3/19/2024
Today from Hiiraan Online:  _
Wararka Maanta- Talaado, Nov 12, 2019
Jabhad cusub oo looga dhawaaqay Galbeed Somaliland

 


Talaado, November, 12, 2019 (HOL)-Iyadoo Saddexdii bilood ee ugu danbeysay Jabhad la baxday Cawaale ku jireen Bariga magaalada Boorama ayaa markii ugu horeysay waxaa warbaahinta la hadlay hoggaanka Jabhdan oo fariin u diray xukuumadda Somaliland.

Hoggaanka Jabhada ayaa sheegay in ay dagaalami doonaan iyaga oo ugu baaqay Shacabka ku dhaqan gobolka Awdal in ay digniintaa ka soo baxday dhayalsan, dhinaca kalana ugu baaqayaan dhamaan wixii Ajnabi ah ee ku sugan gobolka in ay si deg deg ah uga baxaan.

Sarkaal u hadlay Jabhada ayaa sheegay in ay jirto saan-saan colaadeed islamarkaana ugu baaqayaan xukuumadda Somaliland in ay u diyaar-garoowdo dagaal.

''Annaga oo ah jabhada xoreynta Cawaale ee gobollada Awdal iyo Salal waxaan rabnaa in aan ka hadalno qiyaannada iyo beenta nala-gula dhaqmay,  waxaa heshiis lagu ahaa in wax la wadda leeyahay oo dowlad Somaliland la yiraah la wada dhiso, dowladdii aan wada laheyn markii la dhisay waxey noqotay dowlad qabiil kaliya ama reer kaliya leeyahay, waxaan wada yeelano iskaba daa'e wixii aan Annaga xaq u laheyn ayaan kala baxsan weynay,  sidaa daraadeed wadanka waa la kala leeyahay gobollada-yadana Annaga ayaa leh annaga ayaana ka talineyna '' ayuu yiri mid ka mid ah hoggaanka Jabhada cusub.

Madaxweynaha Somaliland Muuse Biixi Cabdi ayeey ku eedeeyeen in uusan aheyn madaxweyne guud laakiin ay u arkaan in uu yahay madaxweyne reer kaliya ah waa sida ay hadalka u dhiggeen.

''Qofka waxaa la rabaa in uu waaya-aragnimadii hore iyo wixii la soo maray wax uu ku qaato, laakiin sidaa ma'aha ee waa nin qol ku jira oo aan siyaasad furfuran laheyn oo Albaabka hoosta ka xirtay oo reer kaliya maamul'' ayuu yiri mid ka mid ah saraakiisha Jabhadan oo ka hadlayay hab maamulka Muuse Biixi.

Ilaa iyo hadda ma jiro dhinaca kale wax war ah oo ka soo baxay dhinaca xukuumadda Somaliland oo la xiriira hadalkan ka soo yeeray hoggaanka cusub ee Jabhada Cawaale. 

 C/raxmaan Diini, Hiiraan Online
[email protected]

 

 













Click here
11/12/2019 3:09 PM EST
Talaado, November, 12, 2019 (HOL)-Gaadhi waday alaabo Kootarabaan ah ayaa caawa Ciidanka amniga ee Jigjiga ay rasaas ku fureen, gaadhigan ayaa marayay agagaarka Jigjiga International Hotel.

11/12/2019 2:56 PM EST
Talaado, November, 12, 2019 (HOL)-Dowladda Soomaaliya iyo mashruuca horumarinta ee Qaramada Midoobay (UNDP) ayaa maanta billaabay mashruuca la qabsiga cimilada oo gacan ka geysanaya in bulshada miyiga ku nool ay helaan biya ku filan

11/12/2019 1:21 PM EST
Talaado, November, 12, 2019 (HOL)-Guddiga doorashada guddoomiyaha barlamaanka maamul goboleedka Puntland, ayaa maalinta berrito ah soo gabagabayn doona diiwaan galinta murashixiinta u taagan xilka guddoomiyaha barlamaanka.

11/12/2019 9:33 AM EST
Talaado, November, 12, 2019 (HOL)-War Qoraal ah oo ka soo baxay Wasaaradda Warfaafinta Xukuumadda Soomaaliya ayaa shaqda looga joojiyay labo hay'ad Warbaahinteed oo dalka ka howlgali jiray

11/12/2019 9:20 AM EST
Talaado, November 12, 2019 (HOL )– Golaha Wakiilada Somaliland ayaa maanta ansixiyey lix xubnood oo ka mid ah gudida cusub ee doorashooyinka Somalililand, waxaana ka maqnaa xubintii xisbiga mucaaradka ah ee WADDANI.

11/12/2019 7:09 AM EST
Talaado, November, 12, 2019 (HOL)-Madaxweynaha Soomaaliya Maxamed Cabdullaahi Farmaajo oo khudbad ka jeediyey Shirka Caalamiga ah ee Horumarka iyo Dadweynaha oo ka furmay magaalada Nayroobi ayaa sheegay in Dowladda Soomaaliya ay dadaal muuqda gelisay awoodsiinta dhallinyarada iyo in ay kaalin hoggaamineed ka qaataan dalka.

11/12/2019 5:55 AM EST
Talaado, November, 12, 2019 (HOL)-Wasiirka Arrimaha Dibadda iyo Iskaashiga Caalamiga Axmed Ciise Cawad, ayaa ku qaabilay Xafiiskiisa Wakiilka Xoghayaha Guud ee Qaramada Midoobey u qaabilsan Arrimaha Soomaaliya (SRSG) ahna Madaxa Howlgalka Kaalmaynta Qaramada Midoobay ee Soomaaliya UNSOM James Swan.

11/12/2019 4:48 AM EST
Talaado, November, 12, 2019 (HOL)-Warbixin ay soo saareen kooxda Khubarrada Qarramada Midoobey u qaabilsan Arrimaha Soomaaliya ayaa lagu sheegay in lacago laaluush ah leysku weydaarsaday doorashadii December sanadki hore ee 2018 ka dhacday maamulka Koonfur Galbeed Soomaaliya.

11/12/2019 12:35 AM EST
Talaado, November, 12, 2019 (HOL)-Madaxweynaha dalka Turkiga Recep Tayyip Erdogan ayaa Talaadada booqasho labo maalmood ah ka billaabi doona Waddanka Mareykanka kadib markii uu casuumaad rasmi ah ka helay dhiggiisa waddankaas Donald Trump, sida ay shaacisay wakaaladda wararka ee Anadolu.

11/12/2019 12:17 AM EST
Talaado, November, 12, 2019 (HOL) Guddoomiyaha Maxkamada Sare ee dalka Soomaaliya Baashe Yuusuf Axmed ayaa sheegay in maalmaha soo socda bilaabi doonaan sida uu hadalka u dhigey dhageysiga dacwad ka dhan ah hay’adda Socdaalka iyo Duulista Hawadda uu soo gudbiyay Xisbiga Himilo Qaran.

11/12/2019 12:07 AM EST
Talaado, November, 12, 2019 (HOL) – Magaalada Nairobi ee dalka Kenya waxaa maanta ka furmaya shir labo cisho soconaya oo ay soo qaban-qaabiyay Sanduuqa Qaramada Midoobey ee Horumarinta dadka (UNFPA), waxaana lagu wadaa in kulanka looga arinsado qorsheyaasha loo dhan yahay ee dhinacyada horumarka iyo halbeegga sanadlaha ah ee heer qaaradeed iyo heer caalami ee hiigsiyada xasilloonida iyo horumarka.