Ciidamada dowladda oo howlgal ka wada deegaanka Bariire oo ay kala wareegeen Al-shabaab
Khamiis, May, 02, 2019 (HOL)- Wararka ka imanaya
gobolka Shabeellaha hoose ayaa sheegaya in ciidamada dowladda Soomaaliya
howlgal ballaaran ka wadaan deegaanka Bariire oo ay maalintii shalay kala
wareegeen xoogagga ururka Al-shabaab.
Dadka ku sugan deegaanka Bariire ayaa warbaahinta
u sheegay in ciidamada dowladda dhaqdhaqaaqyo militari halkaa ka wadaan iyaga
oo ku wajahan deegaanno kale oo ay ku sugn yihiin Al-shabaab.
Madaxda ugu sareysa dalka ayaa ku bogaadisay
ciidamada dowladda howlgallada ay ka wadaan gobolka Shabeellaha hoose, gaar
ahaan tallaabadii ugu danbeysay oo ay kula wareegeen Bariire.
Balse Al-Shabaab ayaa qoraal ay ku daabaceen
Baraha Internet-ka waxa ay ku sheegeen in aan waxba ka jirin wararka sheegaya
in deegaanka Bariire ay la wareegeen ciidamada Dowladda,waxaana ay sheegeen in
ay iyaga gacanta ku hayaan.
Sannadkii 2017 ayaa ciidamada dowladda Al-Shabaab
kala wareegeen deegaanka Bariire, hasse ahaatee dhowr bil kadib ay ciidamada
isaga baxeen,waxaana intaasi wixii ka dambeeyey gacanta ku hayey Ururka
Al-Shabaab.
C/raxmaan Diini, Hiiraan Online
[email protected]
