3/19/2024
Today from Hiiraan Online:  _
Wararka Maanta- Sabti, Nov 9 , 2019
Jubbaland oo beenisay in ay jiraan ciidamo u goostay dhinaca dowladda Soomaaliya

 

Sabti, November, 09, 2019 (HOL)- Madaxweynaha dowlad gobolleedka Jubbaland Maxamuud Sayid Aadan ayaa waxba kama jiraan ku tilmaamay in ay jiraan Boqolaal ciidamo ah oo u goostay dhinaca dowladda Soomaaliya.

In ka badan 200 oo ciidamo ah oo horay uga tirsanaa Jubbaland ayaa ku dhawaaqay iyaga oo ku sugan degmada Luuq in ay ku biireen dowladda Soomaaliya.

Sarkaal ka tirsan ciidamada oo lagu magacaabo Maxamed Cabdi Muudeey ayaa BBC u sheegay in ay go’aankan qaateen kaddib markii uu isfaham waa soo kala dhax-galay iyaga iyo maamulka Jubbaland.

Laakiin madaxweyne ku-xigeenka maamulka Jubbaland Maxamuud Sayid Aadan ayaa sheegay ‘’ "Horta Beledxaawo, Luuq iyo Doolow waxaa jooga hal ciidan, oo ah ciidanka Soomaaliyeed, oo ammaanka ilaaliyo, oo waajibaadkiisu uu yahay la dagaallanka Al-Shabaab. Waxaa jira ciidan dhallinyaro ah, oo ka tirsanaa ciidankii Beledxawo oo aaday magaalada Luuq, iyaguna waxaa ay u tageen ciidankoodii kale oo jooga Luuq, wax dhib ah oo ka taaganna ma jiro, mar walbana way dhacdaa in ciidan meel lagu ogaa ay si amar la'aan ah ama sabab la xiriirta khilaaf dhex mara iyaga iyo madaxdooda uga tagaan xarumahoodii, marka ma aha wax weyn ama sida ay idaacaduhu u dhigayaan, meel ay ka baxsadeen iyo cid ay u baxsadeen midna ma jirto", ayuu yidhi madaxweyne ku xigeenka Jubbaland.

Maxamuud Sayid Aadan ayaa intaa ku daray in Dowladda Federaalka iyo Jubbaland meelna kala jirin sidaa daraadeed warkaasi yahay mid aan waxba ka jirin.

Bilihii ugu danbeeyayba waxaa jiray xurgub siyasadeed oo u dhaxeysa dowladda dhexe ee Federaalka iyo maamulka Jubbaland kaddib doorashadii madaxweyne Axmed Madoobe oo ay dowladda Federaalka ku tilmaamtay sharci darro.

C/raxmaan Diini, Hiiraan Online
[email protected]













Click here
11/9/2019 10:41 AM EST
Sabti, November, 09, 2019 (HOL)-Wafdi uu hoggaaminayay Madaxwaynaha DDS Madaxwayne Mustafe cagjar ayaa maanta booqday tuulada Fadayga oo ka tirsan degmada Qabribayax.

11/9/2019 7:41 AM EST
Sabti, November, 09, 2019 (HOL)-Guddigii doorashada dhawaantan loo xilsaaray in ay ka soo shaqeeyaan hab raaca doorashada guddoomiyaha Baarlamaanka dowlad gobolleedka Puntland ayaa shaaciyay waqtiga la qabanayo doorashada guddoomiyaha.

11/9/2019 5:38 AM EST
Sabti, November, 09, 2019 (HOL)- Wafdi uu horkacay Wasiirka Wasaaradda Boostada iyo Isgaarsiinta dowladda Soomaaliya Eng Cabdi Canshuur Xassan oo ay ka mid ahaayeen Safiirrada dalalka Turkiga iyo Qadar ayaa maanta soo gaaray magaalada Beledweyne

11/9/2019 3:34 AM EST
Sabti, November, 09, 2019 (HOL)-Wararka ka imanaya magaalada Garoowe ee xarunta u ah dowlad gobolleedka Puntland ayaa sheegaya in uu halkaa isaga baxay guddoomiyihii Baarlamaanka Puntland Cabdixakiin Maxamed Axmed Dhoobo Daareed oo Khamiistii ay xilka ka qaadeen Golaha Baarlamaanka

11/9/2019 3:19 AM EST
Sabti, November, 09, 2019 (HOL)-Warar ka imanaya degmada Cabdicasiis ee gobolka Banaadir ayaa sheegaya in askari ka tirsan ciidamada dowladda Soomaaliya uu toogasho ku dilay Wiil dhalinyaro ah oo ka mid ahaa darwallada Mooto Bajaajka.

11/9/2019 12:18 AM EST
Sabti, November, 09, 2019 (HOL)-Dowladda Soomaaliya ayaa ugu baaqday wadamada Nordic in maalgeshi ay ku sameeyaan dalxiiska iyo kheyraadka dabiiciga.

11/9/2019 12:04 AM EST
Sabti, November, 09, 2019 (HOL)- Xooggag ka tirsan Ahlu Sunna Waljameeca oo dhawaan isaga baxay deegaanno ka tirsan gobolka Galguduud ayaa ku biiray ciidamada dowladda Soomaaliya oo dhawaan la wareegay qeybo ka mid ah gobolka.