11/17/2019
Today from Hiiraan Online:  _
Wararka Maanta- Jimco, Nov 8 , 2019
Dhaqaale xumo soo food saartay Garsoorayaasha Kenya u qaabilsan Kiiska Badda ee kala dhaxeeya Soomaaliya


 

Jimco, November, 08, 2019 (HOL) -Garsoorayaasha dhinaca Kenya gacanta ku haya dacwadda Badda ee kala dhaxeysa Soomaaliya ayaa u muuqda xiligan in aysan wax go'aan ah ka gaarin karin sii wadista Kiiska sababo la xiriira dhaqaale xumo soo food saartay.

Kanyi Kimondo, Robert Limo iyo Anthony Mrima, ayeey aheyd maalintii shalay in ay soo saaraan go'aankooda la xiriira in Kenya sii wadi doonto kiiska Badda ee hadda hor yaala maxkamada ICJ ee fadhigeedu yahay  The  Hegue.

Garsoorayaashan ayaa dalbaday 31.2 bilyan Kenya shilin si ay sii wataan howlahooda , balse Baarlamanka dalka Kenya ayaa u ogolaaday ayaa u ogolaaday wax ka yar  kala bar oo ah 14.5 bilyan.

Dhaqaale xumidan ayeey sheegeen in garsoorayaasha oo ka kala imanaya goobo kala fog ku adkaysay inay isu yimaadaan si ay go'aan u gaaraan.

Kenya ayaa dhowr jeer oo hore Maxkamada ICJ ka labatay in dib loo dhigo dhageysiga dacwadda Badda sababo iyada u gaar ah awgood, balse hadda waxaa muuqata in Kenya mar kale wajaheyso caqabado kale oo ka heysta go'aan ka gaarista kiiskan oo muddeysan in dib loo furo bisha June ee sanadka 2020ka sida ay sheegtay maxkamadda.

Soomaaliya ayaa dhinaceea mar walba sheegtay in ay diyaar u tahay la guda-galo dhageysiga dacwadda waxaana ay sheegtay dib u dhigistan u arkayaan go'aankii ugu danbeeyay oo ay maxkamadu qaadato. 

C/raxmaan Diini, Hiiraan Online
[email protected] 

 
 

 










Click here
11/8/2019 8:55 AM EST
Jimco, November, 08, 2019 (HOL)-Dr. Workneh Gabeyehu oo horay u soo noqday Wasiirka Arrimaha Dibadda Itoobiya ayaa si rasmi ah ula xilka xilka xogyahaya guud ee Urur goboleedka IGAD

11/8/2019 6:15 AM EST
Jimco, November, 08, 2019 (HOL)-Dowladaha Soomaaliya iyo Talyaaniga ayaa Saacadihii lasoo dhaafay ku kala saxeexday Magaalada Muqdisho heshiis lagu fulinayo mashaariic kala duwan oo uu ku baxayo dhaqaale gaaraya 3 Milyan oo Euro.

11/8/2019 3:58 AM EST
Jimco, November, 08, 2019 (HOL)-Hay’adda Caafimaadka Adduunka ee WHO ayaa baraha Bulshada ku sheegtay in fatahaadihii dhowaan ka dhacay qeybo ka mid ah Dalka Soomaaliya ay ku dhinteen 25 Qof, halka 47 kalena ay ku dhaawacmeen, xilli ay Roobab culus ay ka da’ayaan meelo ka mid ah Dalka.

11/8/2019 3:53 AM EST
Jimco, November, 08, 2019 (HOL)-Ugu yaraan shan qof ayaa la soo sheegay inay ku dhinteen ,120 kalena waxa soo aarat ay dhaawacyo ka dib kolkii dhul gariir qiyaastiisu tahay 5.9- uu ku dhuftay waqooyi-galbeed ee dalka Iran, sida laga soo xigtay TV-ga dowladda.

11/8/2019 12:41 AM EST
Jimco, November, 08, 2019 (HOL)-Xaakim fadhiya Magaalada New York ee dalka Mareykanka ayaa ku amray Madaxweynaha Mareykanka, Donald Trump in uu bixiyo ganaax lacageed oo dhan 2 milyan oo doolar, maadaama uu si khaldan u isticmaalay lacag ay lahayd hey'ad gargaar oo uu isaga leeyahay.

11/8/2019 12:27 AM EST
Jimco, November, 08, 2019 (HOL)-Koox hubeysan ayaa xalay rasaas ku furay dad shacab ahaa oo ku sugnaa goob maqaaxi ah oo lagu shaaho degmada Kaxda ee gobolka Banaadir.