8/17/2019
Today from Hiiraan Online:  _
Wararka Maanta- Jimco, Mar 8 , 2019
Wasaarradda Dastuurka oo ka tacsiyeeysay geeridii ku timid Wasiir Xoosh


 

Jimco, Maarso, 08, 2019 (HOL) - Wasiir ku-Xigeenka, Agaasimaha Guud, Agaasime-waaxeedyada, La-taliyayaasha iyo dhamaan shaqaalaha Wasaaradda Arrimaha Dastuurka waxay ka tacsiyadeeynayaan geeridii naxdinta lahayd ee maanta ku timid Marxuum Wasiir Cabdiraxmaan Xoosh Jibriil.

Dhamaan howlwadeenada Wasaaradda waxay murugada la qeybsanayaan qoyskii, asxaabtii iyo dhamaan ummada Soomaaliyeed ee uu ka baxay Marxuum Cabdi Xoosh.

Taariikh Nolaleedkii Wasiirka oo kooban :

Marxuum Xoosh ayaa sanadkii 1956 ku dhashay magaalada Jowhar isagoo bilowgii waxbarashadiisii ku soo qaatay magaalada Jowhar, wuxuu shahaaddada koowaad ka qaatay Jaamacadda Toronto isagoo diyaariyay Cilmiga Sociology-ga, kadibna wuxuu cilmiga Sharciga ka diyaariyay Iskuulka Osgoode Hall Law School ee jaamacadda York ee ku taalla Toronto, Canada.

Marxuum Xoosh oo muddo Qareen ahaan uga shaqeeynayay dalka Canada ayaa ka soo shaqeeyay arrimaha Qaxootiga iyo Socdaalka, Qoyska, Shaqaalaha iyo arrimaha Xuquuda Aadanaha.

Bartamihii sanadkii 2011kii, Marxuum Cabdi Xoosh waxaa loo magacaabay Wasiirkii Arrimaha Dastuurka iyo Dib-u-heshiisiinta ee dowladii Kumeel-gaarka ahayd, intii lagu guda jiray sanadihii 2011-2012ka, wuxuu hogaaminayay qoristii iyo dhameystirka Dastuurka KMG ah ee Soomaaliya kaasoo la ansixiyay August 2012kii.

Intaa Kadib wuxuu ka mid noqday Xildhibaanadii Baarlamaankii 9aad ee dowladda Federaalka Soomaaliya, isagoo 2012-2016kii noqday Gudoomiyihii Guddi-hoosaadka Xuquuqul Insaanka ee Baarlamaankii 9aad.

Laga soo bilaabo 2013kii illaa 2018ka, Marxuumka wuxuu la shaqeynayay oo uu ahaa Xubin Sare ee Arrimaha Siyaasadda ee Machadka Dhaqaalaha iyo arrimaha Siyaasadda Bulshada ee Geeska Afrika ee loo yaqaano HESPI isagoo Macahadka kala talinayay arrimaha Sharciga Dastuurka, Federaaleynta iyo Daadejinta Maamulka, Xuquuqda Aadanaha, Sareeynta Sahrciga, Maamulka iyo arrimaha Garsoorka ee bulshooyinka khilaafyada ka soo kabsaday.

Bishii March 2017kii, Marxuum Cabdiraxmaan Xoosh Jibriil waxaa loo magacaabay Wasiirka Arrimaha Dastuurka ee Xukuumadda Federaalka Soomaaliya.

Wasiirka wuxuu ahaa shaqsi wanaag badan oo si aad u wanaagsan oo isku mid ah ula dhaqmi jiray dhamaan howlwadeenada Wasaaradda, kan ugu hooseya ilaa midka ugu sareeya.

Gabagabadii, dhamaan howlwadeenada Wasaaradda Arrimaha Dastuurka waxay Allah ugu baryayaan in Marxuum Cabdi Xoosh uu u naxriisto oo uu Janatul Fidowz ku abaalmariyo.

