Arbaco, May, 01, 2019 (HOL)-Maxamed Nuur oo horay uga tirsanaa booliiska magaalada Minneapolis, ee gobolka Minnesota ee dalka Maraykanka, ayaa ku eedeysnaa dilka haweeney caddaan ah oo lagu magacaabi jiray Justine Ruszczyk Damond kadib goor ay ugu wacday booliska si ay ogeysiiso fal danbiyeed suurta gal ahaa inuu ka socday—meel ku aaddan—gurigeeda gadaashiisa, waa sida ay ismoodsiisaye.
Talaadadii shalay ayaa guddi xeerbeegti ah oo ka koobnaa
12 ay gaareen go’aan ah inuu Maxamed Noor galay fal danbiyeed laba
darajo ka kooban, kana mid ahaa fal danbiyeed ka koobnaa saddex darajo
oo dacwaddooda horay loogu soo eedeeyay. Guddiga ayaa isku raacay inuu
Maxamed gaystay danbigaan dilka ah darajadiisa saddexaad, taasoo ah inuu
u dilay haweeneyda si aanay ula kac ahayn.
Sikastaba,
waxay ku waayeen danbiga darajada labaad oo ah inuu isagu si ula kac
ah— oo uusan dan kalahayn nolosheeda— uu u dilay Justine oo u dhalatay
dalka Australia, macallimadna ku ahayd jimicsiga nooca loo yaqaanno
Yoga-da.
Garsooraha
Maxkamadda Hennepin ee gacanta ku haysa kiiskaan, ayaa xukmin doonta
bisha toddobada bisha Juun ee sanadkaan— taasoo ku began ciidda—
ciqaabta xarigga Maxamed ayaa ugu badnaan gaari karta 25 sano.
Qareenada
Maxamed Noor ayaa laga diiiday goor ay codsadeen in damiin lagu sii
daayo saarkaalkan ka tirsanaan jiray ciidanka; waxaana laga taxaabay
maxkamadda isaga oo la jeebeeyay.
Waa
markii ugu horreysay abid taariikhda gobolkaan Minnesota oo sarkaal
booliis ah ku jira shaqada oo la xukumayo. Dadka sida dhaw ula socda
dhacdooyinka caynkaan ah, ayaa sheegaya kuna qanacsan inay jirto eex
taariikhi ah oo u dhaxaysa madwga iyo caddaanka dalkaan Mareykanka.
Kiiskaan ayaana circa isku sii shareeray.
Arrinta
dilka haweenaydaan caddaanka ah iyo sarkaalkan oo kulansaday tilmaamo badan oo ay ka mid yihiin inuu yahay muslim, madaw, soomaali iyo soo galooti dalka ku yimid qaxootinimo, ayaa kiiskaan ka dhigtay mid dalka Mareykanka oo dhan aad looga hadal hayo.
Xukunka ku dhacaya Maxamed ayaana rejada ka qaadday dhallinyaro badan oo Soomaalida Maraykanka ah kuwaasoo ku taamayay inay ku biiraan booliska dalkaan.
Sarkaalkan
ayaa xukunkiisa lagu dhawaaqi doonaa toddobada bisha inagu soo aaddan
ee Juun, maalinkaas oo la filayo inay ka mid noqon doonto maalmaha
Ciidda muslimiinta ee ka danbeeya soonka. “Haddii aan ogaan lahaa in
sidaani ay dhacayso, waligeey booliis ma noqdeen”, ayuu ku yiri Maxamed
Noor qoraallo marag ah oo loo soo guddiga guuriyay xeer-beegta.
Mohamud Dulyadeyn
