3/19/2024
Today from Hiiraan Online:  _
Wararka Maanta- Sabti, Nov 9 , 2019
Darawal Mooto Bajaaj oo lagu dilay magaalada Muqdisho

 

Sabti, November, 09, 2019 (HOL)-Warar ka imanaya degmada Cabdicasiis ee gobolka Banaadir ayaa sheegaya in askari ka tirsan ciidamada dowladda Soomaaliya uu toogasho ku dilay Wiil dhalinyaro ah oo ka mid ahaa darwallada Mooto Bajaajka.

Goobjoogayaal ayaa sheegay in Wiilkan oo lagu magacaabi jiray Ismaaciil Maxamed Saciid uu si bareer ah u toogtay Askari ka tirsan ciidamada dowladda Soomaaliya.

Dilka kadib ayeey wararku sheegayaan in la qabtay Askarigii toogashada geystay oo ka mid ahaa ciidamo ku sugnaa Kootaroolka Xeebta Liido ee degmada Cabdicasiis.

Dad ku sugnaa goobta uu dilka ka dhacay ayaa warbaahinta u sheegay in Wiilka dhalinyaradda ah ee la dilay iyo Askariga uu dhaxmaray muran , waxaana markii dambe askariga uu rasaas kaga dhiftay  qeybaha sare ee jirkiisa.

Ciidamada dowladda Soomaaliya ayaa inta badan lagu eedeeyaan in ay si bareer ah u bartilmaameedsadaan dhalinyarada ku shaqeysata wadista gaadiidka yaryar ee Mooto Bajaajka oo siweyn looga isticmaalo magaalada Muqdisho.

C/raxmaan Diini, Hiiraan Online
[email protected] 

  













Click here
11/9/2019 10:41 AM EST
Sabti, November, 09, 2019 (HOL)-Wafdi uu hoggaaminayay Madaxwaynaha DDS Madaxwayne Mustafe cagjar ayaa maanta booqday tuulada Fadayga oo ka tirsan degmada Qabribayax.

11/9/2019 7:41 AM EST
Sabti, November, 09, 2019 (HOL)-Guddigii doorashada dhawaantan loo xilsaaray in ay ka soo shaqeeyaan hab raaca doorashada guddoomiyaha Baarlamaanka dowlad gobolleedka Puntland ayaa shaaciyay waqtiga la qabanayo doorashada guddoomiyaha.

11/9/2019 5:38 AM EST
Sabti, November, 09, 2019 (HOL)- Wafdi uu horkacay Wasiirka Wasaaradda Boostada iyo Isgaarsiinta dowladda Soomaaliya Eng Cabdi Canshuur Xassan oo ay ka mid ahaayeen Safiirrada dalalka Turkiga iyo Qadar ayaa maanta soo gaaray magaalada Beledweyne

11/9/2019 3:34 AM EST
Sabti, November, 09, 2019 (HOL)-Wararka ka imanaya magaalada Garoowe ee xarunta u ah dowlad gobolleedka Puntland ayaa sheegaya in uu halkaa isaga baxay guddoomiyihii Baarlamaanka Puntland Cabdixakiin Maxamed Axmed Dhoobo Daareed oo Khamiistii ay xilka ka qaadeen Golaha Baarlamaanka

11/9/2019 12:18 AM EST
Sabti, November, 09, 2019 (HOL)-Dowladda Soomaaliya ayaa ugu baaqday wadamada Nordic in maalgeshi ay ku sameeyaan dalxiiska iyo kheyraadka dabiiciga.

11/9/2019 12:04 AM EST
Sabti, November, 09, 2019 (HOL)- Xooggag ka tirsan Ahlu Sunna Waljameeca oo dhawaan isaga baxay deegaanno ka tirsan gobolka Galguduud ayaa ku biiray ciidamada dowladda Soomaaliya oo dhawaan la wareegay qeybo ka mid ah gobolka.

11/9/2019 12:01 AM EST
Sabti, November, 09, 2019 (HOL)- Madaxweynaha dowlad gobolleedka Jubbaland Maxamuud Sayid Aadan ayaa waxba kama jiraan ku tilmaamay in ay jiraan Boqolaal ciidamo ah oo u goostay dhinaca dowladda Soomaaliya.