Jubbaland oo faah faahin ka bixisay mas'uul xalay lagu dhaawacay degmada Kismaayo
Sabti, September, 14, 2019 (HOL)-Maamul gobolleedka Jubbaland ayaa faah faahin dheraad ah ka bixiyay toogasho xalay ka dhacay magaalada Kismaayo oo rag hubeysan ku bartilmaameedsadeen Avv. Axmed Jaamac Qalyar.
Rag hubeysan ayaa mas'uulkan oo dhinaca kale ka tirsanaa waxgaradka gobolka ku weeraray mid ka mid ah xaafadaha Kismaayo, waxaana soo gaaray dhaawac, waxaana dhaawiciisa lagu
daweynayaa Isbitaalka weyn ee Kismaayo.
Afhayeenka Laamaha Amniga
Jubbaland Cabdinuur Ibraahim Xusseen oo la hadlay warbaahinta ayaa sheegay in Ciidamada Amniga ay ku raad-joogaan kooxihii ka dambeeyay dhaawaca nabadoonka, isagoo xusay in xaaladiisa ay ka soo reyneyso.
Warar
kala duwan ayaa saacadihii la soo dhaafay ka soo baxayay xaalada
dhaawaca ee nabadoonka, hase ahaatee waxaa haatan la sheegay in
xaaladiisa ay wanaagsan tahay.
Waxaa la sheegay in Avv Qalyar uu ka mid ahaa garabka ka soo horjeeda madaxweynaha dib loo doortay Axmed Madoobe, gaar ahaan hoggaankii isbaheysiggii isbadal doonka Kismaayo.
C/raxmaan Diini, Hiiraan Online
[email protected]