10/22/2019
Today from Hiiraan Online:  _
Wararka Maanta- Isniin, Sept 16, 2019
Madaxweyne Waare ''Hirshabeelle culeys Amni ayaa ku furan oo aan la qarin karin


 

Isniin, September, 16, 2019 (HOL)-Madaxweynaha dowlad gobolleedka Hirshabeelle Maxamed Cabdi Waare oo ka hadlayay dhacdooyinkii is xig xigay labadii cisho ee la soo dhaafay ka dhacay waddada isku xirta Muqdisho iyo Jowhar ayaa sheegay Hirshabeelle waqtigan wajaheyso culeys dhanka Amniga ah.

Wuxuu sheegay in xaalada nabad-galyo darro ee ka jirta Hirshabeelle gaar ahaan Shabeellaha dhexe hadda soo gaartay sida uu hadalka u dhigay meel aan la qarsan karin, isaga oo arintan u sababeynaya howlgalada ka socda gobolka Shabeellaha hoose, madaama ayuu yiri xoogagga Al-shabaab ee ka soo cararaya gobolka Shabeellaha Hoose u soo guurayaan deegaannada Hirshabeelle.

''Annaga kama xumin in Shabeellaha hoose cadawga laga saaro [Al-shabaab] laakiin Annaga ayeey arintan saameyn weyn nagu yeelatay oo ay noo soo guureen'' ayuu yiri madaxweyne Waare oo  khudbad ka jeedinayay shir xiritaanka Bandhigga Waxsoo saarka iyo maalgashiga Hirshabeelle.

Hadalka madaxweyne Waare ayaa imanaya xili i lagu weeraray  wadada isku xirta magaalada Jowhar iyo Balcad ciidamo ka tirsan AMISOM  iyo mas’uuliyiin ka tirsan Hirshabeelle.

Madaxweynaha Dowlad Goboleedka Hirshabelle Maxamed Cabdi Waare ayaa maanta u buuxsantay sanadguurada labaad ee ka soo wareegatay markii loo doortay Madaxtinimada dowlad goboleedka Hirshabelle.

C/raxmaan Diini, Hiiraan Online
[email protected]   
  

 










Click here
9/16/2019 2:24 PM EST
Isniin, September, 16, 2019 (HOL)- Madaxweynaha Dowladda Hirshabelle Dr Maxamed Cabdi Waare ayaa maanta soo xiray Shirwaynaha Bandhigga Ganacsiga iyo maalgashiga Beeraha, kaa oo labadii maalin ee la soo dhaafay ka socday Magaalada Caasimada ah ee Jowhar.

9/16/2019 1:37 PM EST
Isniin, September, 16, 2019 (HOL)-Shirkada korantada Soolpawer ayaa qiratay masuuliyadda wiil dhalinyaro ah oo xalay ku dhintay magaalada Laascaanood xarunta gobolka Sool.

9/16/2019 11:05 AM EST
Isniin, September, 16, 2019 (HOL)-Madaxweynaha dowladda Soomaaliya Maxamed Cabdullaahi Farmaajo iyo wafdi uu horkacayo ayaa goor dhaw gaaray degmada Dhuusa-Mareeb ee xarunta dowlad gobolleedka Galmudug.

9/16/2019 10:14 AM EST
Isniin, September, 16, 2019 (HOL)-Askari ka tirsan ilaada ciidamada gaarka ee hay’adaha caalamiga ah ee magacooda loo soo gaabsho (SPU) ayaa toogasho ku dilay duhurnimadii maaanta askari kale oo isla ciidanka illaada hay’adaha ah.

9/16/2019 5:44 AM EST
Isniin, September, 16, 2019 (HOL)-Goob joogayaal ku sugan degmada Balcad ee gobolka Shabeellaha dhexe ayaa sheegaya in saacadihii ugu danbeeyay waddada xiriirisa Muqdisho iyo Jowhar gaar ahaan deegaannada ku dhaw dhaw degmada Balcad soo buuxiyeen xoogag ka tirsan Ururka Al-shabaab.

9/16/2019 4:34 AM EST
Isniin, September, 16, 2019 (HOL)- Madaxweynaha Puntland, Siciid Cabdullaahi Deni ayaa sheegay inan la isku wadi karin Soomaaliya oo dal qani ah , walina ku tiirsan taageerada caalamka.

9/16/2019 4:28 AM EST
Isniin, September, 16, 2019 (HOL)- Dabley hubaysan ayaa weerar la beegsaday laba nin duleedka bangiga magaalada Laascaanood xarunta gobolka Sool habeenimadii xalay kuwaas oo aan ilaa iyo haatan la aqoonsan.

9/16/2019 2:37 AM EST
Isniin, September, 16, 2019 (HOL)- Magaalada Muqdisho ayaa la keenay dhaaca mas’uuliyiin ka tirsan maamulka gobolka Shabeellaha hoose oo ku dhaawacmay weerar loo adeegsaday qaraxyo oo maalintii shalay ka dhacay duleedka degmada Shalaanbood ee gobolkaasi Shabeellaha Hoose.

9/16/2019 2:26 AM EST
Isniin, September, 16, 2019 (HOL)- Faah faahinno dheeraad ah ayaa ka soo baxay weerar maalintii shalay [Axad] lagu qaaday kolonyo ay la socdeen ciidamo ka tirsan howlgalka midowga Africa AMISOM gaar ahaan kuwa Burundi oo ku safrayay waddada xiriirisa Muqdisho iyo Jowhar.

9/16/2019 1:55 AM EST
Isniin, September, 16, 2019 (HOL)- Guddoomiyaha Gobolka Banaadir ahna Duqa Muqdisho Cumar Maxamuud Maxamed (Cumar Fillish) ayaa xalay kulan casho sharaf ah u sameeyay qaar ka mid ah Xildhibaanada Labada Gole ee Baarlamaanka Federaalka.

9/16/2019 1:39 AM EST
Isniin, September, 16, 2019 (HOL)- Iran ayaa hadalka Mareykanka ku tilmaantay " wax kama jiraan" kaddib markii Xoghayaha Arimaha Dibada ee Mareykanka Mike Pompeo uu sheegay in Tehran ay ka dambeysay weeraradii diyaaradaha aan duuliyaha laheyn ee lagu qaaday labo xarumood oo saliida laga soo saaro oo laga leeyahay Sacuudiga.

9/16/2019 1:32 AM EST
Isniin, September, 16, 2019 (HOL)- Madaxweynaha Dowladda Federaalka Soomaaliya Maxamed Cabdullaahi Farmaajo iyo wafdi uu hogaaminayo ayaa lagu wadaa in maanta Isniin ah gaaraan degmada Dhuusa-mareeb ee xarunta u ah dowlad gobolleedka Galmudug.