BIIXI “heshiiskii aynu la galnay ee 25-ka sanno ahaana waa sidiisii, wax iskama bedelin ee sidiisii ayuu u yaalaa ”
Axad, September, 15, 2019 (HOL )– Madaxweyne Biixi ayaa sheegay in aanay waxba iska bedelin heshiishkii saldhiga Militeri ee Imaaraadku ka dhisanayey garoonka Berbera.
Hadalkan ayaa ka dambeeyey ka dib
markii shalay hadal kooban oo ku saabsan garoonka Berbera oo uu sheegay in loo
bedelay garoon shicib loo fasirtay in gabi ahaanba laga noqday heshiishkii
Imaaraadka ee ahaa inay saldhig militeri ka samaystaan garoonkan.
Madaxweynuhu wuxuu sheegay in
heshiishkii saldhiga aanay waxba iska bedelin, balse la isla gartay in garoonka
shicib iyo militeriga la wadaagoo oo diyaradaha shicibku ku soo degi karaan.
“Garoon aan isleeyahay waa ka
Afrika ugu weyn ayaa la dhisay, adduunkoo dhanna ciidamada iyo shicibku way
wada isticmaalaan garoomada, markaa laga maarmi maayo in garoonkii loo
isticmaalo shicib ahaan, markaa lagama maarmaan ayey noqotay in garoonkii loo
isticmaalo shicib ahaan iyo diyaaradaha madaniga ah oo uu noqdo garoon
caalamiya (International airport), heshiiskii aynu la galnay ee 25-ka sanno
ahaana waa sidiisii, wax iskama bedelin ee sidiisii ayuu u yaalaa”ayuu yidhi
madaxweyne Biixi.
Sidaas waxa uu ka sheegay mar uu
ka qaybgalayey qallinjabinta ardayda jaamacada Burco.
Barkhad-ladiif M. Cumar, Hiiraan Online
[email protected]
Hargeysa, Somaliland.
