3/28/2024
Today from Hiiraan Online:  _
Wararka Maanta- Talaado, Oct 15, 2019
Kulan looga hadlay muhimadda ka qayb-galka doorashada dalka Kanada

Talaado October, 15, 2019 (HOL) - Ayada oo nagu soo fool leedahay doorashada federaalka ee dalka Kanada, ayaa waxaa bishaan 13keedii lagu qabtay magaalada Ottawa kulan looga hadlayo muhimadda ay leedahay in laga qayb-qaato doorashada dhawaan ka dhici doonto dalka Kanada.

Kulankaas oo ay soo qabanqaabiyeen uruka Geeska Afrika ee Kanada (La Communauté Canadienne de la Corne de l’Afrique) ayaa waxaa hadalo muhiim ah ka soo jeediyey culumo magac weyn ku leh bulshada Soomaaliyeed ee ku nool dalka Kanada.

Culumadaas oo ka mid ahaayeen: Sheikh Cabdiraxmaan Bashiir, Sheikh Cabdixakiim Sugle Maxamed iyo Sheikh Muuse Faarax ayaa halkaas ka soo jeediyey muxaadaro isugu jirto ala ka cabsi iyo wargalin la xiriirta doorashada bishan Oktoobar 21keeda ka dhicidoonta guud ahaan dalka Kanada.

Sheekh Cabdiraxmaan Bashiir ayaa faahfaahin dheeraad wax uu ka bixiyey diinta islaamka waxay ka qabto doorashada, marka laga fiirsho dhinacyada  sharciyadda, wajib-ahaanta iyo maslaxadda bulshada, wuxuuna jaaliyadda Soomaaliyeed ee ku nool dalka Kanada ku dhiirigaliyey in ay ka faa’ideystaan fursadda ay haystaan oo ay doortaan xisbiga ay dantooda ka dhex-arki karaan.

Kulaankaas oo lagu martiqaaday xisibiyada ka sharaxan bartamaha Ottawa ee xaafadda Vanier, ayaa waxaa halkaas soo xaadir oo kaliyah musharaxa xisbiga muxaafidka (Conservative Party) mudane Joel Barnard. Kaas halkaas ka sharaxay siyaasadda Xisbigiis kana codsaday in ay u codeeyaan.

Musharax Barnard ayaa halkaas lagu weydiiyey su’aal ay ka mid ahaayeen fududeynta socdaalka iyo jinsiyadaha (Immigration and citizenship), baqdinta laga qabo islaamka (Islamophobia).













Click here
10/15/2019 2:06 PM EST
Talaado, October, 15, 2019 (HOL)-Rag hubeysan ayaa ugu yaraan 16 qof ku dilay, islamarkaana qiyaatsii tobaneeyo kale ku dhaawacay xaafad yar oo ku taalla waqooyiga bari ee dalka Ethiopia, sida ay booliska sheegeen Isniintii.

10/15/2019 11:09 AM EST
Talaado, October, 15, 2019 (HOL)-Doon usoo socotay magaalada Boosaaso oo rar kasoo qadaday deked ku taalla dalka Cummaan ayaa la sheegay inay ku degtay xeebaha badweynta Hindiya.

10/15/2019 10:40 AM EST
Talaado, October, 15, 2019 (HOL)-Ciidamada Amaanka degmada Dhuusa-mareeb ayaa lagu waramayaa in ay gacanta ku dhiggeen tiro badan oo Khamri ah iyo dadkii ka ganacsanayay.

10/15/2019 8:19 AM EST
Talaado, October, 15, 2019 (HOL)-Gudoomiyaha golaha Wakiilada Baashe Maxamed Faarax ayaa sheegay inuu xisbiga mucaaradka ah ee WADDANI uu cabasho ka muujiyey laba xubnood oo lagu soo daray guddida doorashooyinka ee cusub.

10/15/2019 7:13 AM EST
Talaado, October, 15, 2019 (HOL)-Qatar ayaa difaacday hawlgalka Turkiga ee ka dhanka ah dagaal-yahannada Kurdish-ka ee Waqooyiga Syria, ayada oo sheegtay in Ankara ay u dhaqaaqday inay ka hortagto “halis kusoo wajahneyd”.

10/15/2019 5:52 AM EST
Talaado, October, 15, 2019 (HOL)-Guddoomiyaha Baarlamaanka Hirshabelle Cismaan Barre Maxamed ayaa ku amray xildhibaanada baarlamaanka Hirshabelle inay dib ugu soo laabtaan magaalada Jowhar xarunta dowlad goboleedka HIrshabelle kadib markii uu dhamaaday fasaxii ay ku jireen.

10/15/2019 4:09 AM EST
Talaado, October, 15, 2019 (HOL)-Madaxweynaha Dowlad gobolleedka Jubbaland Axmed Maxamed Islaam (Axmed Madoobe) ayaa sheegay in uu diyaar u yahay wadahadal lagu xalinayo wax kasta oo la kala tirsanayo.

10/15/2019 2:05 AM EST
Talaado, October, 15, 2019 (HOL)- Madaxtooyada Soomaaliya ayaa si kulul uga hadashay Gaadii lagu soo xardhay Sawirrada madaxweyne Maxamed Cabdullaahi Farmaajo iyo RW Kheyre oo maalintii shalay lagu soo bandhigay xuska Sanad-guuradii Labaad ee ka soo weerarkii Ismiidaaminta ahaa ee 14kii October 2017 ka dhacy Isgoyska Zoobe.

10/15/2019 1:39 AM EST
Talaado, October, 15, 2019 (HOL)- Mas'uuliyiinta sare ee Ahlu Sunna Waljameeca ee fadhiggoodu yahay degmada Dhuusa-mareeb ee Gobol Galguduud ayaa dood ka keenay guddi dhawaan dowladdu u saartay farsamada iyo dhismaha maamulka Galmudug.

10/15/2019 12:32 AM EST
Talaado October, 15, 2019 (HOL) - Wasiirka Maaliyadda xukuumadda Soomaaliya Cabdiraxmaan Ducaale Beyle ayaa soo saaray qoraal jawaab celin u ah warbixiintii dhawaan ka soo baxday xaafiiska Hanti Dhowraha Qaranka taasi oo sheegaysay in 18 milyan oo dollar ay ka maqan tahay qasnadda dowladda Federaalka.