3/29/2024
Today from Hiiraan Online:  _
Wararka Maanta- Isniin, May 20, 2019
Madaxweyne Deni oo sheegay wada-hadallo ganacsiga iyo horumarinta la xiriira inay la yeelan doonaan Itoobiya iyo Shiinaha

Isniin, May, 20, 2019 (HOL) -  Madaxweynaha Puntland, Siciid Cabdullaahi Deni oo ka duulaya horumarinta iyo kobcinta dhaqaalaha Puntland ayaa u jiheeyey Puntland dhabihii horumarka, Waxaana uu Madaxweynuhu golihiisa fullinta ku amray dardargelinta mashaariicaha horumarineed ee ka socda dalka.

"Waxaa maanta gaaray magaalada Addis Ababa wefti wasiiro ah Wasiirka Ganacsiga iyo Wasiir ku-xigeenaka Maaliyadda oo ka soo hadlaya sidii Dowladda Itoobiya iyo Puntland ay uga wadashaqayn lahaayeen Kastamka Tuurdibi, Wasiirka Maaliyaddana dhowr beri ka bacdi ayuu u gudbayaa halkaas si ay dhinaceena heshiisku uga hirgalo mudo ayaan sugaynay waxaan goosanay wada-hadalkiina inaan wadno shaqadiina aan bilowno.

Sidoo kale Madaxweyne Deni ayaa ka warbixiyey Safar shaqo oo uu dhowaan ku tegi doono dalka Shiinaha .

“Safarkeena Shiinaha aan ku tagayno hadduu hirgalo waxyaabaha ugu waaweyn ee aan ka hadlidoono waa mashaariic horumarineed oo qaybta ugu weyn ay Mudug ka leedahay oo ah garoonka diyaaradaha iyo mashriic kale..Mashaariicdan waaweyn ee hada socda iyo kuwa imaan doona intaba Insha Alla dedaalka dad weynaha iyo Dowladda oo is kaashaday ayey ku hirgaleen inta qabsoontay inta dhimana intaas ayeey ku hirgeli donaan hadii Alle yiraahdo." ayuu yiri madaxweynuhu.

Ugu dambayn, Madaxweynaha Puntland, Siciid Cabdullaahi Deni ayaa si dhaba daaha uga qaaday yoolka fog ee Xukuumadda hadda ka leedahay horumarinta dalka.

"Xukuumadda aan hoggaaminayo waxaa dhab naga ah in aan bulshada u shaqayno Mashaariicdii socotey iyo kuwe Alle nala kulmiyo oo aan anagu abuurno in aan ka shaqayno" ayuu ku daray madaxweynaha Puntland.

Iman Mohamed Jama, Hiiraan Online
[email protected]











Click here
5/20/2019 6:14 PM EST
Isniin, May, 20, 2019 (HOL) - Dowladda Kenya ayaa lagu soo warramaya inay joojisay dal ku galka laga qaato garoonka diyaaradaha (Visaha On Arrival) oo looga dhufanayay Baasaboorada ay qaataan xildhibaannada ,wasiirrada dowladda federalka iyo madaxda dowlad-gobolleedyada,iyadoo aysan jirin wax ogaansho hore ah oo ay go'aankan ka bixisay Kenya.

5/20/2019 2:00 PM EST
Isniin, May, 20, 2019 (HOL) - Madaxa sare ee arrimaha dibedda ee Midowga Yurub, Federica Mogherini ayaa maanta booqasho ku tagtay magaalada Muqdisho.

5/20/2019 11:42 AM EST
Isniin, May, 20, 2019 (HOL)-Waxgaradka iyo ciidamada degaanka Widhwidh ayaa ku hawlan sidii gacanta loogu soo dhigi lahaa dabley hubaysan oo dad ku laayey tuulada Banyaal oo Buuhoodle dhinaca barri kaga quman 40Km.

5/20/2019 11:21 AM EST
Isniin, May, 20, 2019 (HOL)-Maareeyaha Hay’adda Isgaarsiinta Qaranka, Md. Cabdi Sheekh Axmed, ayaa booqday Xarunta Dhexe ee Shirkadda Loon oo ah mashruuc la mataano ah Google oo xaruntiisu tahay gobolka California ee dalka Mareykanka.

