9/15/2019
Today from Hiiraan Online:  _
Wararka Maanta- Talaado, Sept 10, 2019
Gudoomiyaha Maxkamada Sare oo la kulmay Safiirka Mareykanka Donald Yamamoto


 

Talaado, September, 10, 2019 (HOL)-Danjiraha Mareykanka ee Soomaaliya Donald Y. Yamamoto, ayaa xafiiskiisa ku qaabilay Gudoomiyaha Maxkamadda Sarre ee Soomaaliya Baashe Yuusuf Axmed,iyagoo halkaasi ku yeeshay wadahadal dhinacyo badan taabanayay. 

Sida wararku sheegayaan, labada Mas’uul ayaa ka wada hadlay arrimo ay  kamid yihiin dib u habeynta ku socota garsoorka dalka iyo sidii ay u  soo laaban leheyd kalsoonidii ay shacabka ku qabeen nidaamka cadaallada  ee dalka.

Danjiraha Mareykanka ee Soomaaliya Donald Y.  Yamamoto,ayaa sidoo kale gudoomiyaha Maxkamadda Sarre ee Soomaaliya,  Baashe Yuusuf Axmed ku soo qaaday dhibaatada ay Shabaab ku hayaan  shaqada garsoorka, isagoo tilmaamay in taasi looga baaqsan karo oo  kaliya soo nooleynta kalsoonida rayidka ku qabo garsoorka dalka.

Dad  badan oo Soomaaliyeed oo ka baxa Muqdisho iyo gobolada kale ee dalka oo  ay dowladda gacanta ku heyso, ayaa mararka qaar u cadaalad doonta  Maxkamadaha Al-shabaab, iyagoo ku andacoonaya in garsoorka dowladda uusan  sidii la rabay u shaqeyneynin, xiliyada qaarna dadka lacago badan laga  qaadanayo.

Balse Mas’uuliyiin ka tirsan dowladda Soomaaliya oo uu  ku jiro gudoomiye Baashe Yuusuf Axmed, ayaa hore uga digay reer Muqdihso  iney garsoor u tagaan Saldhigyada Shabaab eek u yaala gobolada dalka,  talaabana laga qaadi doono cidii arintaasi lagu arko.

C/raxmaan Diini, Hiiraan Online
[email protected]   
 

 

 










Click here
9/10/2019 12:34 PM EST
Talaado, September, 10, 2019 (HOL)- Ra’iisul Wasaaraha xukuumadda federaalka Soomaaliya Xasan Cali Khayre iyo wafdi uu hoggaamiyo oo ka baxay magaalada Beydhabo ee caasimada Kumeel Gaarka ah ee Koonfur Galbeed, ayaa si heer sare ah loogu soo dhaweeyay magaalada Xudur ee xarunta gobaka Bakool.

9/10/2019 11:21 AM EST
Talaado, September, 10, 2019 (HOL)- Kooxda kubadda cagta Soomaaliya ee taariikhda sameysay ayaa ka hartay isreebreebka koobka adduunka 2022, kaddib markii ay guul darro kala kulmeen xulka kubadda cagta Zimbabwe.

9/10/2019 11:12 AM EST
Talaado, September, 10, 2019 (HOL)-Kulan loogaga hadlayay sidii la isugu furi lahaa wadada laamiga ah ee u dhexeysa magaalooyinkq Jowhar iyo Beledweyne ayaa maanta lagu qabtay xarunta ciidamada AMISOM ee magaalada Beledweyne.

9/10/2019 10:09 AM EST
Talaado, September, 10, 2019 (HOL )– Madaxweynaha Somaliland Muuse Biixi ayaa maanta billado iyo shahaado-sharafeeddo guddoonsiiyey Afar sarkaal oo katirsan ciidamada Militeriga Somaliland, kuwaas oo kasoo qalin-jebiyey kuulliyadda ciidamada oo ku yaalla dalka Itoobiya, islamarkaana derejooyin aad u sarreeya ku qalinjebiyey.

9/10/2019 10:04 AM EST
Talaado, September 10, 2019 (HOL)–Siyaasiga caanka ah ee Cali Yuusuf (Cali Gurey) ayaa xalay magaaladda Hargeysa ku daahfurey buug uu ka qoray suugaantii abwaanka weyn ee Cabdi Aadan Xaad (Cabdi Qays) oo uu ugu magacdaray Geedigii Cabdi Qays.

9/10/2019 8:26 AM EST
Talaado, September, 10, 2019 (HOL)-Isbitaalka degmada Maxaas ayaa la gaarsiiyay qalab caafimaad oo casri ah oo ay ku deeqday hay'ad lagu magacaabo Alline Hospitals. Development

9/10/2019 5:08 AM EST
Talaado, September, 10, 2019 (HOL)-Maamulka sare ee Jamacadda Hiiraan University oo goor dhaw kula hadlay warbaahinta xarunta Jaamacadda ee magaalada Beledweyne ayaa beeniyay hadal dhawaan ka soo yeeray madaxweynaha dowlad gobolleedka Hirshabeelle Maxamed Cabdi Waare iyo Wasiirka Waxbarashada Hidaha iyo Tacliinta sare ee Soomaaliya Cabdullaahi Goodax Barre.

9/10/2019 2:56 AM EST
Talaado, September, 10, 2019 (HOL)-Ra’iisul wasaaraha xukuumadda Federaalka ah ee Soomaaliya, Xasan Cali Khayre ayaa goor dhow lagu wadaa inuu gaaro magaalada Xudur ee xarunta gobolka Bakool.

9/10/2019 2:21 AM EST
Talaado, September, 10, 2019 (HOL)-Wararka naga soo gaaraya gobolka Gedo ayaa sheegaya in dagaal culus oo u dhaxeeya ciidamada dowladda iyo Al-shabaab uu ka dhacay saldhig ciidan oo ku yaala degmada Garbahaareey.

9/10/2019 1:59 AM EST
Talaado, September, 10, 2019 (HOL)-Wararka ka imanaya Koonfurta Soomaaliya gaar ahaan gobolka Gedo ayaa sheegaya in ay halkaa ka jirto abaar xooggan oo saameyn ku yeelatay dadka iyo duuniyada.

9/10/2019 1:48 AM EST
Talaado, September, 10, 2019 (HOL)-Dowladda Soomaaliya ayaa deegaannada Maamulka Koonfur Galbeed ku diyaarineyaa ciidamo gaar ah oo ka qeyb qaata sugida Amniga deegaannada Koonfur Galbeed,kuwaas oo qaadanaya tababaro.