7/18/2019
Today from Hiiraan Online:  _
Wararka Maanta- Sabti, Mar 9 , 2019
Dowladda Kenya oo xirtay Nin looga shakiyay in uu ka tirsan yahay Al-shabaab


 

Sabti, Maarso, 09, 2019 (HOL)- Dowladda Kenya ayaa xabsiga dhigtay Backstone Agaro, oo 53 jir ah  oo looga shakiyay in uu ku biiri lahaa Ururka Al-shabaab.

Waxaa ay sheegeen saraakiisha Kenya in ay Ninkan uu ku yimid Mandhera Bas ka soo galay dhinaca Gaarisa, waxaana uu bulshada weydiinayay jihada ay ka xigto Soomaaliya, taasoo keentay tuhunka in uu ka ku biiri lahaa Al-shabaab ama uu basaas u ahaa.

Qofkan la tuhusan yahay ee la xiray ayaa sidoo kale la sheegay in uu sitay buug yar oo ay ku qoran yihiin 100 magaalo oo ka tirsan Kenya kuwaa oo uu booqday,

Sarkaal ka tirsan qaybta la dagaallanka Argagixisada ee Kenya ayaa sheegay in la sii heyn doono  mudo todobo cisho ah, islamarkaana lagu wado baaritaaan la xiriira wax yaabaha lagu tuhusan yahay.

Dowladda Kenya ayaa horey u sheegtay in ay jiraan dad badan oo u tallaabay dhinaca Soomaaliya kuwaa oo ku biiray Ururka Al-shabaab, sidoo kalana gudaha dalka Kenya ku sugan yihiin dad kale oo u basaasa Al-shabaab una sahla weerarrada ay ka geystaan gudaha dalkeeda. 

C/raxmaan Diini, Hiiraan Online
[email protected] 

 
 

 

 

 












Click here
3/9/2019 12:13 PM EST
Sabti, Maarso, 09, 2019 (HOL)- Kulan ay isugu yimaadeen Wasiirka Dekadaha iyo Gaadiidka Badda Xukuumadda Soomaaliya,Guddoomiyaha Gobolka Banaadir ahna Duqa Muqdisho,Wasiir ku-xigeenka Wasaaradda Dekadaha iyo Gaadiidka Badda,taliyaha Ciidanka Booliska Soomaaliyeed iyo hoggaanka sare ee maareeyaha Dekadda ayaa maanta ka dhacay magaalada Muqdisho.

3/9/2019 10:59 AM EST
Sabti, Maarso, 09, 2019 (HOL)- Qoraal ka soo baxay xafiiska Ra’iisul wasaaraha Dalka Itoobiya Dr Abiy Ahmed ayaa loogu hambalyeeyey Wasiirka arrimaha dibadda Itoobiya Workeneh Gebeyehu Negewo,kaasi oo loo magacaabay agaasimaha guud ee xafiiska QM ay ku leedahay magaalada Nairobi.

3/9/2019 7:51 AM EST
Sabti, Maarso 09, 2019 (HOL)- Madaxweynaha Somaliland Muuse Biixi Cabdi ayaa maanta u anbobaxay dalka isku taga imaaraadka Carabta oo la sheegay inuu marti qaad rasmi ah ka helay.

3/9/2019 4:10 AM EST
Sabti, Maarso, 09, 2019 (HOL)-Wasiir ku-xigeenka Wasaarradda Dastuurka dowladda Soomaaliya Xuseen Cabdi Cilmi ayaa warbaahinta u sheegay in meydka Wasiirka la keeni doono maalinta Berri ah, islamarkaana ay isla beri la aasi doono.

3/9/2019 4:00 AM EST
Sabti, Maarso, 09, 2019 (HOL)-Meydka nin dhalinyaro ah ayaa saaka lagu arkay Wadada Maka Al-Mukarama, gaar ahaan meel ku dhow dhismayaasha ku burburay qaraxii todobaadyo ka hor ka dhacay Hotelka Maka Al-Mukarama.

3/9/2019 2:16 AM EST
Sabti, Maarso, 09, 2019 (HOL)-Qoraal ka soo baxay xoghayaha Qaramada Midoobey António Guterres ayaa lagu sheegay in Wasiirka arrimaha dibadda Itoobiya Workneh Gebeyehu loo magacaabay Agaasimaha Guud ee Xafiiska Qaramada Midoobey ee Nairobi (UNON), iyadoo uu madax ka noqonayo dhamaan xafiisyada UN-ka ee ku yaalla Nairobi.

3/9/2019 12:47 AM EST
Sabti, Maarso, 09, 2019 (HOL)-Madaxweynaha dalka Uganda Yoweri Museveni ayaa mar kale tusaale la yaab leh u soo qaatay dalka Soomaaliya oo uu ku tilmaamay meel laga jecel yahay dhaqan xumadda iyo gardarada.

3/9/2019 12:26 AM EST
Sabti, Maarso, 09, 2019 (HOL)- Waxaa soconaya diyaar-garoowga Aas Qaran oo loo sameynayo Wasiirkii Wasaarradda Dastuurka xukuumadda Soomaaliya Cabdiraxmaan Xoosh Jabriil oo maalintii shalay ku geeriyooday magaalada Dubai ee dalka Isku tagga Imaaraadka Carabta.