9/18/2019
Today from Hiiraan Online:  _
Wararka Maanta- Talaado, Sept 10, 2019
Maamulka Jaamacadda Hiiraan University oo beeniyay in lagu wareejiyay Jaamacadda Umadda Soomaaliyeed


 

Talaado, September, 10, 2019 (HOL)-Maamulka sare ee Jamacadda Hiiraan University oo goor dhaw kula hadlay warbaahinta xarunta Jaamacadda ee magaalada Beledweyne ayaa beeniyay hadal dhawaan ka soo yeeray madaxweynaha dowlad gobolleedka Hirshabeelle Maxamed Cabdi Waare  iyo Wasiirka Waxbarashada Hidaha iyo Tacliinta sare ee Soomaaliya Cabdullaahi Goodax Barre.

Maamulaha guud ee Jamaacadda Hiiraan University Axmed Muxumed Nuur Qoslaaye ayaa sheegay in dhismaha Jaamacaddan ay iska kaashadeen bulshada reer Hiiraan oo kala jooga dalka gudihiisa iyo dibaddiisa, islamarkaana maamulka Hirshabeelle awood u laheyn in ay ku wareejiyaan Wasaaradda Waxbarashada Dowladda Federaalka.

''Jaamacaddan maamul iyo shaqsi midna ma dhisin, waxaa lagu dhisay dhaqaale laga ururiyay bulshada qeybaheeda kala duwan, ma aha xarun ama dhisme uu maamul leeyahay ama shaqsi gaar ah, waxaanan rabaa in aan xaqiijiyo halkanna ka sheego in warkaasi yahay waxba kama jiraan Jaamacadda Hiiraan University wali tahay Jaamcad reer Hiiraan leeyihiin '' ayuu yiri Qoslaaye maamulaha sare ee Jaamacadda.

Waxaa uu intaa ku darray in xitaa aan warka arintan ku saabsan wax la tashi lagala sameynin maamulka ugu sareeya Jaamacadda marka laga reebo oo kaliya in ay ku arkeen baraha bulshada, waxaana uu arintan uu ku tilmaamay in ay tahay mid laga leeyahay dano siyaasadeed oo gaar ah.

''Waxaan og-nahay oo kaliya in uu jiro khilaaf hoose u dhaxeeya maamulka sare ee Jaamacadda iyo Wasiir Goodax oo salka ku haya arrimo siyaasadeed, waana tan keentay in Wasiir Goodax uu ku dhawaaqo in madaxweyne Waare uu ku soo wareejiyay Jaamacadda Hiiraan University si loogu biiriyo Jaamacadda Umadda, waana waxba kama jiraan arintaa'' ayuu hadalkiisa sii raaciyay.

Maamulaha ayaa intaa in wax laga xumaado tahay in khilaafka noocaa ah ee siyaasadeed loo baabi'iyo masiirka Ardey Soomaaliyeed oo ku jirta heerkii ugu wanaagsanaa ee Waxbarashada.

 

''Ma'aha in madaxweyne Waare iyo Wasiir Goodax awoodda gacantooda ku jirta si qaldan ugu takri falaan, ma'ana aha in dano siyaasadeed oo gaar ah loo baabi'yo masiirka iyo mustaqbalka Ardey Soomaaliyeed oo ku jirta heerkoodii ugu wanaagsanaa ee Waxbarashada''ayuu warbaahinta u sheegay maamulka Jaamacadda. 

Wasiirka Wasaaradda Waxbarashada Cabdullaahi Goodax Barre ayaa bartiisa Facebook -ga soo dhigay qoraal kooban oo uu uga mahad celiyo madaxweynaha maamulka Hirshabeelle tallaabada uu qaaday ee ah in uu Wasaaradda ku soo wareejiyay Jaamacadda Hiiraan University.

Dhismaha xarunta Jaamcadda oo ku yaala deegaanka Ceel-Jaalle ee dulleedka magaalada Beledweyne waxaa ku dhawaad 10 sano waxaa deggan oo ay saldhig militari u tahay ciidamada Itoobiya ee qeybta ka ah howlgalka midowgga Africa AMISOM.

Maamulka Jaamacadda ayaa marar badan oo hore ka codsaday dowladda federaalka in ciidamada laga raro xarunta Jaamacadda.

