3/29/2024
Today from Hiiraan Online:  _
Wararka Maanta- Khamiis, Nov 7 , 2019
Guddiga Doorashada guddoomiyaha Baarlamaanka Puntland oo lagu dhawaaqay

 

Khamiis, November, 07, 2019 (HOL)- Baarlamaanka dowlad gobolleedka Puntland ayaa ku dhawaaqay goor dhaw guddiga qaban-qaabada doorashada guddoomiyaha cusub ee Baarlamaanka, kaddib markii subaxnimadii hore ee saakay cod gacan taag ah xilkii looga qaaday guddoomiyihii Golaha Cabdixakiin Maxamed Axmed Doobo-Daareed.

Gudoomiye ku xigeenka 1aad ee baarlamanka Puntland Abuukaate Cabdicasiis ayaa Magacaabey Guddi ka kooban 7 Xubnood, kuwaas oo lagu amray in  mudo kooban ay ku qabtaan doorashada Guddoomiyaha Baarlamaanka.

Guddiga ayaa waxaa guddoomiye u ah Xildhibaan Axmed Jaamac Cabdulle, waxaana mid ah Xildhibaan Jaamac Yaasiin Jaamac, Xildhibaan Fu'aad Abshir Axmed, Xildhibaan Axmed Xiriir Gaas, Xildhibaan Aadan Yuusuf Aadan, Xildhibaab Mahdi Saciid Xassan iyo Xildhibaan Cabdulalahi Yuusuf Muuse.

49 xildhibaan ayaa cod gacan taag ah ku ansixisay saakay xil ka qaadista guddoomiye Cabdixakiin Doobo oo lagu eedeeyay qoddobo dhowr, iyadoo xalay dagaal ka dhacay xarunta Golaha Wakiilada Puntland la sheegay in ay ku lug lahaayeen maleeshiyaad beeshiisa ah sida laga soo xigtay taliska Booliiska Puntland. 

C/raxmaan Diini, Hiiraan Online
[email protected]




 













Click here
11/7/2019 10:10 AM EST
Khamiis, November, 07, 2019 (HOL)-Maxkamada Ciidamada Puntland, ayaa saakay dil-toogasho ah ku fulisay 5 nin oo lagu eedeeyey inay ka tirsanaayeen ururadda Al-shabaab iyo Daacish.

11/7/2019 9:19 AM EST
Khaniis, November, 07, 2019 (HOL)- Guddoomiyihii Baarlamaanka dowlad gobolleedka Puntland Cabdixakiin Maxamed Axmed Dhoobo Daareed ayaa waxba kama jiraan ku tilmaamay xil ka qaadistii maanta ay ku sameeyeen Golaha Wakiilada Puntland

11/7/2019 7:40 AM EST
Khamiis, November, 07, 2019 (HOL)-Waxaa magaalada Godey ee Degaanka Soomaalida ka furmay Shirwaynihii 4aad ee Ururka ONLF, Shirwaynahan ayaa waxaa kasoo qayb galay dad aad u badan oo isugu jira Xubnaha Ururka, Taageerayaasha ONLF, xubno ka socday Ururada Mucaaradka ah ee Itoobiya.

11/7/2019 2:35 AM EST
Khamiis, November, 07, 2019 (HOL)-Xildhibaannada Baarlamaanka dowlad gobolleedka Puntland oo ayaa goor dhaw cod gacan taag ah xilkii uga qaaday guddoomiyihii Baarlamaanka Cabdixakiin Maxamed Axmed Doobo-Daarreed

11/7/2019 12:34 AM EST
Khamiis, November, 07, 2019 (HOL)-Ciidamada dowladda Soomaaliya ayaa howlgal ay xalay ka sameeyeen qeybo ka mid ah degmada Afgooye waxaa ay ku soo qab qabteen dad u badnaa dhalinyaro kaddib dilkii guddoomiye ku-xigeenkii Arrimaha Bulshada gobolka Shabeellaha Hoose

11/7/2019 12:21 AM EST
Khamiis, November, 07, 2019 (HOL)-Guddoomiye ku-xigeenka koowaad ee Baarlamaanka Puntland Abuukaate Cabdcasiis ayaa xaqiijiyay in uu qabtay mooshin ka dhan ah guddoomiyaha Baarlamaanka Cabdixakiin Maxamed Axmed [Dhoobo]

11/7/2019 12:09 AM EST
Khamiis, November, 07, 2019 (HOL)- Taliyaha ciidanka Booliiska dowlad gobolleedka Puntland Jen Muxudiin Axmed Muuse ayaa ku eedeeyay guddoomiyaha baarlamaanka Puntland in uu ka danbeeyay iska horimaadka ka dhacay xarunta golaha Wakiiladda.