3/19/2024
Today from Hiiraan Online:  _
Wararka Maanta- Axad, Nov 10, 2019
Ra'iisal Wasaare Kheyre oo ku baaqay in la gargaaro bulshada ku dhaqan degmada Bardaale

 

Axad, November, 10, 2019 (HOL)-Ra’iisal Wasaaraha Xukuumadda Soomaaliya Xasan Cali Kheyre oo maalintii shalay booqasho ku tagay degmada Bardaale ee gobolka Baay ay jiraan dhibaatooyin kala duwan oo heysto dadka ku dhaqan degmada.

Ra'iisal Wasaaraha ayaa sheegay in Dowladda Federaalka, Maamulka Koonfur Galbeed  iyo Shacabka deegaannada Maamulkaas ay bixiyeen juhdi farabadan ,isla markaana ay kaalintooda ka qaateen caawinta dadka ka barakacay daadadka  ka dhashay roobkii ka da’ay gobolka Baay.

Balse dhinaca waxaa uu hay'addaha samafalka ugu baaqay in ay la yimadaan kaalintooda ku aadan sidii loo gargaari lahaa dadka ku dhaqan degmada Bardaale oo ay wax-yeelladu ka soo gaartay daadad ka dhashay roobab lixaad leh oo deegaanka ka da'ay.

Safarka Ra'iisal Wasaaraha ayaa noqonaya kii ugu horeeyay oo uu ugu kuurgalayo xaalada deegaannada ay ku dhufteen Fatahaadaha, waxaana jira warar soo baxaya oo sheegaya in Ra'iisal Wasaaruhu qorsheynayo booqasho uu ku imanaya magaalada Beledweyne.

C/raxmaan Diini, Hiiraan Online
[email protected] 

 

 













Click here
11/10/2019 11:23 AM EST
Axad, November 10, 2019 (HOL) – Hogaamiyaha xisbiga mucaaradka ah ee WADDANI Xirsi Cali Xaaji Xasan ayaa sheegay inuu dalkii wada qabsadeen Militeri,isla markaana ka codsaday inay dadka u dhibirsanaadaan oo aanay ku qaban gacan adag.

11/10/2019 11:20 AM EST
Axad, November 10, 2019 (HOL )– Taliyaha cusub ee Ciidanka Booliska Sareeyo Guuto Dabagalle ayaa maanta si rasmiya ula wareeegay xilkii, isla markaana ka sheekeeyey waxyaaluhu qaban doonno.

11/10/2019 8:47 AM EST
Axad, November, 10, 2019 (HOL)- Madaxweynaha dowlad gobolleedka Hirshabeelle Maxamed Cabdi Waare ayaa sheegay in ay la xisaabtamayaan sida uu hadalka u dhigay shirkadda Diyaaraddii qaaday Wafdigii ay hogaaminayeen madaxweynayaashii hore Soomaaliya oo maata gaaray magaalada Beledweyne.

11/10/2019 8:30 AM EST
Axad, November, 10, 2019 (HOL)-Wafdigi madasha Xisbiyada Qaran ee maanta gaaray magaalada Beledweyne ayaa hoygiisa ku booqday Ugaas Xassan Ugaas Khaliif.

11/10/2019 5:20 AM EST
Axad, November, 10, 2019 (HOL)-Waxaa Garoon dhaw Garoonka diyaaradaha Ugaas Khaliif ee magaalada Beledweyne ka soo digtay diyaarad ay la socdeen wafdi ay horkacayaan madaxwenayaashii hore ee Soomaaliya Xassan Sheekh Maxamuud iyo Shariif Sheekh Axmed oo ku mideysan madasha Xisbiyada Qaran.

11/10/2019 4:09 AM EST
Axad, November, 10, 2019 (HOL)-Wararka naga soo gaaraya degmada Buula-burte ee gobolka Hiiraan ayaa sheegaya in Wabiga Shabeelle uu ku fatahay qeybo ka mid ah degmada.

11/10/2019 2:34 AM EST
Axad, November, 10, 2019 (HOL)- Waxaa dib u dhac ku yimid safar uu maanta oo Axad ah magaalada Beledweyne ku iman lahaa Ra'iisal Wasaare Xassan Cali Kheyre

11/10/2019 12:12 AM EST
Axad, November, 10, 2019 (HOL)- Wareegto ka soo baxday Wasiir ku-xigeenka Wasaaradda Gaadiidka Cirka iyo Dhulka dowlad gobolleedka Hirshabeelle Maxamed Cali Xusseen GeelSuge ayaa lagu magacaabay Maareeye cusub oo uu yeelanayo Garoonka diyaaradaha Ugaas Khaliif ee magaalada Beledweyne.