3/28/2024
Today from Hiiraan Online:  _
Wararka Maanta- Arbaco, May 15, 2019
Madaxtooyada Somaliland oo sheegtay in xildhibaan Dhakool kala qaybinayey bulshada Somaliland

 

Arbaco, May, 15, (HOL) – Madaxtooyada Somaliland ayaa markii ugu horeysay ka hadashay xadhiga xildhibaan Maxamed Axmed Dhakool oo loo xidhay markii uu wax ka sheegay 18 May.

Sidoo kale, waxa ay madaxtooyadda Somaliland ka jawaabtay hadal ka soo yeedhay shalay gudoomiyaha Xisbiga mucaaradka ah ee WADDANI oo xadhiga xildhibaanka sharci daro ku tilmaamay.

War-saxaafadeed ka soo baxay madaxtooyada oo lagaga jawaabayo hadalka gudoomiye CIrro oo uu ku saxeexan yahay afhayeenka madaxtooyada Maxamuud Warsame ayaa sidan u qorsnaa :Guddoomiyaha Xisbiga Mucaaridka ah ee WADDANI, Mudane Cabdiraxmaan Maxamed Cabdilaahi (Cirro) oo saxaafadda la hadlay, waxa uu xadhigga xildhibaan Dhakool ku sheegay sharci darro iyo dastuur jebin

Xildhibaan Dhakool sharci-darro kuma xidhna ee wuxuu ku xidhan yahay sifo sharci ah, wuxuuna si cad ugu xa-gudbay jiritaanka qarannimada Somaliland, sharciyadda iyo Dastuurka uu xildhibaanka ku yahay.

Ø Dhakool 18 May Wuxuu ku sheegay maalin madow

Ø Maalin aan gobonimo lahayn maalin qaranna aan ahayn

Ø Maalin aan taariikh u lahayn Somaliland

Ø Maalintii la qixiyey beelaha darafyada

Shirkii Burco ee lagu aas-aasay goonii isu taaga Somaliland 18-May-1991-kii ee ay u dhammaayeen reer Somaliland, ayna kow ka ahaayeen Garaad Cabdiqani Garaad Cali, sheekh Muuse Goodaad iyo raggii kale ee reer Somaliland, xildhibaan Dhakool-na wuu ka been abuuray midnimadii maalintaasi lagu gaadhay go’aanka qaran.

Dhakool waxa uu been cad ka sheegay inaan Somaliland Xusin halgankii daraawiishta, dastuurka Somaliland-na wuxuu mudnaanta koowaad siiyey oo ku xardhan xuskii daraawiishta, taasina waa been kale oo uu bulshada ku kala qaybinayo.

Haddaba, sida ku cad waraaqda ka soo baxday xafiiska xeer ilaaliyaha guud ee summaddeedu tahay XIG/JSL/96/19, kuna taariikhaaysan 11/05/2019, qodobada eedaynta xildhibaan Dhakool waxa ay yihiin:

1. Qodobka 184 XCG oo ka hadlaya khiyaamo qaran oo lagu wiiqayo gobonnimada iyo jiritaanka Somaliland, madaama oo uu si toosa ugu soo bandhigay warbaahinta inuu ka soo horjeedo maalinta madax bannaanida Jamhuuriyadda Somaliland ee 18 May.

2. Qodobka 213 XCG oo dhigaya iska horkeenis bulshada Somaliland, sababtoo ah waxa uu shir saxaafadadeedkiisa ku sheegay in maalintaasi tahay maalintii la qaxiyey beelaha darafyada Somaliland, una tahay maalin madow halka beelaha SNM ka dhigayaan maalin qaran soona saaraan carruurtooda iyo dumarkooda.

3. Qodobka 215 XCG oo ah fidin warar been abuur ah oo lagu kicinayo bulshada Somaliland oo keenaysa nabadgelyo-darro, sababtoo ah waxa uu hadaladiisa ula jeeday inuu ku wax yeelleeyo midnimada iyo wada-jirka shacbiga Somaliland, si ay u abuuranto jawi colaadeed iyo nabadgelyo darro, loona waayo nidaamka iyo kala danbaynta sharciga, warkaas oo uu ku baahiyey warbaahinta, kaasoo laga dhegeystay dalka gudihiisa iyo dibedadiisaba, danbiyadaas oo ah kuwo ka dhan ah qarannimada Somaliland, isla markaana qabashadiisu ay tahay waajib isla markiiba sida uu dhigayo qodobka 35-aad xeerka habka ciqaabta

Sidaa awgeed, waxa aan shacbiga u sheegayaa gefkaa cad ee qaranka laga galay Guddoomiye Cabdiraxmaan Cirro-na ka doodayo sharci darrona ku tilmaamay inuu macneheedu yahay inuu ku raacsan yahay oo uu la qabo inay 18 May tahay maalin madow,

Haddaba, ninka leh ha la sii daayo, 18-ka May ma maalin cad baa mise waa maalin madow.

