Dowladda Soomaailya oo Boqolaal Kun oo dollar ku bixineysa dhismaha Buundada Baardheere
Sabti, October, 05 2019 (HOL)-Ra’iisul Wasaaraha xukuumadda federaalka Soomaaliya Xasan Cali Khayre, ayaa maanta bixiyay lacag dhan 317,000 oo dollar oo dowladdu ugu talagashay dib u dhiska Buundada degmada Baardheere ee gobalka Gedo, si ay qayb uga qaadato fududeynta isu socodka Bulshada iyo kocobaca dhaqaalaha dalka.
Ra'iisal Wasaare Kheyre oo ka jawaabaya cabasho ka timid bulshda
Baardheere oo dhibaata badan ku qabay burburka buundada, ayaa sheegay in
madaxda Qaranka ay yihiin adeegayaasha bulsahda, lagama maarmaanna ay tahay in baahiyaha bulsada wax looga qabto sida ay u kala muhiimsanyihiin iyo hadba inta ay la ektahay awoodda dowladda.
Qaar kamid ah xildhibaannada labada aqal oo Ra’iisul Wasaare Xassan Cali Khayre kusoo booqday xafiiska, ayaa uga mahad celliyay ka jawaabidda baaqa bulsahda iyo bixinta lacagta dib loogu dhisayo Buundada
Baardheere oo muhiim u ah dib-u-kabashada dhaqaalaha dalka, horumarinta
ganacsiga, fududeynta isu socodka, amniga iyo deb-qabka dadka iyo gaadiidka safarka ah.
Dowladda oo dadaal xooggan ugu jirta kobcinta dhaqaalaha dalka, ayaa
horay u ballan qaaday soo nooleynta kaabayaasha dhaqaalaha dalka, si loo
gaaro isku filnaansho dhaqaale oo dalka u horseeda horumarka iyo
barwaaqada ay bulshada Soomaaliyeed tiigsanayso.
C/raxmaan Diini, Hiiraan Online
[email protected]