3/28/2024
Today from Hiiraan Online:  _
Wararka Maanta- Sabti, Mar 9 , 2019
Madaxweyne Biixi oo safar shaqo ugu anbobaxay dalka Imaaraadka Carabta

 

Sabti, Maarso 09,   2019  (HOL)- Madaxweynaha Somaliland Muuse Biixi Cabdi ayaa maanta u anbobaxay dalka isku taga imaaraadka Carabta oo la sheegay inuu marti qaad rasmi ah ka helay.

Madaxweynaha waxa safarkiisa ku wehelinayaan wasiirrada wasaaradaha Macdanta iyo Tamarta, Jaamac Maxamuud Cigaal , Diinta iyo Awqaafta, Khaliil Cabdilaahi Axmed, Ganacsiga, Wershedaha iyo Dalxiiska, Maxamuud Xasan Sacad, waxaana la sheegay in maalmo uu halkaasi shaqo uu u joogi doonno.

Af-hayeenka madaxweynaha Somaliland, Mudane Maxamuud Warsame Jaamac, oo ka hadlayey ujeedadda safarka madaxweynaha waxa uu yidhi “ Waxa uu safarka madaxweynuhu salka ku hayaa xoojinta xidhiidhka soo jireenka ah ee ka dhexeeya waddamada Imaaraadka carabta iyo Somaliland oo wadaaga xidhiidh siyaasadeed iyo mid ganacsi, islamarkaana ay ka dhexeeyaan hawlo horumarineed oo aad u waaweyni, waxaana uu dardargelin doonaa xidhiidhka labada dal.”

Safarkan madaxweynuhu ku tagay Imaaraadka Carabta ayaa noqonaya kii labaad ee intii uu xilka hayey ku tago dalkaasi.

Shirkada DP world ee Imaaraadka Carabta ayaa maalgalin ka wadda dekadda Berbera iyo wadaada isku xidhaysa Berbra iyo Wajaale, taas oo la filayo in bishan 15keedda si rasmiya loo bilaabo jidkaasi oo ay ku bixi doonto 111milyan oo dollar.

Barkhad-ladiif M. Cumar, Hiiraan Online

[email protected]

Hargeysa, Somaliland. 
 













Click here
3/9/2019 12:13 PM EST
Sabti, Maarso, 09, 2019 (HOL)- Kulan ay isugu yimaadeen Wasiirka Dekadaha iyo Gaadiidka Badda Xukuumadda Soomaaliya,Guddoomiyaha Gobolka Banaadir ahna Duqa Muqdisho,Wasiir ku-xigeenka Wasaaradda Dekadaha iyo Gaadiidka Badda,taliyaha Ciidanka Booliska Soomaaliyeed iyo hoggaanka sare ee maareeyaha Dekadda ayaa maanta ka dhacay magaalada Muqdisho.

3/9/2019 10:59 AM EST
Sabti, Maarso, 09, 2019 (HOL)- Qoraal ka soo baxay xafiiska Ra’iisul wasaaraha Dalka Itoobiya Dr Abiy Ahmed ayaa loogu hambalyeeyey Wasiirka arrimaha dibadda Itoobiya Workeneh Gebeyehu Negewo,kaasi oo loo magacaabay agaasimaha guud ee xafiiska QM ay ku leedahay magaalada Nairobi.

3/9/2019 5:52 AM EST
Sabti, Maarso, 09, 2019 (HOL)-Dowladda Kenya ayaa xabsiga dhigtay Backstone Agaro, oo 53 jir ah oo looga shakiyay in uu ku biiri lahaa Ururka Al-shabaab

3/9/2019 4:10 AM EST
Sabti, Maarso, 09, 2019 (HOL)-Wasiir ku-xigeenka Wasaarradda Dastuurka dowladda Soomaaliya Xuseen Cabdi Cilmi ayaa warbaahinta u sheegay in meydka Wasiirka la keeni doono maalinta Berri ah, islamarkaana ay isla beri la aasi doono.

3/9/2019 4:00 AM EST
Sabti, Maarso, 09, 2019 (HOL)-Meydka nin dhalinyaro ah ayaa saaka lagu arkay Wadada Maka Al-Mukarama, gaar ahaan meel ku dhow dhismayaasha ku burburay qaraxii todobaadyo ka hor ka dhacay Hotelka Maka Al-Mukarama.

3/9/2019 2:16 AM EST
Sabti, Maarso, 09, 2019 (HOL)-Qoraal ka soo baxay xoghayaha Qaramada Midoobey António Guterres ayaa lagu sheegay in Wasiirka arrimaha dibadda Itoobiya Workneh Gebeyehu loo magacaabay Agaasimaha Guud ee Xafiiska Qaramada Midoobey ee Nairobi (UNON), iyadoo uu madax ka noqonayo dhamaan xafiisyada UN-ka ee ku yaalla Nairobi.

3/9/2019 12:47 AM EST
Sabti, Maarso, 09, 2019 (HOL)-Madaxweynaha dalka Uganda Yoweri Museveni ayaa mar kale tusaale la yaab leh u soo qaatay dalka Soomaaliya oo uu ku tilmaamay meel laga jecel yahay dhaqan xumadda iyo gardarada.

3/9/2019 12:26 AM EST
Sabti, Maarso, 09, 2019 (HOL)- Waxaa soconaya diyaar-garoowga Aas Qaran oo loo sameynayo Wasiirkii Wasaarradda Dastuurka xukuumadda Soomaaliya Cabdiraxmaan Xoosh Jabriil oo maalintii shalay ku geeriyooday magaalada Dubai ee dalka Isku tagga Imaaraadka Carabta.