Madaxweyne Biixi oo xafiiskiisa ku qaabiley safiiro ka socday midowga Yurub iyo Sweden
Axad, October, 20, 2019 (HOL)-Madaxweynaha Somaliland Muuse Biixi ayaa maanta xafiiskiisa ku qaabiley Wefti uu hoggaaminayo Safiirka Midawga Yurub U Qaabilsan Somaliland Iyo Soomaaliya.
Weftigan reer Yurub waxa hogaaminaya
safiirrrada midawga Yurub iyo Sweden u qaabilsan Somaliland iyo Soomaaliya,
Amb. Nicolás Berlanga Martinez iyo Amb. staffan Tillander.
War-saxaafadeed
ka soo baxay
xafiiska madaxweynaha ee uu ku saxeexnaa afhayeenka madaxweynaha
Maxamuud Warsame ayaa qoraalkan lagu sheegay, waxaanu u qornaa sidan “
kulan safiirada iyo madaxweynaha , ayaa
lagaga wada hadlay adkaynta iyo dardar-gelinta xidhiidhka
wada-shaqayneed ee
midawga Yurub iyo dalka Sweden ay la leeyihiin Somaliland iyo sidii kor
loogu
qaadi la isagana kaashan lahaa arrimaha mandaqadda Geeska Afrika."
waxa intaas la raaciyey "Ugu danbayna waxa kulankaasi
lagaga wada hadlay diyaar garowga qabsoomidda doorashooyinka foodda innagu soo
haya ee golayaasha wakiillada iyo deegaanka oo ay beesha caalamku danaynayaan
inay doorkooda ka qaataan, maadaama ay Somaliland ka taageeraan hannaanka
dimuquraaddiyadda iyo doorashooyinka, waxaanay guud ahaan weftigani sheegeen
inay diyaar u yihiin Somaliland taageeradeeda.”
Weftigan ayaa wararku sheegayan
inay yimaadeen khilaafka ka dhashay xubnaha guddida doorashooyinka oo xisbiyada
mucaaradku ka soo horjeesteen laba xubnood, taas oo keentay inuu xisbiga
WADDANI hakiyo xubintiisii illaa inta labada xubnood laga saarayo guddida
doorashooyinka.
Barkhad-ladiif M. Cumar, Hiiraan Online
[email protected]
Hargeysa, Somaliland.
