7/17/2019
Today from Hiiraan Online:  _
Wararka Maanta- Jimco, Mar 8 , 2019
Dibadbax maanta ka dhacay magaalada Diridhabe


 

Jimco, Maarso, 08, 2019 (HOL) - Dibadbax ballaaran ayaa maanta waxaa uu ka dhacay magaalada Diridhabe, banaanbaxan ayaa waxaa isugu soo baxay dadka Oromada ah ee deggan qaybo kamid ah magaalada Diridhabe.

Haddaba banaanbaxan ayay Oromadu isugu soo baxeen waddooyinka waawayn ee magaalada, iyagoo wata boodhadh ay ku qoran yihiin qoraallo ay ku muujinayeen cabashadooda iyo waxay damacsan yihiin.

Banaanbaxyadan maanta ka dhacay magaalada Diri-dhabe ayaa daba socda banaanbaxyo maalinimadii shalay ka bilowday guud ahaan degaamada ay Oromadu degto, taas oo ay kaga andacoonayeen guryo laga dhisay degaankooda oo dad qawmiyadaha kale ah la dajiyay iyagoo raba in Oromo kaliya la dajiyo, iyo sidoo kale iyagoo sheeganaya inay leeyihiin caasimadda dalka Itoobiya ee Addis Ababa waa siday hadalka u dhigeen.

C/raxmaan Diini, Hiiraan Online
[email protected] 

 

 

 

 










Click here
3/8/2019 1:50 PM EST
Jimco, Maarso, 08, 2019 (HOL) - Wasiir ku-Xigeenka, Agaasimaha Guud, Agaasime-waaxeedyada, La-taliyayaasha iyo dhamaan shaqaalaha Wasaaradda Arrimaha Dastuurka waxay ka tacsiyadeeynayaan geeridii naxdinta lahayd ee maanta ku timid Marxuum Wasiir Cabdiraxmaan Xoosh Jibriil.

3/8/2019 9:53 AM EST
Cabdiraxmaan Muse oo ka mida soomaalida MN ayaa loo dhaariyey golaha sare ee Metropolitan Council, kuwaas oo jaangooya qorshaha siyaasada dhaqaalaha guriyeenta & hawlaha guud ee kala bar gobolka Minnesota

3/8/2019 9:39 AM EST
Jimco, Maarso, 08, 2019 (HOL)-Wararka ka imaanaya magaalada Mooyaale ayaa sheegaya in shir dib u heshiisiin ah uu ka furmay magaalada, shirkaas ayaa waxaa lagu heshiisiinayay Soomaalida iyo Oromada.

3/8/2019 9:20 AM EST
Jimco, Maarso, 08, 2019 (HOL)-Boliiska Degmada, Ngombeni, ayaa Jimcaha Maanta ah weerar ku qaaday Guri ku yaalla degaanka , Kwale, halkaas oo ay tababar ku qaadan jireen xubno ka tirsan Ururka Al-Shabaab.

3/8/2019 8:21 AM EST
Jimco, Maarso, 08, 2019 (HOL) -Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa tacsi u diray guud ahaan Qaranka Soomaaliyeed iyo gaar ahaan qoyskii uu ka baxay Wasiirka Arrimaha Dastuurka Marxuum Cabdiraxmaan Xoosh Jibriil oo ku geeriyooday magaalada Dubai.

3/8/2019 5:41 AM EST
Jimco,Maarso 08, 2019 (HOL) – Warar goor dhaw soo baxay ayaa sheegaya in Wasiirkii Dastuurka dowladda Soomaaliya Cabdiraxmaan Xoosh Jabriil uu ku geeriyooday Isbitaal ku yaala magaalada Dubai, sida uu xaqiijiyay agaasimaha guud ee wasaarradda Maxamed Abuukar Zubeyr.

3/8/2019 5:36 AM EST
Jimco, Maarso, 08, 2019 (HOL)- Wasiirka Cadaaladda iyo Arrimaha Diinta Puntland, Cawil Sheekh Xaamud ayaa dowladda federaalka usoo jeediyay inay ku soo wareejiso qoondada Puntland ay ku lahaayeen tirada Xujeyda ee sannadkan soo gudaneysa Waajibaadka Xajka.

3/8/2019 5:08 AM EST
Jimco, Maarso, 08, 2019 (HOL)- Nin hubaysan ayaa toogasho ku dilay allaha u naxariisto Suldaan Bashiir Muuse Koonte oo ka mid ahaa isimadda Puntland,sida ay HOL u xaqiijiyeen goobjoogayaal.

3/8/2019 1:58 AM EST
Jimco, Maarso, 08, 2019 (HOL)- Wararka naga soo gaaraya gobolka Shabeellaha Dhexe ayaa sheegaya in xalay saqdii dhexe ka tirsan dowladda ka tirsan dowladda Soomaaliya oo wehliyaan cidamo Mareykan ah ay weerar ku qaadeen saldhig Al-Shabaab ku leeyihiin deegaano ka tirsan gobolka Shabeellaha dhexe.

3/8/2019 12:39 AM EST
Jimco, Maarso, 08, 2019 (HOL)- Ra’iisal wasaaraha xukuumadda Soomaaliya Xassan Cali Kheyre iyo wafdi uu horkacayo ayaa lagu wadaa in uu maanta gaaro magaalada Kismaayo ee xarunta KMG u ah maamul gobolleedka Jubbaland.