5/19/2019
Today from Hiiraan Online:  _
Wararka Maanta- Jimco, May 17, 2019
Xaaf oo si adag uga jawaabay eedeyn uga timid madaxweyne Farmaajo


 

Jimco, May, 17, 2019 (HOL) –Madaxweynaha dowlad gobolleedka Galmudug Axmed Ducaale Geelle Xaaf ayaa hadalo kulul oo aan looga baran ku weeraray madaxweynaha dowladda Soomaaliya Maxamed Cabdullaahi Farmaajo oo sheegay Xaaf in uu diiday qaadashada dawada xalka u ah Galmudug.

Madaxweyne Xaaf oo xalay khubad ka jeedinayay munaasabad ay soo qaban-qaabiyeen Jaaliyada Galmudug ee magaalada Nairobi ayaa sheegay in cudurka haya Galmudug ee uu madaxweyuhu ka hadlay yahay mid markiisii hore-ba isaga uga yimid dhinaca madaxweyne Farmaajo ‘’isaga oo intaa ku daray in dowladda Soomaalida sida uu hadalka u dhigay fashilantay.

Wuxuu sheegay in madaxweynaha dowladda Soomaaliya uu weydiisatay in lagu caawiyo Galmudug hub iyo saanad ciidan oo lagula dagaalamo Al-shabaab, laakiin taa badalkeeda madaxweyuhu u qaatay ayuu yiri in aynu ku weerari doono Caabudwaaq.

‘’Madaxweyne Farmaajo waxaan weydiistay hub aan Al-shabaab kula dagaalano balse waxaa uu iigu jawaabay [Ma Caabud-waaq ayaad ku Weerari rabtaan} ayuu yiri Xaaf oo arintaas ku tilmaamay mid  lala yaabo oo nasiib daro ah.

Madaxweyne Xaaf ayaa dhanka kale sheegay in madaxweyne Farmaajo mas’uul ka yahay sida uu hadalka u dhigay dhibaatada ka taagan deegaannada labada maamul ee Galmudug iyo Jubbaland oo sida uu hadalka u dhigay ah halka kaliya oo ay degan yihiin Jifada ama Qabiilka uu ka soo jeedo.

‘’Madaxweyne Farmaajo oo jifada ama Qabiilka uu ka soo jeedo waxey degaan ahaan deggaan Galmudug iyo Jubbaland, isaga ayaana labada maamul dhibaato ku haya;’’ ayuu hadalkiisa sii raaciyay.

Madaxweynaha dowladda Soomaaliya Maxamed Cabdullaahi Farmaajo oo khudbad ka jeedinayay munaasabad lagu maamuusayay 15ka May maalinta dhalinyarrada Soomaaliyeed, ayaa sheegay in Xaaf uu diiday in uu qaato tallooyinka la xiriira xalka Galmudug, isaga oo ku kaftay in qofka xanuunsan looga baahan yahay in si sax ah uu u qaato dawada loo qoro.

Marka la eego hadallada ay warbaahinta isku marinayaan madaxda ugu sareysa dowladda dhexe ee federaalka Soomaaliya iyo kuwa maamul gobolleedyada ayaa muujinaya halka uu gaarsiisan yahay khilaafka labada dhinac oo ilaa iyo hadda aan wax xal ah laga gaarin.

C/raxmaan Diini, Hiiraan Online
[email protected]
 

 

 

 










Click here
5/17/2019 11:55 AM EST
Jimco, May, 17, 2019 (HOL)- Wararka naga soo gaaraya gobolka Shabeellaha Dhexe gaar ahaan degmada degmada Mahadaay ayaa sheegaya in Wabiga Shabeelle uu ka fatahay deegaanno ka tirsan degmadaas,isla markaana fatahaada uu geystay khasaaro hantiyadeed.

