Arbaco, October, 02, 2019 (HOL)- Madaxweynaha dowlad
gobolleedka Puntland Saciid Cabdullaahi Deni ayaa sheegay in Puntland mar walba diyaar u tahay sida uu hadalka u
dhigay wadahadal ay la gasho dowladda Soomaaliya, isaga oo mar kale ku celiyay
in aysan qeyb ka aheyn wixii ka soo baxa shirka Iskaashiga Soomaaliya ee ka
soconaya Muqdisho.
“Waxaan la socdaan dad aan waxba ka ogeyn waxa jira ay
aqbalaan wixii loo sheego,waxaan diyaar u nahay Annaga in aan dowladda
federaalka la furno wada-hadallo Toos loo daawado si Bulshada u ogaato wixii
aan isku heyno ayuu yiri” Madaxweyne Deni.
Wuxuu
sheegay madaxweyne Dani in aan Puntland marnaba laga tal-galin shirka ka
soconaya magalada Muqdisho, sidaa daraadeed aysan jirin sabab ay uga
qeybga-sho.
‘’Annaga
shirkaa wax watashi ah markii horeba nalagala yeelan, Ajandihiisana ma ogeyn,
waana sababta uu qaadacnay.
Jadwalka
shirka marka la eego madaxweyne Deni waxaa uu maanta ku qornaa khubad la
xiriira hadal jeedinta shirka, sidoo kale waxaa jadwalka ku jira Wasiirka
Maaliyada Jubbaland oo lagu martiqaaday shirka, laakiin labadooduba qeyb kama ah shirka.
C/raxmaan Diini, Hiiraan Online
[email protected]