C/raxmaan Diini, Hiiraan Online
[email protected]    

 

 










Click here
9/10/2019 12:34 PM EST
Talaado, September, 10, 2019 (HOL)- Ra’iisul Wasaaraha xukuumadda federaalka Soomaaliya Xasan Cali Khayre iyo wafdi uu hoggaamiyo oo ka baxay magaalada Beydhabo ee caasimada Kumeel Gaarka ah ee Koonfur Galbeed, ayaa si heer sare ah loogu soo dhaweeyay magaalada Xudur ee xarunta gobaka Bakool.

9/10/2019 11:21 AM EST
Talaado, September, 10, 2019 (HOL)- Kooxda kubadda cagta Soomaaliya ee taariikhda sameysay ayaa ka hartay isreebreebka koobka adduunka 2022, kaddib markii ay guul darro kala kulmeen xulka kubadda cagta Zimbabwe.

9/10/2019 11:12 AM EST
Talaado, September, 10, 2019 (HOL)-Kulan loogaga hadlayay sidii la isugu furi lahaa wadada laamiga ah ee u dhexeysa magaalooyinkq Jowhar iyo Beledweyne ayaa maanta lagu qabtay xarunta ciidamada AMISOM ee magaalada Beledweyne.

9/10/2019 10:09 AM EST
Talaado, September, 10, 2019 (HOL )– Madaxweynaha Somaliland Muuse Biixi ayaa maanta billado iyo shahaado-sharafeeddo guddoonsiiyey Afar sarkaal oo katirsan ciidamada Militeriga Somaliland, kuwaas oo kasoo qalin-jebiyey kuulliyadda ciidamada oo ku yaalla dalka Itoobiya, islamarkaana derejooyin aad u sarreeya ku qalinjebiyey.

9/10/2019 10:04 AM EST
Talaado, September 10, 2019 (HOL)–Siyaasiga caanka ah ee Cali Yuusuf (Cali Gurey) ayaa xalay magaaladda Hargeysa ku daahfurey buug uu ka qoray suugaantii abwaanka weyn ee Cabdi Aadan Xaad (Cabdi Qays) oo uu ugu magacdaray Geedigii Cabdi Qays.

9/10/2019 8:40 AM EST
Talaado, September, 10, 2019 (HOL)-Danjiraha Mareykanka ee Soomaaliya Donald Y. Yamamoto, ayaa xafiiskiisa ku qaabilay Gudoomiyaha Maxkamadda Sarre ee Soomaaliya Baashe Yuusuf Axmed,iyagoo halkaasi ku yeeshay wadahadal dhinacyo badan taabanayay.

9/10/2019 8:26 AM EST
Talaado, September, 10, 2019 (HOL)-Isbitaalka degmada Maxaas ayaa la gaarsiiyay qalab caafimaad oo casri ah oo ay ku deeqday hay'ad lagu magacaabo Alline Hospitals. Development

9/10/2019 2:56 AM EST
Talaado, September, 10, 2019 (HOL)-Ra’iisul wasaaraha xukuumadda Federaalka ah ee Soomaaliya, Xasan Cali Khayre ayaa goor dhow lagu wadaa inuu gaaro magaalada Xudur ee xarunta gobolka Bakool.

9/10/2019 2:21 AM EST
Talaado, September, 10, 2019 (HOL)-Wararka naga soo gaaraya gobolka Gedo ayaa sheegaya in dagaal culus oo u dhaxeeya ciidamada dowladda iyo Al-shabaab uu ka dhacay saldhig ciidan oo ku yaala degmada Garbahaareey.

9/10/2019 1:59 AM EST
Talaado, September, 10, 2019 (HOL)-Wararka ka imanaya Koonfurta Soomaaliya gaar ahaan gobolka Gedo ayaa sheegaya in ay halkaa ka jirto abaar xooggan oo saameyn ku yeelatay dadka iyo duuniyada.

9/10/2019 1:48 AM EST
Talaado, September, 10, 2019 (HOL)-Dowladda Soomaaliya ayaa deegaannada Maamulka Koonfur Galbeed ku diyaarineyaa ciidamo gaar ah oo ka qeyb qaata sugida Amniga deegaannada Koonfur Galbeed,kuwaas oo qaadanaya tababaro.