3/28/2024
Today from Hiiraan Online:  _
Wararka Maanta- Talaado, Mar 5 , 2019
Madaxweyne Farmaajo iyo Abiy Ahmed oo caawa ku sii jeeda magaalada Nairobi dalka Kenya

 

Talaado, Maarso, 05, 2019 (HOL) -Madaxweynaha dowladda Soomaaliya Maxamed Cabdullaahi Farmaajo oo uu wehliyo ra'iisal wasaaraha dalka Itoobiya Abiy Ahmed ayaa caawa ku sii jeeda magaalada Nairobi ee dalka Kenya.

Ujeedada safarka madaxweynaha dowladda Soomaaliya ee magaalada Nairobi ayaa lagu sheegay ka qeybgalka kulan saddex geesood ah oo magaalada Nairobi ku dhaxmari doona madaxda dowladdaha, Soomaaliya, Kenya iyo Itoobiya.

Socdaalka la filayo ayaa imanaya xili maanta magaalada Addis Ababa uu kulan kula qaatay ra’iisal wasaaraha dalka Itoobiya Abiy Ahmed oo markii horeba madaxweyne Farmaajo u mari-qaaday magaalada Addis Ababa.

Madaxweynaha dalka Kenya Uhuru Kenyatta ayaa dhawaan sidan oo kale tagay magaalada Addis Ababa ee dalka Itoobiya, isaga oo markii danbe ka qeybgalay kulan saddex geesood ah oo madaxda oo ka dhacay magaalada Addis Ababa

Kulanka ka dhici doonta magaalada Nairobi ayaa ku soo beegmay xili xiisad Diblomaasiyadeed oo ka dhalatay muranka xudduuda badda ay ka dhax aloosan tahay labada dowladdood Soomaaliya iyo Kenya.

Wixii ka soo kordha waan idin soo gudbin doonnaa... 

C/raxmaan Diini, Hiiraan Online
[email protected]
 













Click here
3/5/2019 3:38 PM EST
Talaado, Maarso, 05, 2019 (HOL)-Madaxweynaha dowladda Soomaaliya Maxamed Cabdullaahi Farmaajo iyo Abiy Ahmed ayaa gaaray goor dhaw magaalada Nairobi ee dalka Kenya, halkaa oo maalinta berri ah wada hadal ku yeelan doonaan dhiggooda Uhuru Kenyatta.

3/5/2019 12:50 PM EST
Talaado, Maarso, 05, 2019 (HOL) - Deegaannada miyiga gobolka Mudug ee Mindha-ciraan illaa aagga Gosol ayaa waxaa ka taagan xaalad nolaleed oo ay dadka deegaanka ku sheegeen middii ugu liidatay,markii dadka iyo duunyadaba ay ku adkaatay inay helaan biyo ay cabbaan.

3/5/2019 12:46 PM EST
Talaado, Maarso 05, 2019 (HOL) – Qoysaska muslimiinta ah ee ku nool magaalada Birmingham ee dalka Ingiriiska ayaa carruurtooda kala baxay dugsiga Parkfield Community ,iyagoo ku eedeynaya iskuulka inuu ardayda baro waxyaabo ka hor imaanaya Diinta Islaamka.

3/5/2019 11:59 AM EST
Talaado, Maarso 05, 2019 (HOL) – Puntland ayaa markii ugu horreysay ka hadashay dagaal ka dhacay deegaanka Gambara ee gobolka Sool,kaddib weerar lagu qaadday ciidanka Soomaaliland.

3/5/2019 9:41 AM EST
Talaado, Maarso, 05, 2019 (HOL) -Muno Kuri oo aheyd 36 Soomaali ah ayaa lagu soo waramayaa in meydkeeda laga helay gurigeeda oo ku yaala magaalada San Diego ee dalka Mareykanka sida laga soo xigtay ciidamada booliiska.

3/5/2019 9:00 AM EST
Talaado, Maarso, 05, 2019 (HOL) - Duqa Muqdisho ahna Guddoomiyaha Gobolka Banaadir Mudane Cabdiraxmaan Cumar Cusmaan (Eng. Yarisow) ayaa saxiixay Habraaca Iibka iyo Qandaraasyada Dawladda Hoose ee Xamar iyo Maamulka Gobolka Banaadir.

3/5/2019 4:22 AM EST
Talaado, Maarso 05, 2019 (HOL) –Eedeysanahan oo lagu magacaabi jiray Maxamuud Cali Xaamud ayaa in mudo ah ku xirnaa saldhigga dhexe ee degmada Garbahaareey ayadoo loo heystay dambi isugu jiray dil iyo Kufsi.

3/5/2019 2:24 AM EST
Talaado, Maarso 05, 2019 (HOL) – Madaxweynaha JFS Mudane Maxamed Cabdullaahi Farmaajo iyo wafdi uu hoggaaminayo ayaa goor dhaw ka dhoofaya Garoonka Aadan Cabdulle ee magaalada Muqdisho iyaga oo ku sii jeeda magaalada Addis Ababba kadib martiqaad uu ka hadlay ra’iisal wasaaraha Itoobiya.

3/5/2019 12:28 AM EST
Talaado, Maarso 05, 2019 (HOL)–Afhayeen u hadlay Ciidanka Militeriga Somaliland ayaa faah faahin ka bixiyay dagaal kooban oo maalintii shalay ka dhacay Sool iyo bariga gobolka Sanaag.

3/5/2019 12:23 AM EST
Talaado,Maarso 05, 2019 (HOL) –Ra’iisal wasaare ku-xigeenka Soomaaliya Mahadi Maxamed Guulleed Khadar ayaa BBC u sheegay in marnaba uusan wada hadal ka furneyn muranka la xiriira Xudduud Baddeedka ee ka dhaxeeya labada dowladdood Soomaaliya iyo Kenya.

3/5/2019 12:06 AM EST
Talaado, Maarso 05, 2019 (HOL) – Socdaalka madaxweynaha dowladda Soomaaliya Maxamed Cabdullaahi Farmaajo lagu wado in uu maanta ku tago magaalada Addis Ababa ee dalka Itoobiya ayaa imanaya xili magaalada Asmara Axadii toddobaadkan kulan saddex geesood ah ku yeesheen madaxda dowladdaha Itoobiya, Kenya iyo Eritrea.