Lix xubnood oo ka mid ah guddida doorashooyinka oo la ansixiyey iyo labada xisbi mucaarad oo qaadacay
Talaado, November 12, 2019 (HOL )– Golaha Wakiilada Somaliland ayaa maanta ansixiyey lix xubnood oo ka mid ah gudida cusub ee doorashooyinka Somalililand, waxaana ka maqnaa xubintii xisbiga mucaaradka ah ee WADDANI.
Lixdan xubnood oo taariikhdoodda
aqooneed laga akhriyey golaha ayaa si caqlabiyad ah mid waliba ugu ansixiyey
inuu noqdo guddida doorashooyinka.
Lixdan xubnood laba ka mid ah oo
uu madaxweyne Biixi soo xulay ayaa muran badan dhaliyey, taas oo keentay inay xisbiga
WADDANI xubintoodii dib ula noqdeen ilaa meesha laga saaro labada xubnood,
haseyeeshee labadii xubnood ee laga cabanayey waxay si rasmiya uga mid noqdeen
guddida doorashooyinka.
Labadan xubnood ayaa kala ahaa
Cabdirashiid Riyo raac oo lagu soo eedeeyey inuu ka mid ahaa xisbiga KULMIYE,
halka Kaltuun Xasan Cabdi oo ku jirtay guddidi hore ee la bedelay, taas oo lagu
haystay in aan dib loo soo celin xubin guddidii hore ku jirtay.
Xubnahna cusub ee guddida
doorashooyinka ayaa sheegay inay si dhex ah u shaqayn doonaan,isla markaana
dhaarta ilaahay qaban doonto hadii ay ka been sheegaan dhaarta iyo kiraabta
illaahay.
Dhinaca kale, labada xisbi
mucaarad ayaa sheegay in aanay marna ogolayn gudidaasi cusub ee ay ku jiraan
labada xubnood ee laga cabanayey, waxaanay soo jeediyeen in talloqaran la
iskugu iman doonno.
“Waxa ay labada xisbi qaaadaceen
wada shaqaynta xubnaha lagu sheegay komishanka ee lagu keenay sifadda juujubka
ah kaas oo loo maray dariiq sharcig baalmarsan.
Waxa ay labada xisbi ku baaqayaan
shir wada tashi ah oo lagaga arinsanayo xaalada uu dalkuu marayo oo masiirkiisu
ummadu uu gabi ka laadaado.”ayuu lagu yidhi qoraal ka soo baxay labada xisbi ee
mucaaradka ah.
Barkhad-ladiif M. Cumar, Hiiraan Online
[email protected]
Hargeysa, Somaliland.