5/17/2019 11:42 AM EST
Jimco, May, 17, 2019 (HOL)- Hay'adda Hormuud Foundation tan iyo markii bilaabatay bisha barakeysan ee Ramadaan ku howlaneyd qeybita gargaar kala duwan ayaa Deeq Rashiin gar gaar ah u qeybiyay Qaar ka mid ah Qoysaska Dadka laga tira badan yahay ee ku dhaqan Magaaladda Muqdisho iyo Daafaheeda.

5/17/2019 10:34 AM EST
Jimco, May, 17, 2019 (HOL) – Dhakhaatiirta Caafimaadka ee degaanka Soomaalida dalka Itoobiya ayaa dibad-bax nabadeesan isugu soo baxay banaanka wayn ee Isbitaalka Sheekh Xassen Yabarre ee magaalada Jigjiga.

5/17/2019 10:30 AM EST
Jimco, May 17, 2019 (HOL)- Madaxweynaha Somaliland ayaa maanta cafiyey 517 maxbuus oo ku xukuman dambiyadda fudud munaasibada 18 May darteed xoriyadoodii dib loogu celiyey.

5/17/2019 10:27 AM EST
Jimco, May 17, 2019 (HOL)- Gudoomiyaha xisbiga mucaaradka ah ee UCID Eng;Faysal Cali Waraabe ayaa sheegay inuu xildhibaan Dhakool uu dambi weyn ka gallay qaranka, isla markaana ay tahay in sharciga la mariyo.

5/17/2019 8:22 AM EST
Jimco, May, 17, 2019 (HOL) – Dalalka Jabuuti, Itoobiya ,Uganda iyo Koonfurta Suudaan ayaa gaaray heshiiskii u horreyay oo ay ku doonayaan inay ku dhistaan qad isku xira caasimadohooda.

5/17/2019 7:42 AM EST
Jimco, May, 17, 2019 (HOL) – Inkasto aysan warbaahinta cayaaraha muujin wajiga bini'aadanimo ee Cristiano Ronaldo , ayaa haddana waxaa loo arka inuu yahay nin aad u garab istaaga shacabka reer Falastiin.

5/17/2019 7:36 AM EST
Jimco, May, 17, 2019 (HOL) – Safaaradda Turkiga ee ku taalla caasimadda Muqdisho ayaa hiil-weyn la dul-joogsatay Wiil dhallinyaro ah oo dhowaan sawir gacmeed ka sameeyay safiirka Turkiga ee Muqdisho iyo madaxweynaha Turkiga ,Recep Tayyib Erdogan.

5/17/2019 7:30 AM EST
Jimco, May, 17, 2019 (HOL) – Walaalka nin horay u toorriyeeyay nin makhaayad ku lahaa Melbourne oo weerarka ku geeryooday ayaa hadda qirtay inuu qorsheynayo weerar argagixiso oo dad badan lagu laayo.

5/17/2019 6:47 AM EST
Jimco, May, 17, 2019 (HOL) –Wasaarradda Gaadhaandhigga xukuumadda Soomaaliya in howlgal ka dhan ah Al-Shabaab laga fulinayo deegaano iyo degmooyin ay ka maamulaan Al-shabaab labada gobol ee Shabeellaha Hoose iyo Shabeellaha Dhexe.

5/17/2019 2:58 AM EST
Jimco, May, 17, 2019 (HOL)–Hay’adda Hormuud Telecome Foundation ayaa magaaladda Muqdisho ugu Qaybisay deeq lacageed qaar ka mid ah Qoysaska danta yar ee ku dhaqan magaaladda Muqdisho.

5/17/2019 2:43 AM EST
Jimco, May, 17, 2019 (HOL) – Afar ruux ayaa dhimatay ka dib markii ay diyaayad yar ku dhacday meel saddex mayl u jirta Garoonka caalamiga ah ee Dubai.

5/17/2019 2:25 AM EST
Jimco, May, 17, 2019 (HOL) – War ka soo baxay guddi dhawaan ay u magacaawday xukuumadda Soomaaliya arrimaha Xajka ayaa soo saaray tirada Xujeyda sanadkan loo ogolaaday Soomaaliya in ay tagaan Xajka.