada kiiska Badda ee u dhaxeeya dowladdaha Soomaaliya iyo Kenya.

9/18/2019 5:20 AM EST
Arbaco, September, 18, 2019 (HOL)-Guddoomiyaha cusub ee Gobolka Banaadir ahna Duqa Muqdisho ayaa xalay kulan casho waxaa uu hoygiisa ugu sameeyay Madaxweynayaasha Maamulada Hirshabeelle iyo Koofur Galbeed Maxamed Cabdi Waare iyo C/casiis Xasan Maxamed.

9/18/2019 1:48 AM EST
Arbaco, September, 18, 2019 (HOL)-Madaxweynaha Dowladda Federaalka SoomaaliyaMaxamed Cabdullaahi Farmaajo ayaa dib ugu soo laabtay magaalada Muqdisho, kaddib markii uu ku soo xiray magaalada Dhuusamareeb wajiga koowaad ee Shirweynaha Dib-u-heshiisiinta Galmudug.

9/18/2019 1:38 AM EST
Arbaco, September, 18, 2019 (HOL)-Dowladda Soomaaliya ayaa faah faahin dheeraad ah ka bixisay howlgallo ciidamada dowladda ka sameeyeen ka sameeyeen deegaanno ka tirsan gobollada Jubbadda Hoose iyo Hiiraan ee Koonfurta iyo Bartamaha Soomaaliya.

9/18/2019 1:13 AM EST
Arbaco, September, 18, 2019 (HOL)-Dowladda Federaalka Soomaaliya waxay soo dhaweynaysaa aqabaaladda waraaqaha aqoonsiga ee uu Madaxweynaha Mareykanka Mudane Donald J. Trump kaga guddoomay Aqalka Cad danjiraha cusub ee Soomaaliya ee Washington Mudane Ali Shariif Axmed kaasoo loo igmaday inuu sii dardargeliyo xiriirka saaxiibtinnimo ee tariikhiga ah, iskaashiga istaraatiijiyeed iyo wax wada qabsiga ee faa'iidada u leh labada dal.