Talaado, September, 10, 2019 (HOL)-Wararka naga soo gaaraya gobolka Gedo ayaa sheegaya in dagaal culus oo u dhaxeeya ciidamada dowladda iyo Al-shabaab uu ka dhacay saldhig ciidan oo ku yaala degmada Garbahaareey.
Dagaalka ayaa yimid kaddib markii Ururka Al-shabaab ay weerareen saldhig ciidamo ka tirsan kuwa dowladda Soomaaliya ku leeyihiin degmada Garbahaareey, waxaana halkaasi ka dhacay dagaal socday in ka badan hal Saac.
Ciidamada dowladda ayaa dagaalka ku dilay illaa labo dagaalame, halka
ay ku furteen saddex qori oo mid ka mid ah uu ahaa qoriga loo yaqaano
Baasukaha garbaha laga rido.
Saraakiisha ayaa sheegay in ay iska difaaceen weerarka ay ku soo qaadeen Al-Shabaab, ayna ka war hayeen markii hore dagaalka ay soo qaadayeen.
Ciidamada dowladda
ayaa dhaq dhaqaaqyo ciidan ka wada duleedka Garbahaarey, iyagoo ku daba
jira raadka kooxdii weerarka soo qaaday.
C/raxmaan Diini, Hiiraan Online
[email protected]