Hadalkii golaha wakiilada marnaba layskuma diidin inuu gef qaran galay Dhakool balse habkii loo maray qabashadiisa, ayuu hadalkoodu daarranaa, fasiraadda arrinkaasina wuxuu u yaallaa labada hay’adood ee xeer ilaalinta iyo sharci dejinta.”.

Golaha wakiilada iyo xisbiga WADANI waxay sifihii loo xidhay xildhibaan Dhakool ku sheegeen mid sharciga baalmarin oo aan la xidhi Karin xildhibaan xasaanidii huwan.

Barkhad-ladiif M. Cumar, Hiiraan Online

[email protected]

Hargeysa, Somaliland.













Click here
5/15/2019 1:02 PM EST
Arbaco, May, 15, (HOL) – Maxkamada magaalada Laascaanood ayaa la keenay maanta weriye Cabdi Keyse Tungub iyadoo ay wadaan ciidan ciidan Boolis ah.

5/15/2019 12:55 PM EST
Arbaco, May, 15,(HOL)–Ciidanka dab-damiska magaaladda Hargeysa ayaa maanta badbaadiyey ilmo yar oo Suuli (Musqul) lagu riday, kaasi oo ay ka soo saareen isagoo nool.

5/15/2019 12:48 PM EST
Arbaco, May,15,(HOL)–Wafdi uu hoggaaminayo Wasiirka Dib-u-heshiisiinta dowlad gobolleedka Hirshabeelle Eng Cabdikariin Cali Nuur ayaa markii ugu horeysay socdaal nabadeed ku tagay degmada Feer-Feer ee Ismaamulka Soomaalida dalka Itoobiya.

5/15/2019 12:45 PM EST
Arbaco, May, 15, 2019 (HOL) - Dowladda Soomaaliya ayaa cambaareysay weerar loo adeegsaday diyaaradaha aan duuliyaha lahayn lagu beegsaday labo goobood oo shidaal oo ku kala yaalla deegaannada Al Duwadimi iyo Afif ee bartamaha Boqortooyada Sucuudi Carabiya.

5/15/2019 12:38 PM EST
Arbaco, May, 15, 2019 (HOL) - Booliska Soomaaliya ayaa galinkii dambe ee Arbacada maanta shaaca ka qaadday in la xiray mid kamid ah shaqaalaha wasaarada Waxbarashada dowladda federalka kaasoo lagu tuhmayo inuu ka dambeeyay bixitaankii imtixaanka shahaadiga ee dugsiyada sare ee dalka oo dhowaan dib loo dhigay.

5/15/2019 12:24 PM EST
Arbaco, May, 15, 2019 (HOL) - Madaxweynaha Soomaaliya, Maxamed Cabdullaahi Farmaajo ayaa agaasime cusub u magacaabay xarunta madaxtooyadda ee looga taliyo dalka, sida ku cad war-saxaafadeed uu xafiiska madaxweynaha baahiyay.

5/15/2019 8:48 AM EST
Arbaco, May, 15, 2019 (HOL) - Ra’iisul Wasaaraha Xukuumadda Federaalka Soomaaliya ,Xasan Cali Khayre, ayaa dhallinyarada iyo dhammaan ummadda Soomaaliyeed ugu hambalyeeyay munaasabadda 15-ka May oo ku astaysan maalinta dhallinyarada Soomaaliyeed.

5/15/2019 7:43 AM EST
Arbaco, May, 15, 2019 (HOL) - Wasaaradda shaqada iyo shaqaalaha ee Puntland ayaa dikreeto ka baxay lagu amray dhammaan shirkadaha iyo hay’adaha maxalliga ah iyo kuwa caalamiga ah ee ka howlgalla deegaannada Puntland inay soo gudbiyaan xogta shaqaalahooda ajnebiga ah.

