Sabti, October, 05, 2019 (HOL)-Faah faahinno dheeraad ah ayaa ka soo baxaya dagaal culus oo ciidamada militariga dowladda Soomaaliya iyo Al-shabaab ku dhaxmaray inta u dhaxeysa deegaanka Halgan iyo degmada Buula-burte ee gobolka Hiiraan.
Dad ku sugan deegaannada lagu dagaalamay ayaa warbaahinta u sheegay in labada dhinac dagaalka isku adeegsadeen hub kala duwan
Al-shabaab ayaa la sheegay in ay weerar ku qaadeen saldhigyo ciidanka dowladda ay ku lahaayeen deegaanno hoostaga degmada Halgan ee gobolka Hiiraan.
Guddoomiyaha degmada Buulo Burte ayaa dhowaan sheegay inay qaadi doonaan howlgallo ay isugu furayaan waddooyinka Gobolka Hiiraan, gaar ahaan waddooyinka soo gala Buulo Burte oo Al-Shabaab jareen.
Buulo- Burte ayaa in muddo sanado ah ku jirtay xaalad go’doon ah, iyadoo inta badan saanada ciidamada iyo sahayda lagu gaarsiiyo diyaarado.
C/raxmaan Diini, Hiiraan Online[email protected]