Cabdiraxmaan Muse oo loo magacaabay Gole sare Minnesota (Metropolitan Council) Sawiro& Video
J
Jimco, Maarso, 08, 2019 (HOL) - Jimco, Maarso, 08, 2019
(HOL) - Cabdiraxmaan Muse oo ka mida soomaalida MN ayaa loo dhaariyey golaha
sare ee Metropolitan Council, kuwaas oo
jaangooya qorshaha siyaasada dhaqaalaha guriyeenta & hawlaha guud ee kala bar gobolka Minnesota , golahaan
waxay dusha ka maamulaan 186 magaalo , oo ay dagan yihiin ilaa 2 milyan bar oo
dadka Minnesota dagan ah,.
Abdirahmaan waxuu ka mid noqday saraakiisha ugu sareeysa
ee Soomaalida MN ee ka hawlgalaya maamuladda sare ee heer gobol , waxuuna
gudigaan ka kooban yahay 16 qof oo uu magaacabo gudoomiyaha gobolka Minnesota
Tim walz .
Cabdiraxmaan Muse iyo xubnahii kale ayaa si guud loo
dhaariyey, kadibna waxaa isagana si gooni ah
loogu dhaariyey kidaabka quraanka kariimka . waxaa goobtaan kala soo
qaybgalay qaar ka mida jaaliyadda oo ku farxsan in shaqsi ay yaqnaan uu ka mid
noqdo gudigaan markii ugu horeeysay, Cabdiraxmaan waxuu hore u ahaa lataliaha
duqa magaaaladda Minneapolis sanad ka hor,
Shariif Abdisalaam Adam oo ka mida maamulayaasha
Iskuulada St Paul ayaa yiri waa wax wayn bay inoo tahay inaan ka qayb qaadano
dhaarinta xilka loo magaacabay
Cabdiraxmaan Muuse oo ka mida dadka sida wayn ugu shaqeeya danaha Soomaalida
Minnesota
Cabdiraxmaan M Muse ayaa isaguna u mahadceliyey
gudoomiyaha gobolka Tim Walz magacaabida uu magacaabay waxuuna balan qaaday in
uu u shaqeen doono dadka Minnesota isagoo sheegay in ugu horeen uu doonayo in
wax uu k a qabto xaga guriyeenta dadka laga
iyo xaq in loo qaybiyo dhaqaalaha gobolka soo gala.
Tan iyo markii xilka loo doortay gudoomiyaha cusub ee gobolkaan Tim Walz oo soomaalidu taageero
wayn siisay , waxaa badanaayey tirade dadka xilalaka helay waxaana jira labo
gabdhood oo iyagana loo magacaabay gudiyadda cadaalada.
Gudigaan sare ee abdirahman muse ka midka noqday waa
golaha maamula badi dhaqaalaha ,gadiidka sida tareenada iyo basaska qaabaynta
magaalooyinka
Metropolitan Council
ka waxaa hore loogu magaacabi jirin dadka laga tirade badan yahay , ,
waa meel mushahaarkeedu sareeyo , hadase waxaa lagu dhex arkayaa 7 qof oo ka
duwan kuwii lagu yaqiin abdirahman muse oo arintaa sharxaya ayaa yiri.
Siyad Said Salah
Hiiraan Online
Minneapolis ,MN