11/17/2019
Today from Hiiraan Online:  _
Wararka Maanta- Khamiis, Nov 7 , 2019
Wararkii ugu danbeeyay iska horimaad xalay ka dhacay xarunta Baarlamaanka Dowlad gobolleedka Puntland


 

Khamiis, November, 07, 2019 (HOL)- Taliyaha ciidanka Booliiska dowlad gobolleedka Puntland Jen Muxudiin Axmed Muuse ayaa ku eedeeyay guddoomiyaha baarlamaanka Puntland in uu ka danbeeyay iska horimaadka ka dhacay xarunta golaha Wakiiladda.

Taliyaha ayaa sheegay in waxa meesha ka dagaalamay  ahaayeen sida uu hadalka u dhigay maleeshiyo beelleed ka amar qaata guddoomiyaha Baarlamaanka Puntland Cabdixakiin Maxamed Axmed [Dhoobo] waxaana uu intaa ku daray in dhowr jeer oo hore ay kala hadleen in uu maleeshiyada ka saaro xarunta

"Arintaa waxey aheyd mid lid ku ah nabad-galyada, dhowr jeer oo hore ayaa guddoomiyaha kala hadalnay in uu meesha ka saaro maleeshiyaadka beeshiisa ah ee xarunta Golaha Wakiilada ku sugnaa, intaa ayaa qorneyd in ay dhacdo, haddana waa la xaliyay wada hadal kaddib in halkaa maleeshiyada laga saaro'' ayuu yiri taliyaha Booliiska Puntland.\

Dagaalka xalay ka dhacay Xarunta Baarlamaanka Puntland ee Magaalada Garoowe ayaa imamaya xilli maalmahan  uu jiray  warar sheegaya in uu jiro mooshin ka dhan ah guddoomiyaha Baarlamaanka Puntland oo ay wadaan qaar ka mid ah xubnaha Golaha Wakiiladda.

C/raxmaan Diini, Hiiraan Online
[email protected]










Click here
11/7/2019 10:10 AM EST
Khamiis, November, 07, 2019 (HOL)-Maxkamada Ciidamada Puntland, ayaa saakay dil-toogasho ah ku fulisay 5 nin oo lagu eedeeyey inay ka tirsanaayeen ururadda Al-shabaab iyo Daacish.

11/7/2019 9:19 AM EST
Khaniis, November, 07, 2019 (HOL)- Guddoomiyihii Baarlamaanka dowlad gobolleedka Puntland Cabdixakiin Maxamed Axmed Dhoobo Daareed ayaa waxba kama jiraan ku tilmaamay xil ka qaadistii maanta ay ku sameeyeen Golaha Wakiilada Puntland

11/7/2019 7:40 AM EST
Khamiis, November, 07, 2019 (HOL)-Waxaa magaalada Godey ee Degaanka Soomaalida ka furmay Shirwaynihii 4aad ee Ururka ONLF, Shirwaynahan ayaa waxaa kasoo qayb galay dad aad u badan oo isugu jira Xubnaha Ururka, Taageerayaasha ONLF, xubno ka socday Ururada Mucaaradka ah ee Itoobiya.

11/7/2019 5:44 AM EST
Khamiis, November, 07, 2019 (HOL)- Baarlamaanka dowlad gobolleedka Puntland ayaa ku dhawaaqay goor dhaw guddiga qaban-qaabada doorashada guddoomiyaha cusub ee Baarlamaanka, kaddib markii subaxnimadii hore ee saakay cod gacan taag ah xilkii looga qaaday guddoomiyihii Golaha Cabdixakiin Maxamed Axmed Doobo-Daareed

11/7/2019 2:35 AM EST
Khamiis, November, 07, 2019 (HOL)-Xildhibaannada Baarlamaanka dowlad gobolleedka Puntland oo ayaa goor dhaw cod gacan taag ah xilkii uga qaaday guddoomiyihii Baarlamaanka Cabdixakiin Maxamed Axmed Doobo-Daarreed

11/7/2019 12:34 AM EST
Khamiis, November, 07, 2019 (HOL)-Ciidamada dowladda Soomaaliya ayaa howlgal ay xalay ka sameeyeen qeybo ka mid ah degmada Afgooye waxaa ay ku soo qab qabteen dad u badnaa dhalinyaro kaddib dilkii guddoomiye ku-xigeenkii Arrimaha Bulshada gobolka Shabeellaha Hoose

11/7/2019 12:21 AM EST
Khamiis, November, 07, 2019 (HOL)-Guddoomiye ku-xigeenka koowaad ee Baarlamaanka Puntland Abuukaate Cabdcasiis ayaa xaqiijiyay in uu qabtay mooshin ka dhan ah guddoomiyaha Baarlamaanka Cabdixakiin Maxamed Axmed [Dhoobo]