3/19/2024
Today from Hiiraan Online:  _
Wararka Maanta- Khamiis, Nov 14, 2019
Shirkadda Xawaallada Amaana oo bilaawday bixinta deeq lacageed oo la gaarsiinayo dadka ay fatahaadu saameysay


Khamiis, November, 14, 2019 (HOL)-Magaalada Beledweyne waxaa soconaya wali gurmadka kala duwan ee loo fidinayo dadka ay saameynta adag ku yeelatay Fatahaadii dhawaan ku dhufatay guud ahaan magaalada kuwaa oo wali aan dib u soo guryo noqon.

Hadaba shirkadda Xawaallada Amaana ayaa bilaawday bixinta deeq lacageed oo loogu tala-galay in ay gaarto 3000 ruux oo isugu jira kuwii ka barakacay magaalada iyo qoysaskii ku go'doomay xaafaddaha ee aan helin wali gargaarkii ay u baahnaayeen.

Madaxa Shirkadda Xawaallada Amaana ee gobolka Hiiraan Xassan Ibraahim Xalane ayaa u sheegay HOL in maalintii labaad ay wadaan bixinta lacagtan oo qofkiiba la siinayo $ 50 dollar.

Waxaa uu intaa ku daray in qeyb ka mid ah lacagtan ay ka soo gaartay Shaqiyaad ku dhaqan dalka Australia gaar ahaan magaalooyinka Sydney  iyo nagaalada galbeedka ku taala ee Perth taasoo hadda qeyb ka ah dhaqaalaha ama gurmadka shirkadda Amaana ay gaarsiineyso dadka tabaaleysan ee u baahan in la gaargaaro.

''Meelaha hadda aynu gaarnay waxaa ka mid ah deegaanka Ceeljaale oo ay ku barakaceen dadka ugu badan ee ka baxay xaafaddaha magalada iyo Xaafadda Kooshin oo aan u dooranay in ay ku nool yihiin dad iyagu awoodi waayay in ay biyaha ka baxaan kuna dhax go'doomay, sidoo kale waxaa uu qorshuhu yahay in aynu gaarno dadka ka baxay deegaannada hareeraha Wabiga ee u barakacay Tuulooyinka fogfog'' ayuu yiri Xassan Ibraahim Xalane.

Marka laga soo tago dhimashada ka dhalatay Fatahaada saaameynta  kale ee ugu daran oo ay hadda qoysasku wajahayaan ayaa ah burbur ku dhacay guryihiin ay ku noolaayeen oo qaarkood ay la tageen biyaha, waxaana jira qoysas badan oo ay ku adag tahay waqtiga dib u dhiska guryihii ay Fatahaadu ka dumisay kuwaa oo laga yaabo in ay waqti badan ku qaadato in ay dib u soo guryo noqdaan. 

C/raxmaan Diini, Hiiraan Online
[email protected]
 

 

 













Click here
11/14/2019 10:00 AM EST
Khamiis, November, 14, 2019 (HOL)-Madaxweyneyaasha Soomaaliya iyo Kenya Maxamed Cabdullaahi Farmaajo iyo Uhuru Kenyatta ayaa wada hadallo ay Nairobi ku yeesheen goor dhow ku gaaray heshiis diblumaasiyadeed oo lagu soo celinayo cilaaqaadkii labada dowladood.

11/14/2019 9:32 AM EST
Khamiis, November, 14, 2019 (HOL)-Gudoomiyaha xisbiga mucaaradka ah ee UCID, Eng;Faysal Cali Waraabe ayaa sheegay in labadii sanadood ee madaxweyne Biixi xilka hayey wax dalka ka dhaca mooyee aanay jirin wax usoo kordhiye,waxaanu xusay in loo baahan yahay wadatashi qaran sidii qaranka looga badbaadin lahaa madaxweynaha.

11/14/2019 8:25 AM EST
Khamiis, November, 14, 2019 (HOL)-Ra’iisal Wasaare ku-xigeenka, ahna ku-simaha Ra’iisul Wasaaraha xukuumadda federaalka Soomaaliya mudane Mahdi Maxamed Guuleed (Khadar), ayaa maanta guddoomiyay shirka todobaadlaha ah ee golaha wasiirrada.

11/14/2019 3:39 AM EST
Khamiis, November, 14, 2019 (HOL)-Xildhibaannada Baarlamaanka dowlad gobolleedka Puntland ayaa guddoomiye cusub u doortay Abwaan Cabdirashiid Yuusuf Jabriil isaga oo ka guuleystay labo musharax kale oo xilkan kula tartamay.

11/14/2019 3:30 AM EST
Khamiis, November, 14, 2019 (HOL)-Maxkamadda Darajada 1aad ee Ciidamada Qalabka sida ayaa xukun dil ah ku ridday xubno ka tirsan Al-Shabaab, kuwaasoo kala ah Shuceyb Cabdullaahi Maxamed iyo Saadaq Cabdijabaar Xuseen.

11/14/2019 12:13 AM EST
Khamiis, November, 14, 2019, (HOL)-Wararka naga soo gaaraya degmada Marka ee xarunta gobolka Shabeellaha Hoose ayaa sheegaya xalay lagu dilay Nin dhalinyaro ah oo lagu magacaabi jiray Usaama Xusseen Muuse.

11/14/2019 12:11 AM EST
Khamiis, November, 14, 2019 (HOL)- Wasiirka Wasaaradda Maaliyada Xukuumadda Soomaaliya Cabdiraxmaan Ducaale Beyle ayaa magaalada Garoowe uga qeybgalaya shir looga hadlayo arrimaha maaliyada dalka oo maalmihii ugu danbeeyayba xubno ka tirsan Aqalka sare uga socda Garoowe.

11/14/2019 12:09 AM EST
Khamiis, November, 14, 2019, (HOL)- Maanta Khamiis ah ayaa lagu wadaa in magaalada Garoowe lagu qabto doorashada guddoomiyaha Golaha Wakiilada oo ay ku tartamayaan ilaa saddex musharax oo isku soo taagay qabashada xilkan.

11/14/2019 12:05 AM EST
Khamiis, November, 14, 2019 (HOL) – Guddoomiyaha baarlamaanka Soomaaliya Maxamed Mursal Sheekh Cabdiraxmaan oo ku sugan magaalada Jigjiga ee Ismaamulka Soomaalida ayaa sheegay in doorashada soo socta ee Soomaaliya ku dhici doonto waqtigii loogu talagalay, isaga oo meesha ka saaray dib u dhac ama muddo korarsi.