Jimco, May, 17, 2019 (HOL) – Hay’adda Hormuud
Telecome Foundation ayaa magaaladda Muqdisho ugu Qaybisay deeq lacageed qaar ka
mid ah Qoysaska danta yar ee ku dhaqan magaaladda Muqdisho.
Qoysaskan ayaa waxaa laga soo kala xulay qaar ka
mid ah xaafaddaha iyo degmooyinka gobolka Banaadirr, iyadoo qeybinta deeqdan
loogu talagalay in ay uga faa’ideystaan gudashada Fadliga bisha barakeysan ee
Ramadaan.
Goobta lagu qeybinayay Deeqdan ayaa waxaa ku sugnaa
Xildhibaano ka tirsan Golaha shacabka Baarlamaanka Soomaaliya iyo mas’uuliyiinta
Hay’adda Hormuud oo deeqdan Maanta qeybisay.
Xildhibaan Khaalid Macow oo ka mid ah mudanayaasha
Golaha shacabka dalka ayaa Madaxda Shirkadda Hormuud Foundation uga
mahadceliyay in ay mar walba u taagan yihiin sidii ay u caawin lahaayeen dadka
ga gaarka u baahan ee ku nool Gobalka Banaadir iyo Gobolada dalka oo dhan.
Sidoo kale Xildhibaan Khalid Macow ayaa sheegay
in dadka maanta la siiyay deeqda ay ka mid ahaayeen Dadka gargaarka noocaan oo
kale ah u baahan ee ku nool magaalada Muqdisho.
Gudoomiyaha Hormuud Telecome Foundation Mudane
Cabdullaahi Cismaan Nuur ayaa Madasha ka sheegay in Deeqdan ay qeyb ka tahay
deeqo caawinaad oo ay shirkadaan ugu talagashay dadka dhibaateysan ee ku nool degmooyinka
gobalka Banaadir.
Sidoo kale Gudoomiyaha ayaa sheegay in ay ku
dadaali doonaan sidii ay usoo kordhin lahaayeen Deeqaha Caynkaan oo ay
siinayaan dadka aan waxba heysan ee ku dhaqan magaalada Muqdisho.
Qaar ka Mid ah dadka la siiyay deeqda Lacageed
ayaa madaxda hay’adda Hormuud Foundation uga mahad celiyay caawinta gargaarka
oo ay ku tilmaameen in lagu soo beegay xiligi ay u baahnaayeen.
C/raxmaan Diini, Hiiraan Online
[email protected]
