11/17/2019
Today from Hiiraan Online:  _
Wararka Maanta- Sabti, Nov 9 , 2019
Wafdi ka tirsan Dowladda Soomaaliya iyo safiirro soo gaaray magaalada Beledweyne


 

Sabti, November, 09, 2019 (HOL)- Wafdi uu horkacay Wasiirka Wasaaradda Boostada iyo Isgaarsiinta dowladda Soomaaliya Eng Cabdi Canshuur Xassan oo ay ka mid ahaayeen Safiirrada dalalka Turkiga iyo Qadar ayaa maanta soo gaaray magaalada Beledweyne

Wafdiga ayaa noqonaya kii ugu horeeyay ee ka socda caalamka oo soo gaara magaalada Beledweyne oo ay ku dhufteen daadad ka soo rogmaday Wabiga Shabeelle, iyadoo dhinaca kale uu soconayo gurmad heer caalami ah oo loo fidinayo dadka ay fatahaadu ku dhufatay.

Wafdiga ayaa kulamo la qaatay madaxda dowlad gobolleedka Hirshabeelle ee ku sugan magaalada Beledweyne, Wasiirro, Xildhibaanno horay u sii joogay magaalada iyo mas'uuliyiinta maamulka gobolka Hiiraan.

Dowladdaha Qatar, Turkiga iyo Jabuuti ayaa ka mid ahaa dowladihii sidda weyn uga qeyb qaatay gurmadka loo sameynaayo Shacabka Beledweyne.

Magaalada Beledweyne ayaa dab-yaaqadii bishii tagtay ee October ilaa horaantii bishan November, waxaa ku dhuftay daadad xoog leh oo saameyn weyn ku yeeshay nolasha dadka ku dhaqan magalada oo xiligan intooda badan daadsan daafaha magaalada gaar ahaan deegaanka Ceeljaale ee dulleedka Bari magaalada Beledweyne. 

C/raxmaan Diini, Hiiraan Online
[email protected] 

  

 










Click here
11/9/2019 10:41 AM EST
Sabti, November, 09, 2019 (HOL)-Wafdi uu hoggaaminayay Madaxwaynaha DDS Madaxwayne Mustafe cagjar ayaa maanta booqday tuulada Fadayga oo ka tirsan degmada Qabribayax.

11/9/2019 7:41 AM EST
Sabti, November, 09, 2019 (HOL)-Guddigii doorashada dhawaantan loo xilsaaray in ay ka soo shaqeeyaan hab raaca doorashada guddoomiyaha Baarlamaanka dowlad gobolleedka Puntland ayaa shaaciyay waqtiga la qabanayo doorashada guddoomiyaha.

11/9/2019 3:34 AM EST
Sabti, November, 09, 2019 (HOL)-Wararka ka imanaya magaalada Garoowe ee xarunta u ah dowlad gobolleedka Puntland ayaa sheegaya in uu halkaa isaga baxay guddoomiyihii Baarlamaanka Puntland Cabdixakiin Maxamed Axmed Dhoobo Daareed oo Khamiistii ay xilka ka qaadeen Golaha Baarlamaanka

11/9/2019 3:19 AM EST
Sabti, November, 09, 2019 (HOL)-Warar ka imanaya degmada Cabdicasiis ee gobolka Banaadir ayaa sheegaya in askari ka tirsan ciidamada dowladda Soomaaliya uu toogasho ku dilay Wiil dhalinyaro ah oo ka mid ahaa darwallada Mooto Bajaajka.

11/9/2019 12:18 AM EST
Sabti, November, 09, 2019 (HOL)-Dowladda Soomaaliya ayaa ugu baaqday wadamada Nordic in maalgeshi ay ku sameeyaan dalxiiska iyo kheyraadka dabiiciga.

11/9/2019 12:04 AM EST
Sabti, November, 09, 2019 (HOL)- Xooggag ka tirsan Ahlu Sunna Waljameeca oo dhawaan isaga baxay deegaanno ka tirsan gobolka Galguduud ayaa ku biiray ciidamada dowladda Soomaaliya oo dhawaan la wareegay qeybo ka mid ah gobolka.

11/9/2019 12:01 AM EST
Sabti, November, 09, 2019 (HOL)- Madaxweynaha dowlad gobolleedka Jubbaland Maxamuud Sayid Aadan ayaa waxba kama jiraan ku tilmaamay in ay jiraan Boqolaal ciidamo ah oo u goostay dhinaca dowladda Soomaaliya.