5/20/2019 10:42 AM EST
Isniin, May, 20, 2019 (HOL)– Wasaaradda waxbarashada Soomaaliya ayaa maanta soo saartay jadwalka imtixaanka shahaadiga ah fasalka 12-aad ee 2018/2019,kaddib markii dhowaan la joojiyay imtaaxaankii hore oo bannaanka u baxay.

5/20/2019 10:33 AM EST
Isniin, May, 20, 2019 (HOL)– Madaxweynaha dowlad-gobolleedka Koonfurgalbeed , Cabdicasiis Xasan Lafta Gareen ayaa maanta magacaabay wasiiru dowlayaal cusub oo ka mid noqonaya xubnaha golaha wasiirrada maamulka Koonfur-galbeed.

5/20/2019 7:47 AM EST
Isniin, May, 20, 2019 (HOL)– Madaxweynaha Puntland , Siciid Cabdullaahi Deni ayaa kormeeray qaar kamid ah qalabka lagu dhisayo Dekadda Garacad oo soo gaaray magaalada Gaalkacayo.

5/20/2019 6:31 AM EST
Isniin, May, 20, 2019 (HOL)– Ciidanka difaaca hawada Boqortooyada Sacuudiga ayaa maanta oo Isniin ah hawada ku burburiyay laba gantaal oo ay kooxda Xuutiyiinta Yeman ku Tuureen magaalooyinka Dhaaif iyo Jeddah oo labaduba ka tirsan mandiqada Maka Almukaram.

5/20/2019 6:23 AM EST
Isniin, May, 20, 2019 (HOL)– Baarlamaanka federaalka ee Soomaaliya ayaa goor dhow cod aqlabiyad leh ku ansixiyay sharciga Batroolka oo kullamadii u dambeeyay aad looga doodday.

5/20/2019 5:01 AM EST
Isniin, May, 20, 2019 (HOL)-Wararka naga soo gaaraya gobolka Bakool ayaa sheegaya in xoogagga Al-shabaab dileen ilaa saddex Askari oo ka tirsan ciidamada dowladda kaddib weerar ay ku qaadeen saldhig ay ku lahaayeen degmada Waajid

5/20/2019 2:55 AM EST
Isniin, May, 20, 2019 (HOL) – Maxkamadda sare ee Ciidamada qalabka sida ayaa ku raacday xukunkii dilka ahaa ee horay maxkamadda Darajada Koowaad ku xukuntay labo eedeysane, kuwaasoo loo heysto inay ka dambeeyeen qaraxyo ka dhacay magaalada Muqdisho.

5/20/2019 2:31 AM EST
Isniin, May, 20, 2019 (HOL)– Guddoomiyaha guddiga doorashooyinka madaxa bannaan ee Soomaaliya,Xaliimo Ismaciil Ibraahim (Xaliimo Yarey) ayaa sheegtay in xukuumadda federaalka iyo dowlad-gobolleedyada aysan awood u lahayn inay caddeyaan xilliga doorashada iyo sida ay u dhacayso.

5/20/2019 2:11 AM EST
Isniin, May, 20, 2019 (HOL)– Madaxweynaha dalka Marekanka, Donald Trump ayaa ugu hanjabay Iran inuu burburinayo haddii ay soo weerarto Mareykanka iyo danahiisa Bariga Dhexe.

5/20/2019 1:56 AM EST
Isniin, May, 20, 2019 (HOL)– Madxaweynaha Puntland, Siciid Cabdullaahi Deni ayaa dhismaha madaxtooyadda Puntland ee magaalada Gaalkacyo kulan kula qaatay guddiga Amniga gobolka Mudug.

5/20/2019 1:07 AM EST
Isniin, May, 20, 2019 (HOL)–Xukuumadda Soomaaliya ayaa dadaal xoogan ugu jirta meel marinta sharciga Batroolka oo hadda hor yaala xildhibaannada Golaha Shacabka kana mid ah ajandayaal muhiim ah oo lagu wado in xildhibaannadu maanta ka doodaan.