5/15/2019 7:39 AM EST
Arbaco, May, 15, 2019 (HOL) - Wasiirka gaashandhigga xukuumadda federaalka ah ee Soomaaliya, Xasan Cali Maxamed (Amar-Dambe) ayaa xarunta ugu weyne AMISOM ee magaalada Muqdisho kulan gaar ah kula qaatay wakiilka Midowga Afrika ee Soomaaliya ahna Madaxa AMISOM Ambassador Francisco Madeira ,iyadoo ay kulanka ku waheliyeen xubno ka tirsan wasaaradda gaashandhigga.

5/15/2019 7:34 AM EST
Arbaco, May, 15, 2019 (HOL) - Hay'adda Warfaa Foundation ayaa degmada Galdogob ee gobolka Mudug ka daahfurtay tartan kubadda cagta ah oo ay hay'adda qabato sannadkii bisha Ramadaan,iyadoo mashruucan uu maalgalinayo Xildhibaan Sadiiq Xersi Warfaa ahna wasiirka shaqada iyo arrimaha Bulshada Xukuumadda Federaalka ah ee Soomaaliya.

5/15/2019 5:47 AM EST
Arbaco, May, 15, 2019 (HOL) - Madaxweynaha Puntland, Siciid Cabdullaahi Deni ayaa dhallinyarada Soomaaliyeed, gaar ahaan dhallinta Puntland ugu hambalyeeyey maalinta 15-ka May oo ku beegan 76 guurradii kasoo wareegtey aas-aaskii ururkii gobanimo doonka Soomaaliyeed ee SYL.

5/15/2019 4:03 AM EST
Arbaco, May, 15, 2019 (HOL) - Wasiirka shaqada iyo arrimaha Bulshada xukuumadda federaalka ah ee Soomaaliya, Sadiiq Xersi Warfaa ayaa magaalada Nairobi kula kulmay deeq-bixiyeyaasha oo ay halkaa ku gaareen mashruuc horumarinta shaqaalaha Soomaaliya.

5/15/2019 3:04 AM EST
Arbaco, May, 15, 2019 (HOL) - Ciidanka amniga ayaa howlgallo ka sameeyay xaafaddo ka tirsan degmada Boondheere ee gobolka Banaadir, sida laga soo xigtay saraakiisha.

5/15/2019 2:55 AM EST
Arbaco, May, 15, 2019 (HOL) - Wasiirka Arrimaha Dibadda iyo Iskaashiga Caalamiga ee Soomaaliya, Axmed Ciise Cawad, ayaa ka qeybgalay Madasha lixaad ee Stockholm ee Nabadda iyo Horrumarka oo laga furay magaalada Stockholm ee dalka Sweden, iyada oo ay ka qeybgalayaan tiro ballaaran oo ah siyaasad sameeyeyaal, cilmi baarayaal iyo dad xirfad sare leh.

5/15/2019 2:54 AM EST
Arbaco, May, 15, 2019 (HOL) – Golaha milatariga Sudan iyo hogaamiyaasha ururada rayidka ah ee horkacaya dibadbaxayada dalkaasi ka socda, ayaa xalay ku heshiiyay dowlad ku meel gaar ah oo muddo saddex sano gudahood xakunka ku wareejin doonta xukuumad rayid ah oo buuxda.

5/15/2019 2:51 AM EST
Arbaco, May, 15, 2019 (HOL) - Ra’iisul Wasaare ku-xigeenka xukuumadda federaalka Soomaaliya , Mahdi Maxamed Guuleed Khadar, ayaa caawa afur u sameeyay golaha abwaannadda Soomaaliyeed.

5/15/2019 2:46 AM EST
Arbaco, May, 15, 2019 (HOL)–Dabley loo maleynayo in ay ka tirsan yihiin Al-Shabaab ayaa gallinkii danbe ee shalay ka qafaashay gobolka Gedo Labo shaqaale safar ah oo ka howlgalayay gobolka.

5/15/2019 2:43 AM EST
Arbaco, May, 15 , 2019 (HOL) - Madaxweynaha Puntland, Siciid Cabdullaahi Deni ayaa sheegay xukuumadda inay dadaal ku bixinayso horumarinta deegaanka iyo bulshada.

5/15/2019 2:38 AM EST
Arbaco, May, 15, 2019 (HOL) - Madaxweynayaasha dowlad gobolleedyada Puntland iyo Hirshabeelle Saciid Cabdullaahi Deni iyo Maxamed Cabdi Waare oo kulan gaar ah ku yeeshay magaalada Garoowe ayaa ka wada hadlay sii deynta maxaabiis ka soo jeeda deegaannada Hirshabeelle oo ku xir xiray Puntland.