3/28/2024
Today from Hiiraan Online:  _
Wararka Maanta- Axad, Nov 3 , 2019
Wasiir Sabriye'' Waxa hadda ka dhacaya Galmudug ma'aha wax qurux badan waa dib u noqosho

 

Axad, November, 03, 2019 (HOL)-Wasiirka Wasaaradda Arimaha Gudaha Dowladda Federaalka Soomaaliya Cabdi Maxamed Sabriye oo ku sugan gobolka Galguduud ayaa sheegay in dhaqdhaaqyada uu arkayo waxa ka socda Galmudug aysan wax qurux badan.

Ahlu Sunna Waljameeca ayuu ku eedeeyay wasiirku in ay caqabad ku yihiin sida uu hadalka u dhigay dhismaha Galmudug heshiis lagu hayay oo ay u dhan yihiin deegaannada ku dhax nool oo idil, isaga oo intaa raaciyay in wax yaabo aan u qalmin halgankoodii dheeraad doonayaan in ay u burburiyaan masiirka umadda ku dhaqan Galmudug.

''Waxan aan arkayo ma'aha wax ka tarjumaya heshiiskii lagu dhisay Ahlu Sunna Waljameeca iyo dhabihii dheeraa ee la soo maray, waxaan leeyahay ragga culimada ah war ha is karaamo tirina dowladda Soomaaliya diyaar ayeey idiin tahay hanagu qasbina in xudduuda leys kala baxo, dowladda Soomaaliya in badan ayeey idiin dabcisay ka daaya in aad jiidaan ilaa uu Go' Katiinka noo dhaxeeya'' ayuu yiri Wasiirka oo la hadlayay mas'uuliyiinta iyo Waxgaradka gobolka Galguduud.

Wasiir Sabriye ayaa intaa ku daray wali diyaar u yihiin dhankooda in ay la hadlaan lana fariistaan mas'uuliyiinta Ahlu Sunna si xal looga gaaro tabashadooda. 

Hadalka Wasiirka ayaa imanaya xili xiisado colaadeed ay ka taaggan yihiin qeybo ka mid ah gobolka oo u dhaxeeya ciidamada dowladda Soomaaliya iyo kuwa Ahlu Sunna Waljameeca, kaddib markii labada dhinac ay isku fahmi waayeen dhismaha maamulka Galmudug oo qolo walba ay soo magacaawday guddi u gaar ah oo ka shaqeynaya soo xulista xildhibaannada Galmudug cusub. 

C/raxmaan Diini, Hiiraan Online
[email protected] 

 













Click here
11/3/2019 9:33 AM EST
Axad, November, 03, 2019 (HOL)-Ururka Suxufiyiinta Somaliland ee SOLJA iyo daneeyayaasha saxaafadda Somaliland ayaa iskugu yimid xuska maalinta caalamiga ah ee cidhibtirka gefafka ka dhanka ah warbaahinta oo loo Asteeyay bisha November 02-deeda, kaasi oo socday muddo laba cisho waxaanay ka soo saareen baaq ku wajahan sidii kor loogu qaadi lahaa horumarinta warbaahinta iyo dar-dargelinta ilaalinta xoriyadda warbaahinta.

11/3/2019 8:56 AM EST
Axad, November, 03, 2019 (HOL)-Madaxweynaha dowaladda Soomaaliya ayaa kulan la qaatay wafdi uu horkacayay madaxweyne ku-xigeenka Bankiga Aduunka Hafez Ghanem.

11/3/2019 7:27 AM EST
Jaaliyadda Soomaaliyeed ee gobolka Minnesota ayaa xalay isagu yimi kulan ay dhaqaalo ugu uririnayeen walaalahooda gobolka Hiiraan qaasatan magaaladda Baladwayne , Boqolaal dadwayne ah siyaasiin iyo ganacsato ayaa soo buux dhaafiyey xarunta shirarka ee jigjiga Mall,

11/3/2019 6:12 AM EST
Axad, November, 03, 2019 (HOL)-Magaalada Doxa ee dalka Qatar ayaa waxaa lagu wadaa in uu Maanta Shir uga furmo Wasiirada Arrimaha Dibadda ee dalalka ku jira Ururka Iskaashiga Islaamka ee loo soo gaabiyo OIC.

11/3/2019 5:59 AM EST
Axad, October, 03, 2019 (HOL)-Cabdikariim Maxamed Maxamuud Xuseen (Siiseey), CabdiQani Cali Maxamuud Cali (Buneyste) Cali Muxudiin Abshir (Cali Kuulow) ayaa loo heystaa ka mid ahaanshiyaha Alshabaab iyo in ay si gaar u qaabilsanaayeen aasidda miinooyinka lagu qarxiyo gawaarida gaar ahaan deegnnada bariga ku teedsan ee Caasimadda.

11/3/2019 2:21 AM EST
Axad, November, 03,2019 (HOL)-Wararka naga soo gaaraya degmada Dhuusa-Mareeb ee xarunta u ah dowlad gobolleedka Galmudug ayaa sheegaya in ciidamada dowladda la wareegay xarumo muhiim ah oo ay degenaayeen saraakiisha iyo xoogagga Ahlu Sunna Waljameeca

11/3/2019 1:59 AM EST
Axad, October, 03, 2019 (HOL)- Wareegto ka soo baxday xafiiska Wasiirka Wasaaradda Warfaafinta Xukuumadda Soomaaliya Maxamed Cabdi Xayir Maareeye ayaa xilalkii looga qaaday Agaasime Waaxeedyadii Warbaahinta dowladda.

11/3/2019 1:29 AM EST
Axad, November, 03, 2019 (HOL)-Gobolka Galguduud saacadihii ugu danbeeyayba waxaa ka taagnaa xiisado colaadeed oo u dhaxeeya ciidamada dowladda Soomaaliya iyo xoogagga Ahlu Sunna Waljameeca oo maamula inta badan deegaannada uu gobolku ka kooban yahay.

11/3/2019 1:18 AM EST
Axad, November, 03, 2019 (HOL)-Madaxweynaha dowlad Soomaaliya Maxamed Cabdullaahi Farmaajo oo maalintii shalay gaaray magaalada Beledweyne ayaa sheegay in fatahaadda Beledweyne marar badan iska soo daba-laabatay, sidaa daraadeed loo baahan yahay in lala yimaado qorshe looga gaashaamanayo.