Arbaco, October, 02, 2019 (HOL)-Wararka naga soo gaaraya degmada Cadaado ee gobolka Galguduud ayaa sheegaya in nin ku hubeysan qoriga AK47 nin dhalinyaro ah oo ka tirsan dadka deegaanka.
Wiilka dhalinyarada ah ee la dilay ayaa waxaa lagu magacaabi jiray Liibaan Xassan, waxaana wararku sheegayaan in lagu dhex-dilay goob ganacsi uu ku lahaa xaafad lagu magacaabo Laanweyn.
Dad ku sugan degmada ayaa warbaahinta u sheegay in ninka la dilay iyo kan wax dilay uu maalmahaan khilaaf ka dhaxeeyay, hasse ahaatee saakay uu dilkaasi dhacay.
Wararka qaar ayaa waxaa ay sheegayaan in ninka dilka geystay ay ciidamada Booliska magaalada Cadaado gacanta ku dhigeen, islamarkaana la geeyay saldhiga Booliska magaalada, kaddib markii isaga uu saldhiga tagay.