Arbaco, November, 13, 2019 (HOL)-Koox hubeysan ayaa xalay toogasho ku dishay guddoomiyihii deegaanka Cadeyga iyo ku-xigeenkiisa degmada Balcad ee gobolka Shabeellaha dhexe
Cabdulle Xasan Xaaji oo ahaa guddoomiyihii deegaanka Cadeyga oo hoostaga degmada Balcad iyo ku xigeenkiisii Cilmi Qooje Xasan ayaa la sheegay in la dilay kaddib kaddib markii ay kaxeysteen koox hubeysan.
Dadka deegaanka qaarkood ayaa waxaa ay sheegeen in ilaa iyo hadda aan
la ogeyn dadka ka dambeeyey dilka loo geystay Guddoomiyihii Tuulada Cadayga iyo kuxigeenkiisii,isla markaana ay aad uga naxeen.
Xoogagga Al-shabaab ayaa saameyn xoog leh ku leh marka la eego deegaannada hoostaga degmada Balcad ee gobolka Shabeellaha dhexe, mana jirto ilaa iyo hadda cid sheegatay dilka labada mas'uul.
Horay qeybo ka mid ah gobolka Shabeellaha Dhexe waxaa siyaabo kala duwan loogu dilay mas'uuliyiin iyo saraakiil ka tirsan maamulka Hirshabeelle waxaana qaar ka mid ah mas'uuliyada dilalkaa sheegtay Ururka Al-shabaab.
C/raxmaan Diini, Hiiraan Online
[email protected]