9/18/2019
Today from Hiiraan Online:  _
Wararka Maanta- Talaado, Sept 10, 2019
Buug laga qorey Geedigii Fanka Cabdi Qays oo xalay lagu soo bandhigay Hargeysa



Talaado, September 10,  2019 (HOL)–Siyaasiga caanka ah ee Cali Yuusuf (Cali Gurey) ayaa xalay magaaladda Hargeysa ku daahfurey buug uu ka qoray suugaantii abwaanka weyn ee Cabdi Aadan Xaad (Cabdi Qays) oo uu ugu magacdaray Geedigii Cabdi Qays.

Illaa saddex kun oo qof ayaa ka soo qaybgallay bandhiga Buuggan, waxaana iskugu yimid abwaano Caan ka ah gayiga Soomaalidda, siyaasiyiin iyo wasiiro ka tirsan xukuumadda Somaliland.

Siyaasiga Cali Gurey oo lagu yaqaanay saaxadda Siyaasadda ayaa soo ururiyey suugaanta Cabdi Qays, waxaanu taariikhda Abwaanka u qaybiyey saddex marxaladood, qaybta kowaad waa wakhtigii fanka ku cusbaa, qaybta labaad oo uu sheegay inay ahayd sagaalkii sanadood ee u horeeyey xukunkii Maxamed Siyaad Bare, iyo qaybta saddexaad oo ahayd wixii ka dambeeyey sideetamaadkii oo ahayd wakhtigii sida adag ay iskaga hor yimaadeen xukunkii adkaa ee Maxamed Siyaad Barre, taasina ay keentay in muddo dheer uu ku jiro xabsiga.

Sidoo kale, qoraha buugu waxa uu sheegay in suugaantiisu u badnayd dhanka Jabuuti, sidoo kale, waxa uu sheegay in suugaanta Abwaan Cabdi Qays u qaybsan tahay, qayb jacayl ah, qayb duur xul ah, iyo qayb suufiyad ah oo arimaha diinta iyo wacdiga nolosha uu kaga sheekaynayo.

Abwaan Cabdi Qays ayaa suuganleydii madasha timid ka sheekaysay taariikhdiisa fanka, waxaanay ku sheegeen inuu kaalmo badan kaga jirey fanka, mar Abwaan buu ahaa, marka heesaa, mir laxanka ayuu samayn jirey marna Riwaayadaha ayuu matali jirey, taas ayaa ka dhigtay inuu dhinac wal oo fanka ah uu wada matali karo.

Buugaan ayaa dhalinyaraddu aad u xiisaynayeen, maadaama oo uu qorey nin siyaasi ah,isla markaana uu ka qorey abwaan dhinacyo badan oo nolosha ah suugaan ka tiriyey, waxaana lagu soo bandhigay madasha heesihii u horeeyey ee idaacadda Radio Hargeysa iyo Muqdisho ka baxa.

Sidoo kale, Abwaan Yuusuf Shaahir, Abwaan Dacar, Abwaan Xasan Weedhsame, Abwaan Aadan Tarabi iyo Abwaan Dheeg ayaaa intooduba u markhaati furey inuu yahay abwaan dad iyo xayawaanba u dooday, waxaana lagu soo bandhigay suugaan uu ugu doodayo Dameer, duqsi iyo jinacba, waxaanay sheegeen inuu noqday abwaanka xiitaa dugaaga u doodda.

Barkhad-ladiif M. Cumar, Hiiraan Online

[email protected]

Hargeysa, Somaliland

 










Click here
9/10/2019 12:34 PM EST
Talaado, September, 10, 2019 (HOL)- Ra’iisul Wasaaraha xukuumadda federaalka Soomaaliya Xasan Cali Khayre iyo wafdi uu hoggaamiyo oo ka baxay magaalada Beydhabo ee caasimada Kumeel Gaarka ah ee Koonfur Galbeed, ayaa si heer sare ah loogu soo dhaweeyay magaalada Xudur ee xarunta gobaka Bakool.

