Wasiir Goodax : Saacadaan la joogo Puntland Imtixaanka ay qaadeyso wuu fashilmay
Sabti, May, 18, 2019 (HOL)- Wasiirka Wasaarradda
Waxbarashada Xukuumadda Soomaaliya Cabdullahi Goodax Barre oo ku sugan magaalada Jowhar ayaa sheegay in Imtixaanka maanta ka bilaawday qeybo ka mid
ah dowlad gobolleedka Puntland uu fashilmay.
Wasiirka oo maanta oo gaaray
magaalada Jowhar si uu u xaliyo khilaafka ka dhashay joojintii Imtixaankii
Shaadiga iyo go’aankii dowlad gobolleedka Hirshabeelle ay ka qaateen
Wasaarradda ayaa sheegay in saacadan la joojo sida uu hadalka u dhigay
Imtixaannaadka laga daah furay maanta deegaannada Puntland uu fashilmay.
“Imtixaan waa fashilmaa,Saacadaan la joogo
Puntland imtixaan ay qaadeysay wuu fashilmay,wadamada deriska nala ah waa ka
fashilmay.”ayuu yiri Goodax Barre oo hadalkiisa laga dhadhansan karay sida uu
uga xumaaday falcalintii ka dhalatay talaabadii uu ku joojiyay Imtixaanka.
Wasiirka Waxaa socdaalkiisa magaalada Jowhar ku
wehlinaya Wasiirka Wasaarradda Amniga xukuumadda Soomaaliya Maxamed Abuukar
Isloow Ducaalle.
Hadalka Wasiir Goodax ee ka dhanka ah Puntland
ayaa la ogeyn jawaabta ay ka bixin doonaan mas’uuliyiinta maamulkaa oo horay u
sheegay in ay xiriirka u jareen wada shaqeyntii kala dhaxeysa Wasaarradda
Waxbarashada.
C/raxmaan Diini, Hiiraan Online
[email protected]