C/raxmaan Diini, Hiiraan Online
[email protected] 

 
 










Click here
3/8/2019 10:26 AM EST
Jimco, Maarso, 08, 2019 (HOL)-Dibadbax-ballaaran ayaa maanta waxaa uu ka dhacay magaalada Diridhabe, banaanbaxan ayaa waxaa isugu soo baxay dadka Oromada ah ee deggan qaybo kamid ah magaalada Diridhabe.

3/8/2019 9:53 AM EST
Cabdiraxmaan Muse oo ka mida soomaalida MN ayaa loo dhaariyey golaha sare ee Metropolitan Council, kuwaas oo jaangooya qorshaha siyaasada dhaqaalaha guriyeenta & hawlaha guud ee kala bar gobolka Minnesota

3/8/2019 9:39 AM EST
Jimco, Maarso, 08, 2019 (HOL)-Wararka ka imaanaya magaalada Mooyaale ayaa sheegaya in shir dib u heshiisiin ah uu ka furmay magaalada, shirkaas ayaa waxaa lagu heshiisiinayay Soomaalida iyo Oromada.

3/8/2019 9:20 AM EST
Jimco, Maarso, 08, 2019 (HOL)-Boliiska Degmada, Ngombeni, ayaa Jimcaha Maanta ah weerar ku qaaday Guri ku yaalla degaanka , Kwale, halkaas oo ay tababar ku qaadan jireen xubno ka tirsan Ururka Al-Shabaab.

3/8/2019 8:21 AM EST
Jimco, Maarso, 08, 2019 (HOL) -Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa tacsi u diray guud ahaan Qaranka Soomaaliyeed iyo gaar ahaan qoyskii uu ka baxay Wasiirka Arrimaha Dastuurka Marxuum Cabdiraxmaan Xoosh Jibriil oo ku geeriyooday magaalada Dubai.

3/8/2019 5:41 AM EST
Jimco,Maarso 08, 2019 (HOL) – Warar goor dhaw soo baxay ayaa sheegaya in Wasiirkii Dastuurka dowladda Soomaaliya Cabdiraxmaan Xoosh Jabriil uu ku geeriyooday Isbitaal ku yaala magaalada Dubai, sida uu xaqiijiyay agaasimaha guud ee wasaarradda Maxamed Abuukar Zubeyr.

3/8/2019 5:36 AM EST
Jimco, Maarso, 08, 2019 (HOL)- Wasiirka Cadaaladda iyo Arrimaha Diinta Puntland, Cawil Sheekh Xaamud ayaa dowladda federaalka usoo jeediyay inay ku soo wareejiso qoondada Puntland ay ku lahaayeen tirada Xujeyda ee sannadkan soo gudaneysa Waajibaadka Xajka.

3/8/2019 5:08 AM EST
Jimco, Maarso, 08, 2019 (HOL)- Nin hubaysan ayaa toogasho ku dilay allaha u naxariisto Suldaan Bashiir Muuse Koonte oo ka mid ahaa isimadda Puntland,sida ay HOL u xaqiijiyeen goobjoogayaal.

3/8/2019 1:58 AM EST
Jimco, Maarso, 08, 2019 (HOL)- Wararka naga soo gaaraya gobolka Shabeellaha Dhexe ayaa sheegaya in xalay saqdii dhexe ka tirsan dowladda ka tirsan dowladda Soomaaliya oo wehliyaan cidamo Mareykan ah ay weerar ku qaadeen saldhig Al-Shabaab ku leeyihiin deegaano ka tirsan gobolka Shabeellaha dhexe.

3/8/2019 12:39 AM EST
Jimco, Maarso, 08, 2019 (HOL)- Ra’iisal wasaaraha xukuumadda Soomaaliya Xassan Cali Kheyre iyo wafdi uu horkacayo ayaa lagu wadaa in uu maanta gaaro magaalada Kismaayo ee xarunta KMG u ah maamul gobolleedka Jubbaland.