3/28/2024
Today from Hiiraan Online:  _
Wararka Maanta- Axad, Sept 15, 2019
Kulan Muqdisho ku dhaxmaray hay'addaha u xilsaaran dib-u-eegista Dastuurka


Axad, September, 15, 2019 (HOL)-Waxaa magaalada Muqdisho maanta ka furmay kulan-howleed wadajir ah oo u dhexeeya Wasaaradda Arrimaha Dastuurka ee XFS, gudigga La-socodka Dib-u-eegista iyo Hirgelinta Dastuurka ee Baarlamaanka iyo gudigga madaxabanaan ee Dib-u-eegista iyo Hirgelinta Dastuurka.

Kulan howleedkan wadajirka ah ee maanta furmay ayaa waxaa ugu horeyn ujeeddadiisa ka hadlay Agaasimaha Guud ee Wasaaradda Arrimaha Dastuurka  Maxamed Abuukar Zubeyr, waxuuna sheegay in kulankan uu muhiim u yahay  seddexda hay’ad maadaama waqtigii loo qabtay dhameeystirka dastuurka uu  gebo-gebo marayo.

Muumino Sheekh Cumar oo ah Gudoomiye Ku-xigeenka Gudigga Madaxabanaan  ee Dib-u-eegista iyo hirgelinta Dastuurka ayaa sheegtay in ka guddi  ahaan ay aad ugu faraxsanyihiin ka qaybgalka kulankan, waxaa kale oo ay  xustay in gudigga madaxbanaan uu shirka ku soo bandhigi doono  waxqabadkiisa iyo waxa u qorsheysan.

Dhanka kale Senator Cabdiqaybdiid oo ah Gudoomiyaha Gudigga La-socodka Dib-u-eegista iyo Hirgelinta Dastuurka ee Baarlamaanka ayaa sheegay in shirkan uu yahay mid looga hadlay sidii howlaha masiiriga ah ee dastuurka dhameystirkooda guul looga gaari lahaa.

Wasiir Saalax Axmed Jaamac oo kulan howleedkan furay ayaa yiri “waxaa naga go’an hadaanu nahay seddexdan hay’ad in howlaha dastuurka aysan iska noqon arrimo iska furan oo ah mashruuc la iska quuto, waxaan dooneynaa in sida ugu dhaqsiyaha badan ee ugu macquulsan loo dhameystiro dastuurka; kulankan inoo furmay waxa aan uga doodeynaa sidii arrimaha ayaaha dambe ee dadka Soomaaliyeed raad ku yeelan doona ee dastuurka ku jira loo dhameystiri lahaa”.

Ugu dambayn, kulan howleedkan ayaa muddo seddex maalin ah socon doona waxaana looga doodi doonaa qorsho howleedyada u degsan hay’adaha dib-u-egiista dastuurka, waxaana dhamaadka banbax-howleedka laga soo saari doonaa War-murtiyeed shacabka lala wadaagi doono.

C/raxmaan Diini, Hiiraan Online
[email protected] 
 

 

 
 













Click here
9/15/2019 2:28 PM EST
Axad, September, 15, 2019 (HOL)-Wararka naga soo gaaraya gobolka Shabeellaha Hoose ayaa sheegaya in Qarax Khasaare geystay lala eegtay Mas’uliyiin ka tirsan maamulka gobolka Shabeellaha Hoose oo marayay Agagaarka degaanka Shalanbood.

9/15/2019 11:14 AM EST
Axad, September, 15, 2019 (HOL )– Madaxweyne Biixi ayaa sheegay in aanay waxba iska bedelin heshiishkii saldhiga Militeri ee Imaaraadku ka dhisanayey garoonka Berbera.

9/15/2019 10:20 AM EST
Axad, September, 15, 2019 (HOL)-Ra’iisul Wasaare ku-xigeenka xukuumadda federaalka Soomaaliya Mahdi Maxamed Guuleed (Khadar) ayaa maanta si rasmi ah u daah-furay tubta qaran ee gaarsiinta caafimaad dhameystiran, kaas oo mawaadin kasta oo Soomaaliyeed u ogolaanaya in uu helo daryeel caafimaad oo heer caalami ah.

9/15/2019 8:47 AM EST
Axad, September, 15, 2019 (HOL)-Wararka naga soo gaaraya gobolka Shabeellaha dhexe ayaa sheegaya in kolonyo ay la socdeen ciidamada ka tirsan howlgalka midowga Africa AMISOM lagu weeraray deegaan lagu magacaabo Garas Deelle oo hoostaga degmada Balcad.

9/15/2019 6:58 AM EST
Axad, September, 15, 2019 (HOL)-Gudoomiyaha Guddiga dib u heshiisiinta Galmudug Cabdiraxmaan Macallim Cabdullaahi (Baaddiyoow), ayaa sheegay in uu gabogabo yahay kulankii dib u heshiisiinta ee Dhuusa-Mareeb.

9/15/2019 5:24 AM EST
Axad, September, 15, 2019 (HOL)- Boqolaal dhalinyaro ah oo ka mid noqonaya ciidanka xoogga dalka Soomaaliyeed oo maalintii shalay tababar loogu soo xiray xerada Lama-galaay ee magaalada Beledweyne ayaa saakay loo qaaday xerada 21aad ee degmada Dhuusa-Mareeb oo ay ka howlgali doonaan.

9/15/2019 4:26 AM EST
Axad, September, 15, 2019 (HOL)-Shirka maalgashiga Puntland ayaa maanta ka furmay magaalada Garoowe ee xarunta Puntland, waxaa ka qaybgalaya maalgashadayaal, iyada oo lagu soo bandhigayo fursadaha maalgashi iyo khayraadka ee gobolka.

9/15/2019 1:37 AM EST
Axad, September, 15, 2019 (HOL)-Warar dheeraad ah ayaa ka soo baxaya tiro madaafiic ah oo lagu weeraray magaalada Marka ee xarunta gobolka Shabeellaha Hoose wax yar ka hor inta uusan halkaas ka soo ambabaxin Ra’iisul Wasaaraha Soomaaliya Xassan Cali Kheyre oo shalay safar ku tagay.

9/15/2019 1:27 AM EST
Axad, September. 15, 2019 (HOL)-Xldhibaanno ka tirsan labada Aqal ee Baarlamaanka Soomaaliya ayaa sheegay in gabi ahaanba laga qaaday Ilaaladii u gaarka aheyd taasoo sababtay sida ay hadalka u dhigeen in ay guraha ka soo bixin waayaan.

9/15/2019 12:50 AM EST
Axad, September,15, 2019 (HOL)-Wararka naga soo gaaraya gobolka Shabeellaha hoose ayaa sheegaya in xalay xaley qeybo ka mid ah gobolka ku dagaalameen ciidamada dowladda Soomaaliya iyo xoogagga Ururka Al-shabaab.