11/17/2019
Today from Hiiraan Online:  _
Wararka Maanta- Talaado, Nov 5 , 2019
Qof ku dhintay shil gaar ah oo ka dhacay magaalada Boosaaso


 

Talaado, November, 05, 2019 (HOL)- Hal Qof ayaa lagu waramayaa in uu ku dhintay shil gaari oo ka dhacay dulleedka magaalada Boosaaso sida ay sheegeen saraakiisha Booliiska dowlad gobolleedka Puntland.

Taliyaha Qeybta Booliska gobolka Bari Gaashaanle Sare Xuseen Cali Maxamuud oo tagay goobta uu shilka ka dhacay ayaaa sheegay in gaarigu uu ku dhacay god weyn oo ay dumiyeen Roobabkii ugu danbeeyay ee ka da’ay deegaanka.

Taliyaha ayaa intaa ku daray in arintan ay sababtay in ay gabi ahaan joojiyaan isku socodkii gaadiidka magaalooyinka Boosaaso iyo Gaalkacyo ilaa laga maareynayo ama dib u habeyn looga sameynayo wadadda oo ay saameyn ku yeesheen Roobabka da’aya.

Dowlad gobolleedka Puntland ayaa ka mid ah halka ay ka dhacaan shilalka ugu badan ee gaadiidka marka laga soot ago deegaannada Somaliland.

C/raxmaan Diini, Hiiraan Online
[email protected]
  

 

 










Click here
11/5/2019 9:57 AM EST
Talaado, November 05, 2019 (HOL)–Madaxweyne Muuse Biixi ayaa taliyaha ciidanka Booliska u magacaabay.Sareeye Guuto, Maxamed Aadan Saqadhi Dabagalle, halka taliye ku xigeenka u magacaabay Sareeye Guuto, Cabdi Xasan Mire Faarax.

11/5/2019 8:44 AM EST
Talaado, November, 05, 2019 (HOL)-Waxgaradka iyo odayaasha deegaanka Ceelafweyn ee gobolka Sanaag ayaa si iskood ah uga heshiiyey dagaaladii soo noqnoqday ee beelaha wada dega ku dhexmaray, taas oo maanta la soo afjaray.

11/5/2019 6:27 AM EST
Talaado, November, 05 2019 (HOL)-Sagaal eedeysan oo ay ka mid tahay qof dumar ahaa loo xukumay ka mid ahaashaha Ururka Al-shabaab ee dagaalka kula jira dowladda Soomaaliya.

11/5/2019 6:14 AM EST
Talaado, November, 05, 2019 (HOL)-Wasiirkii hore ee arimaha guddaha Somaliland Dr Maxamed Cabdi (Gaboose) ayaa si adag u dhaliilay sida uu dalka u maamulayo madaxweyne Biixi, waxaanu sheegay in hadii aan wax laga qaban dalku halis u jiro inuu sii kala fogaado.

11/5/2019 3:44 AM EST
Talaado, November, 05, 2019 (HOL)-Wasiirka Wasaaradda Warfaafinta Xukuumadda Soomaaliya Maxamed Cabdi Xayir Maareeye ayaa ku tilmaamay arin fowdo ah hab dhaqanka dowlad gobolleedyada qaarkood oo sida uu hadalka u dhigay qalad ka fahmay habka nidaamka Federaalka.

11/5/2019 2:41 AM EST
Talaado, November, 05, 2019 (HOL)- Saacadihii la soo dhaafay magaalada Beledweyne iyo daafaheeda waxaa ka da'ay roobab xiriir ah, kaasoo hakad ku keenay duulimaadyadii u badnaa gargaarka ee ka degayay Garoonka diyaaradaha Ugaas Khaliif.

11/5/2019 12:07 AM EST
Talaado, November, 05, 2019 (HOL)- Qarramada Midoobey ayaa ku biirtay dadaallada caalamiga ah lagu gargaarayo dadka ay fatahaadu ku dhufatay ee Soomaaliya gaar ahaan magaalada Beledweyne ee dowlad gobolleedka Hirshabeelle.