5/22/2019
Today from Hiiraan Online:  _
Wararka Maanta- Khamiis, Mar 7 , 2019
Putin: Waxaan fashilnay hawlaha ku dhawaad 600 oo jaajuus


 

Khamiis, Maarso 07, 2019 (HOL)- Madaxweynaha Ruushka, Vladimir Putin, ayaa ku eedeeyay mukhaabaraadka ajnabiga ah in ay sare u qaadeen hawlahooda ay ka fuliyaan Ruushka, waxaana uu shaaciyay in boqolaal basaas ay ka hortageen sanadkii la soo dhaafay oo keliya.

Isagoo aan faahfaahin dheeraad ah bixin ayaa waxa uu sheegay in hawlaha 594 oo basaasiinta ajnabiga ah lagu fashiliyay Ruushka.

Jawaasiista Ruushka ayaa qudhooda lagu eedeeyay hawlgallo dhawr ah oo uu ka mid yahay kii lagu sameeyay basaaskii Ruushka u shaqeyn jiray ee Sergei Skripal.

Dalalka Holland, Czech iyo Sweden ayaa dhammaantood sheegay inay ka hortageen weerarro ay fulin lahaayeen sirdoonka Ruushka.

Ruushka ayaa sidoo kale lagu eedeeyay inuu faragelin ku hayo doorashooyinka wadamada Galbeedka.

Isagoo aan magacaabin Ruushka, ayaa madaxa golaha Yurub, Donald Tusk, waxa uu Talaadadii sheegay in "xooggaga diiddan Yurub" ay doonayaan inay faragelin ku sameeyaan doorashada baarlamaanka Midowga Yurub ee dhacaysa bisha May.

Putin oo khudbad u jeediyay saraakiisha laanta nabadsugidda Ruushka ee FSB ayaa ku booriyay inay ka adkaadaan shaqadooda gaar ahaan ilaalinta xogta samaynta hubka dalkaasi.

"Waxaan aragnaa hay'adaha sirdoonka shisheeye oo kordhinaya hawlgalladooda Ruushka, iyagoo doonaya inay qaab kasta ku helaan xogta siyaasadda, dhaqaalaha, seyniska iyo tiknoolajiyadda dalkan," ayuu yiri Putin.

Ka dib markii ay Midowga Yurub iyo UK isla garteen inay u badan tahay in Ruushka uu ka dambeeyay weerarkii lagu qaaday Skripal, ayaa in ka badan 25 dal waxa ay eryeen diblomaasiyiinta Ruushka ah ee caasimadahooda ku sugnaa.

Bishii la soo dhaafay, madaxweyne Putin ayaa sheegay in Ruushka uu samaysan doono nooc cusub oo ah gantaallada ridada dhexe kuwaasoo lagu beegsan karo caasimadaha galbeedka, waa haddii wadamadaasi ay gantaallo dhigaan Yurub.

Xigasho BBC 










Click here
3/7/2019 12:33 PM EST
Khamiis, Maarso, 07, 2019 (HOL)-Shirkan oo ay soo qabanqaabisay kuliyadda culuumta bulshada iyo siyaasadda ayaa waxaa lagu qabtay xarunta maamulka ee jaamacadda ee magaalada Mogadisho

3/7/2019 10:36 AM EST
Khamiis, Maarso, 07, 2019 (HOL)- Wafdi hor dhac u ah ra’iisal wasaaraha xukuumadda Soomaaliya Xassan Cali Kheyre ayaa ka degay magaalada Kismaayo ee xarunta KMG u ah maamul gobolleedka Jubbaland.

3/7/2019 10:12 AM EST
Khamiis, Maarso, 07, 2019 (HOL)- Maxkamada Darajada 1aad ee Ciidamada Qalabka sida ee Soomaaliya ayaa Maanta waxaa la horkeenay Rag loo heysto qaraxyadii dad ka badan ay ku dhinteen ee 22-12-2018 ka dhacay Tiyaatarka Qaranka iyo agagaarka Taalada Daljirka iyo weeraro dhowr ah oo ka dhacay magalada Muqdisho.

3/7/2019 8:55 AM EST
Khamiis, Maarso, 07, 2019 (HOL)-Shirkii golaha wasiirada Somaliland oo uu shirgudoominayey Madaxweyne Muuse Biixi kuna wehelinayeyy madaxweyne ku xigeenku ayaa maanta lagaga dooday xeerar loo soo gudbiyey oo qaarkood wasaaraduhu soo sameeyeen.

3/7/2019 7:54 AM EST
Khamiis, Maarso 07, 2019 (HOL)- Maamulka shirkadda Qatar Airways ayaa shir jaraa'iid ku shaaciyay xilliga rasmiga ah ee duulimaadka ugu horreeya ay ku imaanayso Qatar Airways magaalada Muqdisho ee caasimadda Soomaaliya.

3/7/2019 7:43 AM EST
Khamiis, Maarso 07, 2019 (HOL)- Golaha wasiirrada Puntland oo maanta shirkooddii toddobaad laha ahaa ku yeeshay magaalada Garoowe ayaa sheegay in la dardar galin doono dhismaha golaha deegaanka ee degmada Gaalkacyo.

3/7/2019 3:01 AM EST
Khamiis, Maarso 07, 2019 (HOL)-Qarax xoogan oo jugtiiisa siweyn looga maqlay inta badan degmooyinka gobolka Banaadir ayaa goor dhaw ka dhacay inta u dhaxeysa taallada Xaawo Taako iyo Godka Jilicow ee magaalada Muqdisho.

3/7/2019 2:27 AM EST
Khamiis, Maarso 07, 2019 (HOL)- Iyadoo maalmihii ugu danbeeyay warbaahinta Soomaalidu siweyn u hadal hayeen dhacdooyin Kufsiga oo ku soo badanaya qeybo ka mid ah gobollada dalka Soomaaliya, ayuu sheegay xeer ilaaliyaha guud ee Qaranka Axmed Cali Daahir in gacanta dowladda uu ku jiro Nin 40 sano jir ah oo sida uu hadalka u dhigay Kufsaday gabar shan sano jirta.

3/7/2019 1:20 AM EST
Khamiis, Maarso 07, 2019 (HOL)- Dowladda Burundi ayaa u muuqata in wali aysan ogolaan go’aanka Ururka Midowga Africa ee qeyb ciidamadooda ka mid ah looga saarayo dalka Soomaaliya.

3/7/2019 12:29 AM EST
Khamiis, Maarso 07, 2019 (HOL)- Doorashada gobollada dalka Holland ayaa lagu wadaa in ay dhacdo 20-ka bishan, waxaana ka qaybgalayo labo dhalinyaro Soomaalida dalkaasi ku dhaqan oo xisbiyo kala duwan u tartamaya.

3/7/2019 12:20 AM EST
Khamiis, Maarso 07, 2019 (HOL)- Maamul gobollleedka Puntland ayaa sheegay in ay lagu guuleystay xalinta xiisad ka dhalatay amar ka soo baxay markii hore maamulka oo lagu xiray Suuq Kalluunka ee ku yiilay marsada Boosaaso.