10/15/2019
Today from Hiiraan Online:  _
Wararka Maanta- Arbaco, Oct 9 , 2019
Madaxweyne Farmaajo '' Federaalku madax-bannaani u gaar ah ma siinayo dowlad gobolleedyada


 

Arbaco, October, 09, 2019 (HOL)-Madaxweynaha dowladda Soomaaliya Maxamed Cabdullaahi Farmaajo oo khudbad ka jeedinayay maanta furitaanka Kalfadhigga Lixaad ee Barlamaanka Soomaaliya ayaa soo hadal qaaday Arrimaha Federaalka, isaga oo sheegay in Federaalku madax-bannaani gaar ah siineynin Dowlad gobolleedyada.

Dhinaca kale madaxweynaha ayaa sheegay in haddii ay jiraan kuwo raba inay dalka ku hoggaamiyaan si qasab ah, uu dalka ka soo gudbay xilligii jahwareerka ah. 

Madaxweynaha ayaa yiri“Haddii ay jiraan kuwa raba inay dalka ku hoggaamiyaan si qasab ah,  dalkeenu waa ka soo gudbay xilligii jahwareerka iyo in dadka lagu  owrkacsado, marnaba ma ogolaan doono in dalka dib u noqdo, wax  Qaranimada ka yar ma aqbaleyno”ayuu yiri Madaxweyne Farmaajo.

Madaxweyne Farmaajo ayaa yiri in nidaamka Federaalka ay dowladdu ku dhisan tahay wax ka badalkiisana ay ku xiran tahay afti dadweyne, inta ka horeysanaya aysan jirin cid wax ka badali karta.

“Federaalka waa nidaam umadda Soomaaliyeed ay dooratay waa hab maamulka dowladeena, umadda soomaaliyeed illaa iyada ka go’aansato inay wax ka bedesho dowlad ama koox gaar wax ka bedeli karta aysan jirin, waxaa nasiib daro in dad gaar ah si qaldan u fahmeen nidaamka federaalka wuxuu si cad u qeexayaa awoodaha dowladda Federaalka iyo dowladaha xubnaha ka ah, dowlad goboleedyada ma siineyso madax banaani gaar ah, waxaa idin xusuusinayaa ilaalinta Qaranimada Madax banaanidiisa ay saaran tahay dowladda Federaalka”ayuu yiri Madaxweyne Farmaajo.

Hadalka madaxweynaha ayaa imanaya xili uu jiro khilaaf xooggan oo u dhaxeeya dowladda Soomaaliya iyo qaar ka mid ah dowlad gobolleedyada dalka, sida Puntland iyo Jubbaland, waxaa sidoo kale jira culeys dowaldda Somaaliya ka soo food saaraya Xisbiyada iyo Siyaasiyiinta Mucaaradka oo maalmihii ugu danbeeyay eedeymo is daba joog ah u jeedinayay Dowladda Federaalka. 

C/raxmaan Diini, Hiiraan Online
[email protected]

 

 

 

 
 










Click here
10/9/2019 3:10 PM EST
Arbaco, October, 09, 2019 (HOL)- Wasiirka Wasaaradda Arrimaha Dibadda Xukuumadda Soomaaliya Axmed Ciise Cawad oo faah faahin dheeraad ah ka bixiyay waxa ka soo baxay wadahadal magaalada Boosaaso ay kula yeesheen isaga iyo wafdi heer Wasiirro ahaa oo ka socday Dowladda Federaalka madaxweynaha Puntland Saciid Cabdullaahi Deni.

10/9/2019 12:25 PM EST
Arbaco, October,09, 2019 (HOL)-Madaxweyne Muuse Biixi ayaa maanta xafiiskiisa ku qaabilay safiirka midawga Yurub u qaabilsan Somaliland iyo Soomaaliya, Amb. Nicolás Berlanga Martinez iyo wefti uu hoggaaminayo.

10/9/2019 12:21 PM EST
Arbaco, October, 09, 2019 (HOL) – Dufcadii 11aad oo ka kooban 606 Arday ayaa maanta ka qalinjabiyey Jaamacadda Admas ee magaalada Hargeysa, kuwaas oo munaasibad balaadhan oo loogu fooladeeyey loogu qabtay Hotel Maansoor ee Magaalada Hargeysa.

10/9/2019 9:19 AM EST
Arbaco, October, 09, 2019 (HOL)-Dhabhaha ay diyaaraduhu ka duullaan ee garoonka diyaaradaha magaalada Muqdisho ayaa si KMG loo xiray sida ay Hiiraan Online u sheegeen qaar ka mid ah shaqaalaha Garoonka

10/9/2019 6:27 AM EST
Arbaco, October, 09, 2019 (HOL)-Xafiiska Hanti-dhowraha guud ee Soomaaliya ayaa soo saaray Warbixin sanadeedka ee baarista Hey’adaha maaliyadda dowladda, waxaa warbixinta ku xusan malaayiin dollar oo aan ilaa iyo hadda la ogeyn sida loo isticmaalay.

10/9/2019 5:01 AM EST
Arbaco, October, 09, 2019 (HOL)-Degmada Jalalaqsi ee gobolka Hiiraan waxaa ka soconaya kulamo xal loogu raadinayo iska horimaad dhawaan degmada ku dhaxmaray ciidamada Jabuuti ee qeybta ka ah howlgalka midowga Africa AMISOM iyo ciidanka Booliiska Hirshabeelle.

10/9/2019 2:28 AM EST
Arbaco, October, 09, 2019 (HOL)- Warar dheeraad ah ayaa ka soo baxaya Qaraxyo xalay lala eegtay ciidamada sida gaar ah u tababaran ee Booliiska Dowladda Soomaaliya oo lagu magacaabo [Harimacad] kuwaa oo ku safrayay waddada xiriirisa Muqdisho iyo Afgooye.

10/9/2019 2:16 AM EST
Arbaco, October, 09, 2019 (HOL)- Madaxweynaha dowlad gobolleedka Galmudug Axmed Ducaale Geelle Xaaf ayaa taageeray islamarkaana soo dhaweeyay guddiga farsamo ee maamul u sameynta Galmudug oo ay ku dhawaaqday Wasaaradda Arrimaha Gudaha iyo Federaalka.

10/9/2019 2:04 AM EST
Arbaco, October, 09, 2019 (HOL)-Wasaaradda Arrimaha Gudaha Federaalka iyo dib u- heshiisiinta XF Soomaaliya ayaa magacowday Guddiga Farsamada maamul Dhisidda Dowlad Gobaleedka Galmudug, kaas oo maalmihii la soo dhaafay la hadal haayey in la magacaabayo.

10/9/2019 1:57 AM EST
Arbaco, October, 09, 2019 (HOL)-Madaxweynaha dowladda Soomaaliya Maxamed Cabdullaahi Farmaajo ayaa lagu wadaa in maanta oo Arbaco ah uu daah furo Kalfdhiga 6-aad ee Baarlamaanka Labada Aqal ee Soomaaliya.