9/15/2019
Today from Hiiraan Online:  _
Wararka Maanta- Jimco, Sept 13, 2019
Trump oo sare u qaaday rajada ah inuu la kulmayo Rouhani


 

Jimco, September, 13, 2019 (HOL)-Madaxweynaha Mareykanka, Donald Trump ayaa sheegay inuu rumeysan yahay in hoggaanka Iran ay doonayaan inay la kulmaan, taasi oo sare u qaaday rajada ah inuu diyaarinayo kulan uu dhiggiisa Iran kula yeesho kulanka guud ee QM ee bishan.

“Waxaan kuu sheegi karaa in Iran ay dooneyso in la kulmo” ayuu Trump ugu sheegay Aqalka Cad.

Madaxweyne Trump ayaa marar badan tusmeeyey inuu diyaar u yahay la-kulanka Hassan Rouhani oo la filayo inuu ka qeyb-galo kulanka guud ee QM ee New York. Si kastaba, Iiraaniyiinta ayaan weli bixin jawaab wanaagsan.

Rouhani ayaa arbacadii weerar ku qaaday maamulka Trump, oo cadaadiska ku kordhiyey Iran, wuxuuna sheegay in “qasab tahay in Mareykanka ay fahmaan in cadaawadda iyo dagaal u oomanaanta aysan waxba u tari doonin.”

Xiisadda Tehran iyo Washington ayaa sare usii kaceysay tan iyo bishii May ee sanadkii tegay, markaasi oo Trump uu ka baxay heshiiskii Nukliyeerka ee 2015, islamarkaana uu qaaday tallaabooyin uu cunaqabteeno cusub ku saarayo.

Iran ayaa taas kaga jawaabtay inay dib uga laabtay u hogaansanaanta qodobo ka mid ah heshiiska Nukliyeerka, dibna u billowday qeybo ka mid ah barnaamijkaas.

VOA 

 

 










Click here
9/13/2019 3:35 PM EST
Jimco, September, 13, 2019 (HOL)- Wararka ka caawa ka imaanaya magaalada Kismaayo ee xarunta gobolka Jubadda Hoose ayaa sheegaya in kooxo hubeesan ay halkaasi dhaawac xoogan ugu geesteen Nabadoon caan ka ahaa gobolada Jubooyinka.

9/13/2019 1:17 PM EST
Jimco, September, 13, 2019 (HOL)-Safiirka Cusub ee Dowladda Soomaaliya u Magacaawday dalka Mareykanka ayaa Warqadihiisa danjiranimo waxaa looga Guddoomay Magalada Washington ee dalka mareykanka.

9/13/2019 9:59 AM EST
Jimco, September, 13, 2019 (HOL)-Wasiirka Boostada, Isgaarsiinta & Teknolojiyada, Md. Eng. Cabdi Cashuur Xasan ayaa sheegay in Soomaaliya ay guulo la taaban karo ka soo hoysay Shirweynaha Isgaarsiinta Adduunka ee ka socday caasimadda dalka Hungary ee Budapest.

9/13/2019 9:53 AM EST
Jimco, September, 13, 2019 (HOL)-Madaxweyne Muuse Biixi iyo weftigi uu hogaaminayey oo socdaal shaqo ku jooga gobolka Gabiley ayaa maanta kormeer ku tegay mashaariicda dhulka lagu beerayo ee ka socota Banka weyn ee Wajaale, kuwaas oo ay gacanta ku hayaan wasaaradda Horumarinta beeraha iyo ciidamada kala duwan ee qalabka.

9/13/2019 3:39 AM EST
Jimco, September, 13, 2019 (HOL)-Ra’iisul Wasaaraha Xukuumadda Federaalka ah ee soomaaliya Xasan Cali Kheyre oo ku sugan Magalada Baydhabo ee Xarunta Gobolka Baay ayaa la filayaa in Maalinta Berrito oo Sabti ah in uu tago Magalada Marka ee Xarunta Gobolka Shabeellaha Hoose.

9/13/2019 3:27 AM EST
Jimco, September, 13, 2019 (HOL)- Jaamacadda Benaadir ee magaalada Muqdisho ayaa waxaa ka bilowday imtixaanka ogolaanshaha ama Qubuulka ee Jaamacadaas sanad dugsiyeedka 2018-2019 kaasoo ay u fariisteen sanadkan arday fara badan oo ka soo baxday dugsiyada sare ee dalka.

9/13/2019 2:04 AM EST
Jimco, September, 13, 2019 (HOL)-Wararka dheeraad ayaa ka soo baxaya dagaal culus oo duleedka magaalada Marka ee xarunta gobolka Shabeellaha Hoose ku dhexmaray Ciidamada Dowladda Soomaaliya iyo Xubno ka tirsan Ururka Al-Shabaab.

9/13/2019 1:54 AM EST
Jimco, September, 13, 2019 (HOL)-Ra’iisul Wasaaraha xukuumadda federaalka Soomaaliya (XFS), mudane Xasan Cali Khayre, ayaa kulan kula qaatay safiirka Jarmalka ee Soomaaliya, Annet Gunter oo booqasho ku timid magaalada Baydhabo ee caasimadda kumeel gaarka ah ee dowlad gobaleedka Koonfur Galbeed.

9/13/2019 1:45 AM EST
Jimco, September, 13, 2019 (HOL)-Qoraal ka soo baxay Wasaaradda Gaadiidka iyo Duulista Hawada dowladda Soomaaliya ayaa lagu sheegay in Wasaaraddu ka laabatay heshiis ay horay ula gashay illaa shan shirkadood, kuwaasoo heshiis lagula galay hubinta iyo illaalinta badqabka gaadiidka.