9/10/2019 11:21 AM EST
Talaado, September, 10, 2019 (HOL)- Kooxda kubadda cagta Soomaaliya ee taariikhda sameysay ayaa ka hartay isreebreebka koobka adduunka 2022, kaddib markii ay guul darro kala kulmeen xulka kubadda cagta Zimbabwe.

9/10/2019 11:12 AM EST
Talaado, September, 10, 2019 (HOL)-Kulan loogaga hadlayay sidii la isugu furi lahaa wadada laamiga ah ee u dhexeysa magaalooyinkq Jowhar iyo Beledweyne ayaa maanta lagu qabtay xarunta ciidamada AMISOM ee magaalada Beledweyne.

9/10/2019 10:09 AM EST
Talaado, September, 10, 2019 (HOL )– Madaxweynaha Somaliland Muuse Biixi ayaa maanta billado iyo shahaado-sharafeeddo guddoonsiiyey Afar sarkaal oo katirsan ciidamada Militeriga Somaliland, kuwaas oo kasoo qalin-jebiyey kuulliyadda ciidamada oo ku yaalla dalka Itoobiya, islamarkaana derejooyin aad u sarreeya ku qalinjebiyey.

9/10/2019 8:40 AM EST
Talaado, September, 10, 2019 (HOL)-Danjiraha Mareykanka ee Soomaaliya Donald Y. Yamamoto, ayaa xafiiskiisa ku qaabilay Gudoomiyaha Maxkamadda Sarre ee Soomaaliya Baashe Yuusuf Axmed,iyagoo halkaasi ku yeeshay wadahadal dhinacyo badan taabanayay.

9/10/2019 8:26 AM EST
Talaado, September, 10, 2019 (HOL)-Isbitaalka degmada Maxaas ayaa la gaarsiiyay qalab caafimaad oo casri ah oo ay ku deeqday hay'ad lagu magacaabo Alline Hospitals. Development

9/10/2019 5:08 AM EST
Talaado, September, 10, 2019 (HOL)-Maamulka sare ee Jamacadda Hiiraan University oo goor dhaw kula hadlay warbaahinta xarunta Jaamacadda ee magaalada Beledweyne ayaa beeniyay hadal dhawaan ka soo yeeray madaxweynaha dowlad gobolleedka Hirshabeelle Maxamed Cabdi Waare iyo Wasiirka Waxbarashada Hidaha iyo Tacliinta sare ee Soomaaliya Cabdullaahi Goodax Barre.

9/10/2019 2:56 AM EST
Talaado, September, 10, 2019 (HOL)-Ra’iisul wasaaraha xukuumadda Federaalka ah ee Soomaaliya, Xasan Cali Khayre ayaa goor dhow lagu wadaa inuu gaaro magaalada Xudur ee xarunta gobolka Bakool.

9/10/2019 2:21 AM EST
Talaado, September, 10, 2019 (HOL)-Wararka naga soo gaaraya gobolka Gedo ayaa sheegaya in dagaal culus oo u dhaxeeya ciidamada dowladda iyo Al-shabaab uu ka dhacay saldhig ciidan oo ku yaala degmada Garbahaareey.

9/10/2019 1:59 AM EST
Talaado, September, 10, 2019 (HOL)-Wararka ka imanaya Koonfurta Soomaaliya gaar ahaan gobolka Gedo ayaa sheegaya in ay halkaa ka jirto abaar xooggan oo saameyn ku yeelatay dadka iyo duuniyada.

9/10/2019 1:48 AM EST
Talaado, September, 10, 2019 (HOL)-Dowladda Soomaaliya ayaa deegaannada Maamulka Koonfur Galbeed ku diyaarineyaa ciidamo gaar ah oo ka qeyb qaata sugida Amniga deegaannada Koonfur Galbeed,kuwaas oo qaadanaya tababaro.