3/29/2024
Today from Hiiraan Online:  _
Wararka Maanta- Khamiis, Oct 10, 2019
Dowladda Norway oo Soomaaliya ku taageertay lacag deyn ah oo dhan $353 milyan oo dollar

 

Khamiis, October, 10, 2019 (HOL)-Dowladda Norway ayaa shaaca ka qaaday in ay Soomaaliya amaahisay lacag dhan $353 milyan oo dollar, oo Soomaaliya ay isaga bixineyso lacagta looga leeyahay sanduuqa horumarinta Bankiga Aduunka

Wasiiradda arrimaha dibadda Norway, Ine Eriksen Søreide oo labo bil kahor booqasho ku tagtay magaalada Muqdisho, ayaa maanta saxaafada Norway u sheegtay in dhowrkii sano ee ugu danbeeyay ay Soomaaliya ka hirgashay xasilooni amni iyo mid siyaasadeed. Waxeyna dowlada Soomaaliya ku amaantay fulinta qorshayaasha amni iyo kuwa siyaasadeed ee dib loogu soo nooleynayon nidaamka maaliyadeed ee wadanka, kuwaas oo ay sheegtay inay muhiim u yihiin horumarka guud ee Soomaaliya.

Wasiiradda ayaa sidoo kale sheegtay in Soomaaliya ay wali ku sugantahay xaalad nugul, sidaas darteed deynta ay Norway ku caawineyso Soomaaliya, ay qeyb muhiim ah ka tahay dadaalka dib usoo noqoshada hanaanka dowladnimo ee Soomaaliya.

Waxaa xusid mudan in deyntan aysan aheyn mid toos loo siinayo Soomaaliya, balse ay tahay mid Norway ay ku shubeyso sanduuqa horumarinta ee Bankiga aduunka, waxaana wixii intaas ka danbeeyo Soomaaliya u furmi doonto inay deyn ka qaadan karto sanduuqa horumarinta Bankiga Aduunka.

Soomaaliya ayaa haddii ay iska nadiifiso deynta looga leeyahay sanduuqa horumarinta Bankiga Aduunka waxaa u sahlanaan doonta in ay soo qaadato lacago amaah ah oo hor leh oo qeyb weyn ka qaadan kara fulinta mshaarciida hormarineed ee dalka.

Wasaarada arrimaha dibadda Norway ayaa sidoo kale sheegtay in bilowga sanadka danbe ee 2020 magaalada Paris lagu qaban doonto shirka go´aan ka gaarista barnaamijka deynta cafinta Soomaaliya. Waxeyna Norway rajo wanaagsan ka muujiyay in Soomaaliya laga cafin doonto deynta lagu leeyahay, hadii ay kasoo baxdo shuruudaha dhiman ee ku xiran heshiiska qorshaha deyn cafinta ee u dhaxeeyo Soomaaliya iyo IMF.

C/raxmaan Diini, Hiiraan Online
[email protected] 

 













Click here
10/10/2019 3:00 PM EST
Khamiis, October, 10, 2019 (HOL)-Wararka naga soo gaadhaya degmada Xuddun ee waqooyiga gobolka Sool ayaa faro xun ku haya degaanadii ay roobabka ka da'een.

10/10/2019 2:15 PM EST
Khamiis, October, 10, 2019 (HOL)-Golaha wasiirrada xukuumadda federaalka Soomaaliya, ayaa maanta meel mariyay natiijadii kasoo baxday hubinta iyo tirakoobka shaqaalaha rayidka ah ee dowladda.

10/10/2019 10:23 AM EST
Khamiis, October, 10, 2019 (HOL)- Magaalada Kismaayo waxaa maanta siweyn loogu soo dhaweeyay wafuud kala duwan oo lagu wado in ay ka qeybgalaan munaasabada caleemo saarka madaxweynaha Jubbaland Axmed Maxamed Islaam.

10/10/2019 9:25 AM EST
Khamiis, October, 10, 2019 (HOL)-Musharaxa madaxweynaha Mareykanka ee xisbiga dimoqraadiga, Joe Biden ayaa arbacadii ku baaqay in xilka laga xayuubiyo madaxweyne Donald Trump, oo uu sheegay inuu “qiyaanay” Mareykanka.

10/10/2019 8:10 AM EST
Khamiis, October, 10, 2019 (HOL)-Hanti-dhowraha guud ee Qaranka Maxamed Cali Afgooye oo maanta kula hadlay Muqdisho warbaahinta ayaa sheegay in warbixintii uu shalay soo saaray oo ku saabsaneyd warbixin sanadeedkii 2018 si qaldan loo fasirtey lagana been sheegay.

10/10/2019 6:04 AM EST
Khamiis, October, 10, 2019 (HOL)-Madaxweynaha dowladda Federaalka ah ee Soomaaliya Maxamed C/llaahi Farmaajo ayaa digreeto uu soo saaray ku magacaabay Taliye kuxigeenka Xoogga dalka Soomaaliyeed iyo Taliyaha Ciidamada Lugta.

10/10/2019 4:08 AM EST
Khamiis, October, 10, 2019 (HOL)- Daqiiqado ka hor waxaa garoonka diyaaradaha magaalada Kismaayo caga-dhigatay diyaar ay la socdeen wafdi uu hogaaminayo madaxweynaha Puntland Saciid Cabdullaahi Deni oo toos uga soo anbabaxay magaalada Garoowe.

10/10/2019 3:56 AM EST
Khamiis, October, 10, 2019 (HOL)-Guddoomiyaha gobolka Hiiraan Cali Maxamed Caraale oo Degmada Jalalaqsi u tagay xalinta xiisad halkaasi ka taagneyd ayaa shaqo joojin ku sameeyay Taliyaha Saldhiga Booliska degmadaasi Muuse Salaad.

10/10/2019 2:01 AM EST
Khamiis, October, 10, 2019 (HOL)-Milateriga Turkiga ayaa billaabay duulaan dhulka ah oo uu ku beegsanayo waqooyiga Suuriya, saacado kadib markii ay diyaaradihiisa iyo madaafiicda goobta duqeeyeen deegaanno ay ka taliyaan xooggaga Kurdiyiinta.

10/10/2019 1:14 AM EST
Khamiis, October, 10, 2019 (HOL)-Madaxweynaha Soomaaliya Maxamed Cabdullaahi Farmaajo ayaa xalay xarunta madaxtooyada Soomaaliya martiqaad casho sharaf ah ugu sameeyay wafdi uu horkacayo guddoomiyaha Baarlamaanka Jabuuti Maxamed Cali Xumud oo ka qeybgalay munaasabaddii furitaanka Kalfadhiga Lixaad ee Baarlamaanka Soomaaliya

10/10/2019 1:05 AM EST
Khamiis, October, 10, 2019 (HOL)- Magaalada Jowhar ee xarunta u ah dowlad gobolleedka Hirshabeelle waxaa ku sugan xubno ka tirsan guddiga diyaarinta sharciga doorashooyinka oo kulamo la leh mas'uuliyiinta Hirshabeelle.

10/10/2019 12:50 AM EST
Khamiis, October, 10, 2019 (HOL)-Madaxweynaha dowlad gobolleedka Puntland Saciid Cabdullaahi Deni iyo wafdi ballaaran oo uu horkacayo ayaa lagu wada in ay tagaan magaalada Kismaayo maanta galinka hore.