9/18/2019
Today from Hiiraan Online:  _
Wararka Maanta- Talaado, Sept 10, 2019
Madaxweynaha Hirshabeelle oo ku dhawaaqay howlgal ka dhan ah Al-shabaab



Talaado, September, 10, 2019 (HOL)-Kulan loogaga hadlayay sidii la isugu furi lahaa wadada laamiga ah ee u dhexeysa magaalooyinkq Jowhar iyo Beledweyne ayaa maanta lagu qabtay xarunta ciidamada AMISOM ee magaalada Beledweyne.

Kulankan ayaa waxaa ka qeybgalay Madaxweynaha Hirshabelle  Maxamed Cabdi Waare ayaa saraakiil ka tirsan ciidamada Itoobiya, qaar kamid ah xildhibaanada iyo golaha wasiirada Hirshabelle iyo mas’uuliyiin ka tirsan maamulka gobolka Hiiraan.

Madaxweynaha Dowlad Goboleedka Hirshabelle  Maxamed Cabdi Waare oo munaasabadda ka hadlay ayaa hadlay  muhiimada ay u leedahay Hirshabelle in la isku furo wadooyinka  kala xiran ee go’doonka ugu jira  Al Shabaab.

“Soomaaliya oo hagaagta waa iyadoo guud ahaan ammaanka geeska afrika oo hagaaga.”ayuu yiri Madaxweynaha Hirshabelle Maxamed Cabdi Waare.

Maxamed Cabdi Waare Madaxweynaha Hirshabelle ayaa uga mahadceliyay wadamada qeybta ka ah Ciidamada AMISOM ee naftooda noo huray in Amni aan ku naaloono, si gaar ah ciidamada ka howlgala Hirshabelle, isagoo ku ammaanay doorkooda lama ilaabaanka ah, waxaana Madaxweynuhu  carabka ku dhuftay in sida ugu dhaqsiyaha badan ay u bilaabayaan Holwgalo la isugu furo wadooyinka kala xiran ee go’doonka ku jira.

Ugu dambeynta Madaxweynaha ayaa Shahaado Sharaf ay Saraakiisha ciidamada Itoobiya ay ugu talo galeen guddoonsiiyay xubnaha Maamulka shahaado sharaf ay ku muujinayaan Wadashaqeynta maamulka iyo AMISOM.

C/raxmaan Diini, Hiiraan Online
[email protected]     

 

 










Click here
9/10/2019 12:34 PM EST
Talaado, September, 10, 2019 (HOL)- Ra’iisul Wasaaraha xukuumadda federaalka Soomaaliya Xasan Cali Khayre iyo wafdi uu hoggaamiyo oo ka baxay magaalada Beydhabo ee caasimada Kumeel Gaarka ah ee Koonfur Galbeed, ayaa si heer sare ah loogu soo dhaweeyay magaalada Xudur ee xarunta gobaka Bakool.

9/10/2019 11:21 AM EST
Talaado, September, 10, 2019 (HOL)- Kooxda kubadda cagta Soomaaliya ee taariikhda sameysay ayaa ka hartay isreebreebka koobka adduunka 2022, kaddib markii ay guul darro kala kulmeen xulka kubadda cagta Zimbabwe.

9/10/2019 10:09 AM EST
Talaado, September, 10, 2019 (HOL )– Madaxweynaha Somaliland Muuse Biixi ayaa maanta billado iyo shahaado-sharafeeddo guddoonsiiyey Afar sarkaal oo katirsan ciidamada Militeriga Somaliland, kuwaas oo kasoo qalin-jebiyey kuulliyadda ciidamada oo ku yaalla dalka Itoobiya, islamarkaana derejooyin aad u sarreeya ku qalinjebiyey.

9/10/2019 10:04 AM EST
Talaado, September 10, 2019 (HOL)–Siyaasiga caanka ah ee Cali Yuusuf (Cali Gurey) ayaa xalay magaaladda Hargeysa ku daahfurey buug uu ka qoray suugaantii abwaanka weyn ee Cabdi Aadan Xaad (Cabdi Qays) oo uu ugu magacdaray Geedigii Cabdi Qays.

9/10/2019 8:40 AM EST
Talaado, September, 10, 2019 (HOL)-Danjiraha Mareykanka ee Soomaaliya Donald Y. Yamamoto, ayaa xafiiskiisa ku qaabilay Gudoomiyaha Maxkamadda Sarre ee Soomaaliya Baashe Yuusuf Axmed,iyagoo halkaasi ku yeeshay wadahadal dhinacyo badan taabanayay.

9/10/2019 8:26 AM EST
Talaado, September, 10, 2019 (HOL)-Isbitaalka degmada Maxaas ayaa la gaarsiiyay qalab caafimaad oo casri ah oo ay ku deeqday hay'ad lagu magacaabo Alline Hospitals. Development

9/10/2019 5:08 AM EST
Talaado, September, 10, 2019 (HOL)-Maamulka sare ee Jamacadda Hiiraan University oo goor dhaw kula hadlay warbaahinta xarunta Jaamacadda ee magaalada Beledweyne ayaa beeniyay hadal dhawaan ka soo yeeray madaxweynaha dowlad gobolleedka Hirshabeelle Maxamed Cabdi Waare iyo Wasiirka Waxbarashada Hidaha iyo Tacliinta sare ee Soomaaliya Cabdullaahi Goodax Barre.

9/10/2019 2:56 AM EST
Talaado, September, 10, 2019 (HOL)-Ra’iisul wasaaraha xukuumadda Federaalka ah ee Soomaaliya, Xasan Cali Khayre ayaa goor dhow lagu wadaa inuu gaaro magaalada Xudur ee xarunta gobolka Bakool.

9/10/2019 2:21 AM EST
Talaado, September, 10, 2019 (HOL)-Wararka naga soo gaaraya gobolka Gedo ayaa sheegaya in dagaal culus oo u dhaxeeya ciidamada dowladda iyo Al-shabaab uu ka dhacay saldhig ciidan oo ku yaala degmada Garbahaareey.

9/10/2019 1:59 AM EST
Talaado, September, 10, 2019 (HOL)-Wararka ka imanaya Koonfurta Soomaaliya gaar ahaan gobolka Gedo ayaa sheegaya in ay halkaa ka jirto abaar xooggan oo saameyn ku yeelatay dadka iyo duuniyada.

9/10/2019 1:48 AM EST
Talaado, September, 10, 2019 (HOL)-Dowladda Soomaaliya ayaa deegaannada Maamulka Koonfur Galbeed ku diyaarineyaa ciidamo gaar ah oo ka qeyb qaata sugida Amniga deegaannada Koonfur Galbeed,kuwaas oo qaadanaya tababaro.