Arbaco, October, 16, 2019 (HOL)-Magaalada Dhuusa-Mareeb ee Xarunta Gobolka Galgaduud waxaa kulan deg deg ah ku yeeshay laamaha kala duwan Dowladda Federaalka iyo Dowlad gobolleedka Galmudug.
Kulanka ayaa waxaa Shir guddoomiyay Wasiirka amniga Galmudug Saadaq Sheekh Yuusuf, islamarkaana waxaa goobjoog ka ahaa taliye-yaasha Booliska
iyo Nnabadsugiga Galmudug ,iyagoona kulanka uu qeyb ka ahaa Taliska qeybta 21-aad ee ciidanka xooga dalka.
Sidoo kale kulankan oo ahaa mid uu laamaha amniga Galmudug isugu yeeray Wasiir Saadaq Sheekh ayaa waxaa looga hadlay xaalada guud ee Amniga Galmudug iyo howlgaladii ugu dambeeyay ee ciidanka ay ka sameeyeen magaalada Dhuusa-Mareeb.
Wasiirka Amniga Galmudug Saadaq Sheekh Yuusuf ayaa sheegay in ciidamada Amniga ay ku guuleysteen in ay habeen ka hor ay soo qabtaan khamri fara-badan iyo dadkii ka ganacsanayay,iyagoona khamriga lagu burburay duleedka Dhuusa-Mareeb, islamarkaana xabsiga la dhigay dadkii ka ganacsanaayay,isdoo kalena sharciga la hor keeni doono.
Dhuusa-Mareeb ayaa isku diyaarineysa marti-galinta shirka maamul u sameynta Galmudug, iyadoo dhawaan dowladda Federaalka ay ku dhawaaqday guddiga qaban-qaabada shirka dhismaha maamulka Galmudug.
C/raxmaan Diini, Hiiraan Online
[email protected]