Arbaco, October, 16, 2019 (HOL)- Warar dheeraad ah ayaa ka soo baxaya qarax subaxnimadii hore ee saakay ka dhacay Waqooyiga magaalada Gaalkacyo.
Qaraxa ayaa lagu xiray Gaari uu lahaa Taliyaha Saldhiga Bartamaha waqooyiga magaalada Gaalkacyo ee Puntland Cabdiqani Jaamac Axmed (Xabuun), qaraxa ayaana la doonayay in lagu dilo taliyaha.
Wararku waxaa ay sheegayaan in Gaariga inta uusan gudaha taliyaha la ogaadayin uu qarax ku xiran yahay, waxaana uu intaa kaddib la war galiyay laamaha Amaanka kuwaa oo ku guuleystay in dadka ka fogeeyaan halka uu yaalay gaariga qaraxa lagu xiray.
Daqiiqado kaddib waxaa qarxay Gaariga, waxaana la sheegay in uusan jirin wax khasaaro ah oo ka dhashay qaraxan saakay ka dhacay Waqooyiga magaalada Gaalkacyo.
Ciidamada Booliiska Waqooyiga magaalada Gaalkacyo ayaa bilaabay baaritaano lagu
ogaanayo cida gaariga qaraxa ku xirtay, waxa uuna taliyaha qaraxa ka bad baaday sheegay in gaariga qaraxa loogu xiray uu yaalay barxada gurigiisa.
C/raxmaan Diini, Hiiraan Online
[email protected]
